រាជធានីភ្នំពេញ ៖ រថយន្តស្ទូចមួយគ្រឿងបានបើកទាក់ខ្សែភ្លើង បណ្តាលបាក់និងទ្រេតបង្គោលភ្លើងមួយដើមហើយជាប់ទៅមុខលែងរួច កើតឡើងកាលពីវេលាម៉ោង១១ព្រឹកថ្ងៃទី២០ មករា នេះ ស្ថិតនៅចំណុចផ្លូវលេខ១៩៥២កែង១០១១ ក្នុងភូមិឧកញ៉ាវ៉ាំង សង្កាត់ភ្នំពេញថ្មី…
រាជធានីភ្នំពេញ ៖ រថយន្តស្ទូចមួយគ្រឿងបានបើកទាក់ខ្សែភ្លើង បណ្តាលបាក់និងទ្រេតបង្គោលភ្លើងមួយដើមហើយជាប់ទៅមុខលែងរួច កើតឡើងកាលពីវេលាម៉ោង១១ព្រឹកថ្ងៃទី២០ មករា នេះ ស្ថិតនៅចំណុចផ្លូវលេខ១៩៥២កែង១០១១ ក្នុងភូមិឧកញ៉ាវ៉ាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
រថយន្តបង្កជារថយន្តស្ទួច ម៉ាកពាកស្លាកលេខភ្នំពេញ៣D-៩៥៩១ អ្នកបើកបរពុំស្គាល់អត្តសញ្ញាណ
ឡើយ។ តាមសាក្សីបានឲ្យដឹងថា នៅមុនពេលកើតហេតុ គេឃើញរថយន្តស្ទូចមួយគ្រឿងខាងលើ បានធ្វើដំណើរចេញពីឃ្លាំងមួយកន្លែងនៅតាមបណ្ដោយផ្លូវ លេខ1011 ក្នុងទិសដៅពីជើងទៅត្បូង ។ នៅពេលធ្វើដំណើរមកដល់ចំណុចផ្លូវកែង ក៏បានទាក់ខ្សែភ្លើងទាញបាក់បង្គោលភ្លើងមួយដើមទ្រេត ហើយរថយន្តជាប់ទៅមុខលែងរួច ។
បន្ទាប់ពីគ្រោះថ្នាក់អ្នកបើកបរបានចុះពីលើរថយន្តគេចខ្លួនបាត់។ តាមម្ចាស់រថយន្តបានឲ្យដឹងថា នៅមុនពេលទាក់មានរថយន្តមួយគ្រឿងបានបើកទាក់ខ្សែភ្លើងនោះ បណ្ដាលឲ្យធ្លាក់ហើយរថយន្តនោះបានគេចខ្លួនបាត់ទៅ ។ លុះក្រោយមករថយន្តស្ទូចរបស់ខ្លួនបើកចេញពីឃ្លាំងក៏បានទាក់ជាប់តែម្ដង។
បន្ទាប់ពីគ្រោះថ្នាក់ នគរបាលនិងអាជ្ញាធរមូលដ្ឋានក៏បានហៅមន្ត្រីអគ្គិសនីចុះទៅកន្លែងកើតហេតុធ្វើការសម្របសម្រួលដោះស្រាយជាមួយម្ចាស់រថយន្តដើម្បីបញ្ចប់រឿង ។
ចែករំលែកព័តមាននេះ