គន្លឹះ​ងាយ​ៗ​សម្រាប់​អ្នក​បារម្ភ​ពី​លុយ​ក្នុង​ពេល​កំពុង​ទប់ទល់​នឹង​កូ​វី​ដ​-១៩


សេដ្ឋកិច្ច​ជុំវិញ​ពិភពលោក​កំពុង​តែ​ជួប​ប្រទះ​នូវ​ភាព​មិន​ប្រាកដប្រជា ខណៈ​ដែល​វិនិយោគិន​ចាប់ផ្តើម​លក់​ហ៊ុន​ចោល ក្រុមហ៊ុន​ចាប់ផ្តើម​កាត់​បន្ថយ​បុគ្គលិក និង​អាជីវកម្ម​បិទទ្វារ​ឈប់​ដំណើរការ​ព្រោះតែ​វីរុស​កូ​វី​ដ ១៩ ។ វា​បាន​បង្ក​ជា​ការ​ព្រួយបារម្ភ​យ៉ាង​ខ្លាំង​ដល់​ប្រជាជន និង​អាជីវករ​កម្ពុជា​ដែល​ទទួល​រង​ការ​ប៉ះពាល់​ពី​វីរុស​នេះ ។

ខាងក្រោម គឺជា​គន្លឹះ​ងាយ​ៗ​ពី​អ្នកជំនាញ​ដែល​អាច​ជួយ​ដល់​អ្នក​ដែល​ព្រួយបារម្ភ​ពី​បញ្ហា​លុយ​ក្នុង​កំឡុង​ពេល​នេះ​បាន​៖

១-ពិនិត្យ​មើល​ថវិកាបម្រុង​ទុក​ពេល​អាសន្ន
ប្រសិនបើ​អ្នកមាន​ថវិកា​សន្សំទុក​សម្រាប់​ពេល​អាសន្ន​ហើយ អ្នក​ក៏​ត្រូវ​ពិនិត្យ​មើល​សិន​ដែរ​ថា​តើ​ថវិកា​នេះ​អនុញ្ញាត​ឲ្យ​អ្នក​ចាយវាយ​បាន​គ្រប់គ្រាន់​ក្នុង​រវាង​ពី ៣​ទៅ ៨​ខែ​ដែរ​ទេ? ប្រសិនបើ​អ្នក​មិន​ទាន់​មាន​ទេ​នោះ អ្នក​គួរតែ​ចាប់ផ្តើម​សន្សំ​ថវិកា​ទុក​ទោះជា​បន្តិចបន្តួច​ក៏​ដោយ ។

២-ពេល​វិនិយោគ អ្នក​ត្រូវ​គិត​ឲ្យ​បាន​វែង​ឆ្ងាយ
អ្នកជំនាញ​ផ្នែក​ហិរញ្ញវត្ថុ​បាន​ផ្តល់​យោបល់​មក​ថា បើ​អ្នក​បាន​វិនិយោគ​លើ​អ្វីមួយ​ហើយ អ្នក​មិន​គួរ​ប៉ះពាល់​វា​ទេ ព្រោះ​បច្ចុប្បន្ន​មិនមែន​ជា​ស្ថាន​ការ​ល្អ​ក្នុង​ការ​ផ្លាស់​ប្តូរ​អ្វី​ឡើយ ។ លើស​ពី​នេះ​ទៅ​ទៀត ប្រសិនបើ​អ្នក​សម្រេចចិត្ត​វិនិយោគ​នោះ អ្នក​គួរ​ជ្រើសរើស​អ្វី​ដែល​អនុញ្ញាត​ឲ្យ​អ្នករក​ផល​ចំណេញ​បាន​ក្នុង​រយៈពេល​វែង ។

៣-យល់​ឲ្យ​បាន​ច្បាស់​ពី​កម្ចី និង​រៀបចំ​ផែនការ​សម្រាប់​សំណង
អ្នក​អាច​គណនា​បំណុល​របស់​អ្នក​ឡើង​វិញ និង​រៀបចំ​គម្រោងការ​ឲ្យ​បាន​ច្បាស់លាស់​សម្រាប់​សំណង​។ បើ​អ្នក​មិន​មាន​សមត្ថភាព​ក្នុង​ការ​សង​ទេ​នោះ អ្នក​គួរតែ​ចៀសវាង​កម្ចី​ថ្មី​ៗ ។

៤-ពិនិត្យ​មើល​ចំណាយ​របស់​អ្នក​ឡើង​វិញ
អ្នកជំនាញ​បាន​ប្រាប់​មក​ថា ស្ថាន​ការ​ដែល​មិន​មាន​ភាព​ប្រាកដប្រជា​អាច​ប៉ះពាល់​ដល់​ទស្សនៈ​របស់​មនុស្ស​លើ​លុយ​បាន ។ ជាមួយ​គ្នា​នេះ​ដែរ កូ​វី​ដ ១៩ បាន​ជះ​ឥទ្ធិពល​យ៉ាង​ខ្លាំង និង​បង្ក​ឲ្យ​មនុស្ស​ជា​ច្រើន​ផ្លាស់​ប្តូរ​ការ​រស់នៅ​របស់​ពួក​គេ ។

ដោយហេតុ​ដូចនេះ​អ្នក​ត្រូវ​តែ​ពិនិត្យ​មើល​ចំណាយ​របស់​អ្នក​ឡើង​វិញ និង​ពិចារណា​ថា​តើ​មាន​ចំណុច​ណា​ដែល​អ្នក​អាច​ផ្លាស់​ប្តូរ​បាន​ទេ ហើយ​អ្នក​នឹង​យក​ថវិកា​ដែល​នៅ​សល់​ពី​ការ​ទទួលទាន​អាហារ​នៅ​ក្រៅ​ជាមួយ​មិត្តភក្តិ​ទៅ​ធ្វើ​អ្វី​វិញ​ជាដើម ៕ (យោងតាម​ប្រភពពី www.nbcnews.com )

ស្រាវជ្រាវ...

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ