រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីអគ្គិភ័យឆាបឆេះក្នុងឃ្លាំងស្តុកគ្រឿងបន្លាស់ និងក្បាលរថយន្ត បណ្តាលឱ្យរងការខូចខាតក្បាលរថយន្តប្រភេទដឹកដីធុនអស់២គ្រឿង សរុបជាទឹកប្រាក់អស់ប្រមាណជាង២ម៉ឺនដុល្លារ ។ ក្នុងហេតុការណ៍នេះដែរក៏មានរថយន្តពន្លត់អគ្គិភ័យចំនួន៤គ្រឿងបានចុះមកជួយអន្តរាគមន៍ ដោយបានប្រើប្រាស់ទឹកបាញ់ពន្លត់អស់ចំនួន៣គ្រឿងផងដែរ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីអគ្គិភ័យឆាបឆេះក្នុងឃ្លាំងស្តុកគ្រឿងបន្លាស់ និងក្បាលរថយន្ត បណ្តាលឱ្យរងការខូចខាតក្បាលរថយន្តប្រភេទដឹកដីធុនអស់២គ្រឿង សរុបជាទឹកប្រាក់អស់ប្រមាណជាង២ម៉ឺនដុល្លារ ។ ក្នុងហេតុការណ៍នេះដែរក៏មានរថយន្តពន្លត់អគ្គិភ័យចំនួន៤គ្រឿងបានចុះមកជួយអន្តរាគមន៍ ដោយបានប្រើប្រាស់ទឹកបាញ់ពន្លត់អស់ចំនួន៣គ្រឿងផងដែរ ។
ហេតុការណ៍ខាងលើនេះបានកើតឡើង កាលពីវេលាម៉ោង៣និង៤៣នាទីរសៀលថ្ងៃទី២៧ មករា ឆ្នាំ២០២០ នៅចំណុចឃ្លាំងស្តុកគ្រឿងបន្លាស់ និងក្បាលរថយន្តក្នុងដីឡូត៍មួយកន្លែង តាមផ្លូវបេតុង ភូមិស្វាយប៉ាក សង្កាត់ស្វាយប៉ាយ ខណ្ឌឫស្សីកែវ ។
តាមប្រភពពីក្រុមជាងនៅកន្លែងកើតហេតុបានឱ្យដឹងថា មុនពេលកើតហេតុ មានភ្ញៀវមកទិញក្បាលរថយន្ត ពេលនោះក្រុមជាង និងម្ចាស់បានបញ្ឆេះម៉ាស៊ីនក្បាលរថយន្តដើម្បីឱ្យភ្ញៀវមើល ខណៈពេលកំពុងតែបញ្ឆេះម៉ាស៊ីននោះ ស្រាប់តែឆ្លងចរន្តអគ្គិសនីផ្ទុះឆេះបង្កជាអគ្គិភ័យឆាបឆេះក្បាលរថយន្តអស់ចំនួន២គ្រឿងតែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ