ការចិញ្ចឹមបីបាច់កូនៗឲ្យធំដឹងក្តីតម្រូវឲ្យឪពុកម្តាយធ្វើការលះបង់ជាច្រើនមិនថា ពេលវេលាកម្លាំង និងថវិកាទេទម្រាំតែកូនៗបានធំដឹងក្តី និងមានសមត្ថភាពរកចំណូលបានដោយខ្លួនឯង ។ ប្រាកដណាស់ឪពុកម្តាយតែងតែចង់មើលឃើញកូនៗរស់នៅដោយងាយស្រួល និងមានជីវភាពធូរធារ ដែលជាហេតុធ្វើឲ្យឪពុកម្តាយភាគច្រើនបន្តឲ្យលុយកូនទុកការចាយវាយផ្សេងៗទោះជាកូនៗមានការងារច្បាស់លាស់ហើយពិតមែនក្តី ។ យ៉ាងណាក្តី…
ការចិញ្ចឹមបីបាច់កូនៗឲ្យធំដឹងក្តីតម្រូវឲ្យឪពុកម្តាយធ្វើការលះបង់ជាច្រើនមិនថា ពេលវេលាកម្លាំង និងថវិកាទេទម្រាំតែកូនៗបានធំដឹងក្តី និងមានសមត្ថភាពរកចំណូលបានដោយខ្លួនឯង ។ ប្រាកដណាស់ឪពុកម្តាយតែងតែចង់មើលឃើញកូនៗរស់នៅដោយងាយស្រួល និងមានជីវភាពធូរធារ ដែលជាហេតុធ្វើឲ្យឪពុកម្តាយភាគច្រើនបន្តឲ្យលុយកូនទុកការចាយវាយផ្សេងៗទោះជាកូនៗមានការងារច្បាស់លាស់ហើយពិតមែនក្តី ។
យ៉ាងណាក្តី វាអាចបង្កើតជាទម្លាប់មិនល្អមួយដែលធ្វើឲ្យកូនៗពឹងផ្អែកលើឪពុកម្តាយ និងមិនចាប់ផ្តើមរៀនសូត្រពីការទុកដាក់លុយឲ្យបានល្អ ។ ដូច្នេះក្នុងនាមជាឪពុកម្តាយដែលចង់ឈប់ឲ្យលុយកូនៗដែលធំដឹងក្តីចាយវាយ តើអ្នកគួរធ្វើដូចម្តេច?
១. កំណត់កំឡុងពេលក្នុងការកាត់បន្ថយ ឬឈប់ឲ្យលុយកូនៗ៖
ឪពុកម្តាយមិនគួរបញ្ឈប់ការឲ្យប្រាក់ចាយវាយទាំងស្រុងទេ តែកំណត់ពេលវេលាឲ្យបានច្បាស់លាស់ក្នុងការកាត់បន្ថយបន្តិចម្តងៗវិញ ព្រោះវាអាចផ្តល់ពេលវេលាគ្រប់គ្រាន់ឲ្យកូនៗក្នុងការស្របខ្លួន និងត្រៀមខ្លួនសម្រាប់ពេលដែលពួកគេពុំមានថវិកាពីឪពុកម្តាយតទៅទៀត ។
២. បកស្រាយប្រាប់កូនៗថាវាជាវិធីដែលអ្នកចង់ជួយពួកគេ៖
ពេលដែលអ្នកបានកំណត់ផែនការច្បាស់លាស់ហើយ អ្នកត្រូវតែបកស្រាយច្បាស់លាស់ពីមូលហេតុដែលអ្នកសម្រេចចិត្តដូច្នេះ ។ អ្វីដែលសំខាន់ គឺអ្នកត្រូវប្រាប់ដល់កូនៗថាវាមិនមែនជាការដាក់ទណ្ឌកម្មលើពួកគេទេ ហើយពួកគេក៏មិនបានធ្វើអ្វីដែលធ្វើឲ្យអ្នកសម្រេចចិត្តដូច្នេះដែរ ។
ផ្ទុយមកវិញ អ្នកគួរផ្តោតលើមេរៀនសំខាន់ៗដែលពួកគេអាចរៀនសូត្រពីការសម្រេចចិត្តរបស់អ្នកបានដូចជាឯករាជ្យភាព និងការចេះទុកដាក់លុយសម្រាប់ថ្ងៃអនាគតដោយខ្លួនឯងជាដើម ។
៣. គាំទ្រពួកគេក្នុងផ្លូវផ្សេង៖
ការសម្រេចចិត្តនេះមិនកាត់ផ្តាច់ទំនាក់ទំនងរវាងឪពុកម្តាយ និងកូនៗទេ ។ អ្នកត្រូវឲ្យពួកគេដឹងថាពួកអ្នកនៅតែគាំទ្រជួយដល់ពួកគេក្នុងផ្លូវផ្សេងដដែល ។ លើសពីនេះទៅទៀត ប្រសិនបើពួកគេត្រូវការជំនួយក្នុងការគ្រប់គ្រងថវិកា នោះអ្នកគួរតែជួយដល់ពួកគេផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ