រាជធានីភ្នំពេញ ៖តារាសម្តែងនាង ស៊ុំ សុម៉ាលី ត្រូវនារីម្នាក់ជេរប្រមាថតាមហ្វេសប៊ុក បន្ទាប់ពីតារារូបនេះបានបង្ហោះសារដៀមដាមទៅកាន់បុគ្គលម្នាក់ ហើយនារីរូបនោះបានចូលឆ្លើយតបក៏ក្លាយជម្លោះ ។
នារីម្នាក់ដែលបានដាក់ឈ្មោះក្នុងហ្វេសប៊ុកថា Neat Alisa បានឆាតទៅជេរប្រមាថស៊ុំ សុម៉ាលី ទាក់ទិនរឿងមួយចំនួនដែលនារីរូបនោះបានជួបប្រទះ និងបានកើតឡើងជាមួយតារារូបនេះយ៉ាង ច្បាស់ៗតែម្តង ។ យ៉ាងណាសុម៉ាលី បានព្រមាននារីនោះឲ្យចេញមុខដោះស្រាយបញ្ហាជាមួយនាងជាបន្ទាន់ ដោយមិនឲ្យរួចខ្លួនឡើយ បើទោះបីជានាងនៅមិនដឹងប្រភពច្បាស់លាស់ពីនារីរូបនោះមកពីខាងណាក៏ដោយ។
អះអាងប្រាប់កោះសន្តិភាពតាមសារអេឡិចត្រូនិកតារាសម្តែងកូនមួយស៊ុំ សុម៉ាលី បានអះអាងកាលពីថ្ងៃទី១៣ កុម្ភៈ ២០២០ថា នាងមិនស្គាល់នារីម្នាក់នោះជាអ្នកណាឡើយ ប៉ុន្តែនារីនោះជាមិត្តភក្តិក្នុងហ្វេសប៊ុករបស់នាង ហើយនៅពេលដែលនាងបានផុសរឿងរ៉ាវផ្ទាល់ខ្លួននោះ ស្រាប់តែនារីនោះបានចូលមកខំមិនថាឲ្យរូបនាងតែងម្តង។ បន្ទាប់ពីបានឃើញការខំមិនបែបនេះ នាងក៏បានឆាតទៅសួរនាំនារីរូបនោះតែម្តង ។ ខណៈពេលកំពុងសួរនាំស្រាប់នារីរូបនោះបានជេរប្រមាថមកលើរូបនាងទាំងនាងមិនស្គាល់ និងមិនបានដឹងអ្វីពាក់ព័ន្ធជាមួយនារីរូបនោះសូម្បីតែបន្តិចនាង ។
ស៊ុំ សុម៉ាលី ថា «គាត់ជេរខ្ញុំ ទាំងខ្ញុំមិនដឹងអីសោះ ហើយខ្ញុំក៏មិនយល់ពីអ្វីដែលគេបាននិយាយនោះដែរ ហើយជាអ្នកណាគេ បានជេរខ្ញុំបែបនេះ នៅពេលដែលខ្ញុំបានឆាតទៅសួរនាំឲ្យដឹងរឿងហេតុច្បាស់លាស់នោះសោះ តើគាត់មានបំណង និងចង់មានបញ្ហាអ្វីជាមួយខ្ញុំ »។
ស៊ុំ សុម៉ាលី បានឲ្យដឹងទៀតថា បញ្ហានេះនាងចង់ឲ្យសាមីខ្លួនបញ្ជាក់ឲ្យបានច្បាស់ តើវាជាការHack អាក់ខោន ឬយ៉ាងណា ប៉ុន្តែបើតាមដឹងរឿងនេះមិនមែនដូច្នេះឡើយ ព្រោះនារីរូបនោះបានឆាតជាសំឡេងមកផ្ទាល់បែបនេះទៅហើយ ប៉ុន្តែមានរឿងហេតុអ្វីបានជាមកជេររូបនាង ។
បើតាមនាងស៊ុំ សុម៉ាលី ចង់ឲ្យនារីនោះនោះចេញមុខនិយាយជាមួយរូបនាងជាមុនសិន មុននឹងសុំទោសរូបនាង ព្រោះនាងក៏ចង់ដឹងដែរថា អ្វីដែលនារីរូបនោះនិយាយចង់មានន័យឲ្យនាង ឬចង់និយាយជាមួយឲ្យអ្នកនាងផ្សេងពិតប្រាកដ ។ ទោះជាយ៉ាងណាក្ដី នៅពេលមានរឿងនេះកើតឡើងនាងបានទទួលការពន្យល់ណែនាំពីក្រុមគ្រួសារ និងមិត្តភក្តិជាច្រើនកុំឲ្យគិតរឿងនេះនាំឲ្យវែងឆ្ងាយ ព្រោះវាមិនមានប្រយោជន៍ ហើយនាងក៏ពិចារណាយល់ស្របទៅការចង់បាននេះ ប៉ុន្តែនាងនឹងទុកមើលមួយរយៈទៀត ប្រសិនបើនៅតែកើតឡើងទៀត នោះនាងនឹងមិនលើកលែងឡើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ