រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា មនុស្សបាត់បង់ជីវិតដោយសារគ្រោះថ្នាក់ចរាចរណ៍ច្រើនជាងអ្នកឆ្លងជំងឺទៅទៀត។ សម្តេចតេជោបានសរសេរនៅលើបណ្តាញសង្គមនៅថ្ងៃទី១១ ខែមីនា ឆ្នាំ២០២០…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា មនុស្សបាត់បង់ជីវិតដោយសារគ្រោះថ្នាក់ចរាចរណ៍ច្រើនជាងអ្នកឆ្លងជំងឺទៅទៀត។ សម្តេចតេជោបានសរសេរនៅលើបណ្តាញសង្គមនៅថ្ងៃទី១១ ខែមីនា ឆ្នាំ២០២០ យ៉ាងដូច្នេះថា៖ «សុខសប្បាយជាទេ បងប្អូនជនរួមជាតិ? ខ្ញុំសូមកោតរសើរចំពោះបងប្អូនជនរួមជាតិដែលយកចិត្តទុកដាក់មានការប្រុងប្រយ័ត្នខ្ពស់ចំពោះសុខភាពអនាម័យផ្ទាល់ខ្លូន ជាពិសេសក្នុងការទប់ស្កាត់ ជំងឺឆ្លងកូវីដ-១៩ និងជំងឺឆ្លងផ្សេងៗទៀត»។
ដើម្បីគោរពច្បាប់ចរាចរណ៍សម្តេចបានបន្តថា ទន្ទឹមនឹងនេះ សូមបងប្អូនប្រជាពលរដ្ឋយកចិត្តទុកដាក់គោរពច្បាប់ចរាចរណ៍ឱ្យបានខ្ជាប់ខ្ជួនបំផុតដែរ គឺត្រូវពាក់មួកសុវត្ថិភាព និងពាក់ខ្សែក្រវ៉ាត់សុវត្ថិភាព ពេលបើកបរគ្រប់ពេលជានិច្ច។ ព្រោះគ្រោះថ្នាក់ចរាចរណ៍កំពុងសម្លាប់មនុស្សជារៀងរាល់ថ្ងៃច្រើនជាងជំងឺឆ្លងទៅទៀត។
សម្តេចក៏សូមជូនពរបងប្អូនមានសុខភាល្អ និងមានសុខសុវត្ថិភាពក្នុងការធ្វើដំណើរជិតឆ្ងាយនៅទូទាំងប្រទេស។
គួររឮកថា ការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រី ខណៈដែលបញ្ហាគ្រោះថ្នាក់ចរាចរណ៍បានកើតឡើង និងបណ្តាលឱ្យមនុស្សបាត់បង់ជីវិត និងរបួសជារៀងរាល់ថ្ងៃ ជាងនេះខណៈពេលដែរប្រជាពលរដ្ឋកំពុងតែភ័យព្រួយក្នុងការឆ្លងជំងឺកូវីដ-១៩ ៕ (កែសម្រួលដោយ ៖ បុប្ផា)
ចែករំលែកព័តមាននេះ