កម្ពុជា​មិន​ទាន់​មានក​រ​ណី​ឆ្លងជំងឺ​រលាក​សួត​ប្រភេទថ្មី​នៅឡើយ​ទេ


រាជធានី​ភ្នំពេញ ​៖ មន្ត្រី​ក្រសួងសុខាភិបាល​បាន​លើក​ក្នុង​ស​ន្នី​សី​ទ​សារព័ត៌មាន​លើ​ប្រធានបទ ស្តី​ពី «​វឌ្ឍនភាព​របស់​ក្រសួងសុខាភិបាល និង​បច្ចុប្បន្នភាព​ជំងឺ​រលាក​សួត បង្ក​ដោយ​វីរុស​កូ​រ៉ូ​ណា ប្រភេទ​ថ្មី​»​ នៅ​ទីស្តីការគណៈរដ្ឋមន្ត្រី នា​ព្រឹក​ថ្ងៃ​ទី​២៣ ខែមករា នេះ ។

លោក​ជំទាវ ឱ​ វ៉ា​ន់​ឌី​ន​ រដ្ឋ​លេខា​ធិ និង​ជា​អ្នកនាំពាក្យ​ក្រសួង​សុខាភិបាល​មាន​ប្រសាសន៍​ថា បើ​ទោះបីជា​មិន​ទាន់​មាន​ករណី​នេះ​ក៏​ដោយ ​តែ​ក្រសួង​បាន​ត្រៀមលក្ខណៈ​ជា​ស្រេច ដូច​ជា​ដាក់​ម៉ាស៊ីន​ស្គែ​ន​កំ​ដៅ​នៅ​តាម​តាម​ច្រក​អន្តរជាតិ​ភ្នំពេញ ច្រក​អន្តរជាតិ​ខេត្ត​ព្រះ​សីហ​នុ និង​ច្រក​អន្តរជាតិ​ខេត្តសៀមរាប ជាមួយនឹង​ត្រៀម​សម្ភារៈ​បរិក្ខា​ពេទ្យ និង​គ្រូពេទ្យ​ជំនាញ​ប្រចាំការ​នៅ​ទីនោះ​។

លោក​ជំទាវ​បញ្ជាក់​ថា រោគ​សញ្ញា​នៃ​ជំងឺ​នេះ មាន​ដូច​ជា​៖ ក្តៅខ្លួន​លើស​ពី​៣៨​អង្សា ក្អក កណ្តាស ដកដង្ហើម​ថប់​ៗ​ជាដើម​។ លោក​ជំទាវ​អំពាវនាវ​មានការ​ប្រុង​ប្រយ័ត្ន​សុខភាព ​គួ​តែ​កុំទៅ​កន្លែង​ដែល​មាន​ផ្ទុះ​ជំងឺ​នេះ បើ​មានការ​សង្ស័យ ឬ​ក៏​ក្តៅខ្លួន​ត្រូវ​ទៅ​ពិនិត្យ​សុខា​ភាព​មុន​នឹង​ធ្វើ​ដំណើរ​ទៅ​ក្រៅប្រទេស កុំទៅ​កន្លែង​មាន​មនុស្ស​ច្រើន និង​ហាម​ប៉ះពាល់​សត្វ​។

ទោះបី​យ៉ាងណា​ក៏​ដោយ​ ក្រសួងសុខាភិបាល​នៅ​តែ​ចាត់​ទុក​ជំងឺ​នេះ​នៅ​តែ​មានការ​ប្រុង​ប្រយ័ត្ន​ខ្ពស់​ដោយ​ណែនាំ​ឱ្យ​មន្ទីរ​សុខាភិបាល​ឱ្យ​តាមដាន​ជំងឺ​នេះ ដោយ​គ្រោង​នឹង​ដាក់​ម៉ាស៊ីន​ស្គែ​ន​កំ​ដៅ​នៅ​ច្រក​អន្តរជាតិ​ប៉ោយ​ប៉ែ​ត ច្រក​បា​វិត និង​ច្រក​ព្រែក​ចាក​។

ក្រសួងសុខាភិបាល​បន្ត​ថា​ត្រូវ​ពិសា​ទឹក​ឱ្យ​បាន​ច្រើន ត្រូវ​ហូប​អាហា​ណា​ចំអិន​ឱ្យ​ឆ្អិន រក្សា​អនាម័យ​លាងដៃ​នឹង​សាប៊ូ ទឹក​ស្អាត ពាក់​ម៉ាស់ កុំ​យកដៃ​ទៅ​ខ្ទប់​ពេល​ក្អក​កណ្តាស់​។

គួរ​បញ្ជាក់​ថា ​អង្គការ​សុខភាព​ពិភពលោក​បានឱ្យ​ដឹង​ថា គិត​ត្រឹម​ថ្ងៃនេះ​មាន​ករណី​ឆ្លង​នៅ​ប្រទេស​ថៃ​ចំនួន​៤​នាក់ នៅ​ប្រទេស​ជប៉ុន​ចំនួន​១​នាក់ នៅប្រទេស​កូរ៉េ​ចំនួន​១​នាក់ និងនៅ​សហរដ្ឋអាមេរិក​​ចំនួន​១​នាក់ ដែល​អ្នកជំងឺ​ទាំង​អស់នោះ​មាន​ប្រវត្តិ​ចេញ-ចូល​ទៅ​ទីក្រុង​វូ​ហាន ប្រទេស​ចិន ខណៈ​នៅ​ចិន​មាន​អ្នក​ស្លាប់​ដោយសារ​ជំងឺ​នេះ មាន​ចំនួន​៩​នាក់​៕​ (កែសម្រួលដោយ ៖ ធីតា​)

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ