រាជធានីភ្នំពេញ ៖ ស្ថិតក្នុងដំណាក់កាលមួយ ដែលកម្ពុជាកំពុងតែពើតប្រទះមេរោគ កូវីដ១៩ បង្កការព្រួយបារម្ភ និងភ័យខ្លាចគ្រប់ផ្នែកដែលជាខ្មែរជួយបានផុសនូវភាពសាមគ្គី។ មិនថា តែអ្នកក្នុង និងក្រៅសិល្បៈ…
រាជធានីភ្នំពេញ ៖ ស្ថិតក្នុងដំណាក់កាលមួយ ដែលកម្ពុជាកំពុងតែពើតប្រទះមេរោគ កូវីដ១៩ បង្កការព្រួយបារម្ភ និងភ័យខ្លាចគ្រប់ផ្នែកដែលជាខ្មែរជួយបានផុសនូវភាពសាមគ្គី។ មិនថា តែអ្នកក្នុង និងក្រៅសិល្បៈ ម្នាក់ៗបានចូលរួមបង្ហាញទឹកចិត្ត ហើយជួយដល់ក្រសួងសុខាភិបាល ពង្រឹងការងារយកឈ្នះកូវីដដ៏សាហាវនេះឱ្យបាន ដើម្បីឱ្យអ្វីៗវិលវិញដូចដើម។
បើនិយាយពីឈ្មោះ អ្នកនាង ទៀង មុំសុធាវី អ្នកទាំងអស់គ្នាប្រាកដជាបានស្គាល់រួចមកហើយ អំពីទេពកោសល្យនៃការច្រៀងរបស់គាត់ គឺពិតជាមានទឹកដម ច្រៀងបានពីរោះ និងមានមនោសញ្ចេតនាល្អ រីឯរូបសម្រស់វិញ ក៏មិនធម្មតា នាងពិតជាមានភាពស្រស់ស្អាតខ្លាំង ទើបធ្វើឲ្យប្រជាប្រិយភាពរបស់អ្នកនាងកាន់តែមានល្បីល្បាញ។
ក្រោយពេលមានការអំពាវនាវពីរដ្ឋាភិបាលជួយគ្នាទប់ទល់ការរីករាលដាលជំងឺកូវីដ១៩ មកយើងឃើញថា មានការចែករំលែកសកម្មភាពមនុស្សធម៌ យ៉ាងផុសផុលក្រៃលែង។ មិនថា អ្នកជំនួញល្បីៗ ឬឧកញ៉ា ឯកឧត្តម សូម្បីតែសិល្បករ ក៏បានបង្ហាញការខ្នះខ្នែង ទៅតាមទឹកចិត្តជ្រះថ្លារៀងខ្លួនហូរហែរ។ អ្វីដែលធ្វើឱ្យគេចាប់អារម្មណ៍ជាបន្តទៀត តារាចម្រៀងបែបស្រគត់ស្រគំសំឡេងពីរោះរណ្តំ ទៀង មុំសុធាវី និងស្វាមី បានមូលចិត្តគ្នា បរិច្ចាគជាទឹកប្រាក់រហូត៥ពាន់ដុល្លារ ដើម្បីជូនដល់ផ្នែកពាក់ព័ន្ធ ជួយទប់ស្កាត់ការរីករាលដាលជំងឺសង្គមដ៏កំណាចនេះ។
តាមការបង្ហោះលើបណ្តាញសង្គមផ្ទាល់ របស់លោក ហេង ឡុង បានសរសេរថា «តារាចម្រៀងដែលបានបរិច្ចាគទឹកប្រាក់ច្រើនជាងគេសម្រាប់ «មូលនិធិសិល្បករកូវីដ១៩» គឺតារាចំរៀងមនោសញ្ជេតនាអ្នកនាង ទៀងមុំ សុធាវី និងស្វាមីលោក ជួន សុកាន់ណារឹទ្ធ បានបរិច្ចាគទឹកប្រាក់ $5000 (ប្រាំពាន់ដុល្លារ ) ចូលរួមទប់ស្កាត់ និងព្យាបាលជំងឺ COVID-19 តបតាមការអំពាវនាវដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ អរគុណបងប្អូនដែលបានគាំទ្រសកម្មភាពមនុស្សធម៌ប្រឆាំងជំងឺ COVID-19ទាំងអស់គ្នា»។
គួររំលឹកថា តារាចម្រៀងអ្នកនាង ទៀង មុំសុធាវី ទើបតែចូលរោងការបានប៉ុន្មានខែមុននេះ ជាមួស្វាមីជាអ្នកជំនួញខ្មែររស់នៅប្រទេសបារាំង។ អ្នកនាងពិត ជាមានសំណាង ដោយសារពេលរៀបការឃើញមាន អ្នកមុខ អ្នកមាត់ និងអ្នកជំនួញល្បីចូលរួមជូនពរជ័យ។ បើទោះជាវិថីជីវិត ជួបដល់ត្រើយ សុខសុភមង្គល ក៏អ្នកនាងនៅតែប្រឡូកបំពេញការងារ ជាតារាសិល្បៈដូចពីមុនដដែល ។
មូលហេតុនេះ ជាអាជីពតស៊ូ តាំងពីដំបូងរហូតល្បីឈ្មោះ ស្គាល់គ្រប់ស្ថានការពេលចេញ បំពេញការងារ។ ជាញឹកញយ អ្នកចម្រៀងលំដាប់ជាតិរូបនេះ បានចំណាយពេលថតផលិត បទចម្រៀង លក្ខណៈប្រពៃណីភ្លេងការយ៉ាងពីរោះ ដាក់ផ្សាយលើបណ្តាញសង្គមយូធូប។ ទាំងនេះជាការតបភាពឱ្យតម្លៃស្រឡាញ់ចូលចិត្ត របស់ហ្វេនៗ ក្នុងនិងក្រៅប្រទេស ចូលចិត្តសំនៀងរបស់នាង។ (កែសម្រួលដោយ ៖ បុប្ផា)
ចែករំលែកព័តមាននេះ