ព្រះអង្គទ្រង់បានត្រាស់ប្រៀនប្រដៅទុកថា អ្នកដែលផ្តល់ភាពយុត្តិធម៌ ដល់អ្នកដទៃមិនបាន ក៏ព្រោះតែការលំអៀង ដែលទ្រង់ហៅថា “អគតិ” ប្រែថា ការលម្អៀង ផ្លូវនៃការប្រព្រឹត្តិខុស ការឃ្លាងឃ្លាតពីធម៌ ពាក្យលម្អៀងមាន៤ប្រការគឺ ៖

១-លម្អៀងព្រោះស្រឡាញ់ចូលចិត្ត

២-លំអៀងព្រោះស្អប់

៣-លម្អៀងព្រោះល្ងង់ខ្លៅ

៤-លម្អៀងព្រោះខ្លាច ។

អគតិ ៤ ប្រការនេះ ជាអកុសលធម៌ ជាប្រការដែលត្រូវតែជៀសវាង មិនត្រូវប្រព្រឹត្តជាដាច់ខាត អ្នកណាគេចចេញពីអគតិទាំងនេះបាន អ្នកនោះរមែងជាអ្នកចម្រើនដោយកិត្តិគុណ ជាអ្នកមានសេចក្តីគោរពបូជា មានអ្នកស្តាប់បង្គាប់ មានអ្នកលើកតម្កើងពោលសរសើរជាប្រក្រតី ។ សាន សារិន