មហាសេដ្ឋី Bill Gates៖ គុណសម្បត្តិដែលអ្នកដឹកនាំល្អតែងតែមាន
យោងទៅតាមលោកមហាសេដ្ឋី ប៊ីល ហ្គេតស៍ ដែលជាស្ថាបនិករបស់ក្រុមហ៊ុន Microsoft និងបច្ចុប្បន្នជាប្រធានមូលនិធិសប្បុរសធម៌ Bill and Melinda Gates…
យោងទៅតាមលោកមហាសេដ្ឋី ប៊ីល ហ្គេតស៍ ដែលជាស្ថាបនិករបស់ក្រុមហ៊ុន Microsoft និងបច្ចុប្បន្នជាប្រធានមូលនិធិសប្បុរសធម៌ Bill and Melinda Gates Foundation បានប្រាប់មកថា ក្នុងសតវត្សថ្មី អ្នកដឹកនាំជាមនុស្សដែលផ្តល់លទ្ធភាពដល់អ្នកដទៃក្នុងការធ្វើអ្វីមួយ ។ តើដើម្បីធ្វើអ្វីឲ្យប្រាកដទៅ?
ក្នុងបរិបទបច្ចុប្បន្ននេះ អ្នកដឹកនាំល្អជាមនុស្សដែលផ្តល់លទ្ធភាពដល់មនុស្សជុំវិញខ្លួនឲ្យធ្វើនវានុវត្តន៍ និងបង្កើតជាលទ្ធផលការងារល្អៗ ។ ប៉ុន្តែតើអ្នកអាចធ្វើយ៉ាងដូចម្តេចទើបផ្តល់លទ្ធភាពដល់មនុស្សជុំវិញខ្លួនបាន?
១. ស្គាល់សមាជិកក្រុមការងាររបស់អ្នកឲ្យបានច្បាស់លាស់
ភាពរឹងមាំរបស់អាជីវកម្មពឹងផ្អែកទៅលើមនុស្សដែលជួយកសាងវាឲ្យមានរូបរាងឡើង ។ ដោយហេតុដូចនេះ អ្នកដឹកនាំគួរតែមានតួនាទីក្នុងការទំនាក់ទំនង និងស្គាល់សមាជិកក្រុមការងារឲ្យបានច្បាស់លាស់ ។ បន្ទាប់មកអ្នកដឹកនាំត្រូវតែជំរុញ និងផ្តល់លទ្ធភាពដល់ពួកគេឲ្យឈប់ភ័យខ្លាចហានិភ័យ និងបន្តអភិវឌ្ឍន៍ខ្លួនទៅមុខ ។ ជាមួយគ្នានេះដែរ អ្នកដឹកនាំត្រូវផ្តល់ឱកាសដើម្បីឲ្យពួកគេអភិវឌ្ឍន៍ខ្លួនផងដែរដូចជាការចូលរួមសិក្ខាសាលា កម្មវិធី និងថ្នាក់រៀននានាជាដើម ។
២. ទំនាក់ទំនងឲ្យដូចអ្នកដឹកនាំ
អ្នកមិនអាចហៅខ្លួនឯងជាអ្នកដឹកនាំម្នាក់បានទេប្រសិនបើអ្នកមិនអាចទំនាក់ទំនងជាមួយអ្នកដទៃដូចអ្នកដឹកនាំ ។ អ្នកដឹកនាំល្អជាមនុស្សដែលអាចជំរុញទឹកចិត្តអ្នកដទៃ និងផ្តល់លទ្ធភាពឲ្យពួកគេឆ្ពោះទៅរកគោលដៅរួមមួយ ។ វាទាក់ទិននឹងការគោរពមនុស្ស និងមើលទៅពួកគេថាជាមនុស្សដែកមានតម្លៃនិងស័ក្តិសមជាមិត្តរួមការងាររបស់អ្នក មិនមែនគ្រាន់តែជាមធ្យោបាយដែលអ្នកអាចប្រើដើម្បីសម្រេចគោលដៅអ្នកបានឡើយ ។ ជាមួយគ្នានេះដែរ ការប្រាស្រ័យទាក់ទងមិនពាក់ព័ន្ធតែនឹងការនិយាយទេ ។ អ្នកដឹកនាំល្អជាមនុស្សដែលមានសមត្ថភាពក្នុងការស្តាប់បានខ្ពស់ សួរសំណួរល្អៗ និងរកអត្ថន័យក្នុងការសន្ទនាជាមួយអ្នកដទៃ ។
៣. ខ្វល់ពីអ្នកដទៃច្រើនជាងខ្លួនឯង
ការដឹកនាំដែលមិនគិតពីប្រយោជន៍ខ្លួនផ្តល់លទ្ធភាពយ៉ាងខ្លាំងដល់ក្រុមការងារព្រោះវាមិនត្រឹមតែជំរុញដល់ការធ្វើការជាក្រុមទេ តែវាក៏អាចជៀសវាងបញ្ហាដែលអាចកើតឡើងរវាងផ្នែកផ្សេងៗ ឬក្រុមផ្សេងៗជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ