កាលពីថ្ងៃច័ន្ទ ក្រសួងការបរទេសអាមេរិក បានណែនាំដល់អ្នកធ្វើដំណើរតាមនាវាទៅក្នុងទ្វីបអាស៊ី ឱ្យពិចារណាឡើងវិញ នូវការធ្វើដំណើររបស់ពួកគេ ដោយនិយាយនៅក្នុងសេចក្តីថ្លែងការណ៍មួយនៅលើគេហទំព័ររបស់ខ្លួនថា ៖ «នេះ គឺជាស្ថានភាពប្រកបដោយភាពស្វាហាប់ ហើយពលរដ្ឋអាមេរិកដែលធ្វើដំណើរតាមកប៉ាល់អាចនឹងរងផលប៉ះពាល់ដោយការរឹតបន្តឹងការធ្វើដំណើរដែលប៉ះពាល់ដល់ទិសដៅរបស់ពួកគេ។»…
កាលពីថ្ងៃច័ន្ទ ក្រសួងការបរទេសអាមេរិក បានណែនាំដល់អ្នកធ្វើដំណើរតាមនាវាទៅក្នុងទ្វីបអាស៊ី ឱ្យពិចារណាឡើងវិញ នូវការធ្វើដំណើររបស់ពួកគេ ដោយនិយាយនៅក្នុងសេចក្តីថ្លែងការណ៍មួយនៅលើគេហទំព័ររបស់ខ្លួនថា ៖ «នេះ គឺជាស្ថានភាពប្រកបដោយភាពស្វាហាប់ ហើយពលរដ្ឋអាមេរិកដែលធ្វើដំណើរតាមកប៉ាល់អាចនឹងរងផលប៉ះពាល់ដោយការរឹតបន្តឹងការធ្វើដំណើរដែលប៉ះពាល់ដល់ទិសដៅរបស់ពួកគេ។»
លើសពីនេះក្រសួងការបរទេសបានព្រមានថា ជើងហោះហើរធ្វើមាតុភូមិនិវត្តន៍ដែលរៀបចំឡើងដោយរដ្ឋាភិបាលសហរដ្ឋអាមេរិកមិនគួរពឹងផ្អែកជាជម្រើសសម្រាប់ពលរដ្ឋអាមេរិកដែលត្រូវឃាត់ឱ្យនៅដាច់ដោយឡែកព្រោះសង្ស័យថា កើតជំងឺកូរ៉ូណានោះទេ ។
ខណៈដែលក្រសួងការបរទេសបានកត់សម្គាល់ឃើញថា ការជម្លៀសប្រជាជនអាមេរិករាប់រយនាក់ប្រកបដោយជោគជ័យនៅក្នុងប៉ុន្មានសប្តាហ៍កន្លងមកនេះ ទីភ្នាក់ងារនេះបាននិយាយនៅក្នុងសេចក្តីថ្លែងការណ៍របស់ខ្លួនថា ខ្លួនមិនអាចសន្យាថា នឹងធ្វើឱ្យពលរដ្ឋរបស់ខ្លួនចាកចេញពីនាវាដែលរងផលប៉ះពាល់ ឬធ្វើដំណើរលើសពីដែនសមត្ថកិច្ចរបស់អាជ្ញាធរមូលដ្ឋានក្នុងតំបន់ដែលឆ្លងវីរុសនេះទេ ។
ការប្រឹក្សានេះកើតឡើងប៉ុន្មានថ្ងៃបន្ទាប់ពីមានករណីឆ្លងជំងឺកូរ៉ូណាថ្មីជាង ៦០០ករណី ដែលត្រូវបានគេធ្វើរោគវិនិច្ឆ័យឃើញនៅលើនាវាដឹកនាវា Diamond Princess នៅប្រទេសជប៉ុន ។ ការផ្ទុះឡើងនៅលើនាវាទេសចរណ៍ដែលជាកន្លែងនៃការផ្ទុះវីរុសដ៏ធំបំផុត នៅខាងក្រៅចិនដីគោកបណ្តាលឱ្យអ្នកដំណើរពីរនាក់បាត់បង់ជីវិត ៕
ចែករំលែកព័តមាននេះ