នៅក្នុងការសិក្សាដែលបានចុះផ្សាយនៅក្នុងទស្សនាវដ្តី Clinical Endocrinology & Metabolism ក្រុមអ្នកស្រាវជ្រាវនៅសាកលវិទ្យាល័យ Lubeck ប្រទេសអាល្លឺម៉ង់បានរកឃើញថា រាងកាយហាក់ដូចជាប្រសើរជាងមុនក្នុងការរំលាយអាហារនៅពេលព្រឹក បើទោះបីជាទទួលទានកាឡូរីច្រើនក៏ដោយ…
នៅក្នុងការសិក្សាដែលបានចុះផ្សាយនៅក្នុងទស្សនាវដ្តី Clinical Endocrinology & Metabolism ក្រុមអ្នកស្រាវជ្រាវនៅសាកលវិទ្យាល័យ Lubeck ប្រទេសអាល្លឺម៉ង់បានរកឃើញថា រាងកាយហាក់ដូចជាប្រសើរជាងមុនក្នុងការរំលាយអាហារនៅពេលព្រឹក បើទោះបីជាទទួលទានកាឡូរីច្រើនក៏ដោយ ។
ក្រុមស្រាវជ្រាវបានកំណត់ថា តើការញ៉ាំនៅម៉ោងខុសគ្នានៃថ្ងៃ ប៉ះពាល់ដល់អ្វីដែលត្រូវបានគេហៅថា DIT (របៀបដែលរាងកាយប្រើប្រាស់ថាមពល នៅពេលរំលាយអាហារ)។ គេគិតថា កម្រិត DIT ទាប អាចមានន័យថា មនុស្សម្នាក់ងាយនឹងធាត់ ។
នៅក្នុងការសិក្សាមួយ ដែលទាក់ទងនឹងបុរស១៦នាក់ អ្នកស្រាវជ្រាវបានរកឃើញថា DIT ខ្ពស់ជាង ២.៥ដង នៅពេលដែលពួកគេញ៉ាំនៅពេលព្រឹកដោយមិនគិតពីចំនួនកាឡូរីដែលពួកគេបានញ៉ាំ ។ ពួកគេក៏បានរកឃើញថា កម្រិតជាតិស្ករក្នុងឈាម និងកម្រិតអាំងស៊ុយលីនកើនឡើងតិចបន្ទាប់ពីពួកគេញ៉ាំនៅពេលព្រឹក បើប្រៀបធៀបទៅនឹងអាហារពេលថ្ងៃ ។ លើសពីនេះទៅទៀត អ្នកចូលរួមទំនងជាមានអារម្មណ៍ឃ្លាន បន្ទាប់ពីញ៉ាំអាហារពេលព្រឹកមានកាឡូរីទាប ហើយជាពិសេសចង់បានរបស់ផ្អែមៗ ។
នេះនាំឱ្យក្រុមធ្វើការសន្និដ្ឋានថា DIT ខ្ពស់នៅពេលព្រឹកខ្ពស់ជាងនៅពេលល្ងាច ដោយមិនគិតពីចំនួនកាឡូរីដែលត្រូវបានប្រើប្រាស់។ ក្រុមអ្នកស្រាវជ្រាវបាននិយាយថា ដើម្បីការពារការធាត់និងកម្រិតជាតិស្ករក្នុងឈាម មនុស្សគួរតែទទួលទានអាហារមួយភាគធំនៅពេលញ៉ាំអាហារពេលព្រឹក ជាជាងញ៉ាំអាហារពេលថ្ងៃត្រង់ ឬពេលល្ងាច ។
ការរកឃើញនេះមានសារសំខាន់សម្រាប់មនុស្សគ្រប់រូបព្រោះវាបញ្ជាក់ពីតម្លៃនៃការទទួលទានអាហារពេលព្រឹកឱ្យបានគ្រប់គ្រាន់។ គេបានណែនាំឱ្យអ្នកជំងឺធាត់ក៏ដូចជា មនុស្សដែលមានសុខភាពល្អ បរិភោគអាហារពេលព្រឹកច្រើនជាងអាហារពេលល្ងាច ដើម្បីកាត់បន្ថយទម្ងន់រាងកាយនិងការពារជំងឺមេតាប៉ូលីស ៕
ចែករំលែកព័តមាននេះ