សម្តេច​ហេង សំ​រិ​ន បង្ហាញភាព​រីក​ចម្រើន​របស់​កម្ពុជា​​ដល់​ពលរដ្ឋ​ខ្មែរ​អូស្ត្រា​លី


អូស្ត្រាលី​៖ ​ឆ្លៀត​ពី​ការ​ចូលរួម​កិច្ចប្រជុំ APPF លើក​ទី​២៨ក្នុង​ប្រទេស​អូស្ត្រាលី សម្តេច ហេង សំ​រិ​ន ប្រធាន​រដ្ឋសភា បាន​ទទួល​ជួប​សំណេះសំណាលសាកសួរ​សុខទុក្ខ និង ទទួល​ទាន អាហារ​ជាមួយ​ប្រជា​ពលរដ្ឋ​ខ្មែរ និង​និស្សិត​កំពុង​រស់នៅនិង​សិក្សា នៅ​ក្នុង​ទីក្រុងកង់បេ​រ៉ា និង​រដ្ឋ​នៅ​ក្បែរ​ៗ​នោះ កាលពី​រសៀល​ថ្ងៃ​ទី​១៦ ​មករា ឆ្នាំ​២០២០​ នៅ​ស្ថានទូត​ខ្មែរក្នុង​ទីក្រុង​កង់​បេ​រ៉ា ប្រទេស​អូស្ត្រាលី​។

លោក ចាន់ រតនា ឯកអគ្គរាជទូត​កម្ពុជា ប្រចាំ​ប្រទេស​អូស្ត្រាលី បាន​លើក​ឡើង​ថា ប្រជា​ពលរដ្ឋ និស្សិត​ដែល បាន​មក​ស្វាគមន៍​សម្តេច បាន​បង្ហាញ​ក្តី​នឹករលឹក​ជ្រាលជ្រៅ​ចំពោះសម្តេច​ប្រធានរដ្ឋសភា​។ ប្រជា​ពលរដ្ឋ​បាន​ថ្លែងអំណរគុណ​ចំពោះ​សម្តេច ដែល​បាន​តស៊ូរំដោះប្រទេស​ជាតិ​ចេញពី​របប​ខ្មែរក្រហម និង​បាន​ចូលរួម​អភិវឌ្ឍន៍ប្រទេស​ជាតិ​រហូត​មកដល់​ពេលបច្ចុប្បន្ន​នេះ ​។

លោក​បន្ត​ថា ប្រជាពលរដ្ឋ​ខ្មែរ​រស់នៅ​ក្រៅប្រទេស​សម្តែង​ការ​គាំទ្រ​និង​សប្បាយ​រីករាយ ចំពោះ​ការ​រីក​ចម្រើន សុខ​សន្តិភាព ដែល​កម្ពុជា​ទទួល​បាន​សព្វ​ថ្ងៃនេះ និង​សូម​ឲ្យ​ថ្នាក់ដឹកនាំ ពលរដ្ឋ​នៅ​ក្នុង​ប្រទេស​រួម​គ្នា​ថែរក្សា​សុខ​សន្តិភាព​ និង​ការ​អភិវឌ្ឍ​ជា​អចិន្ត្រៃយ៍​ទៅ ​។ ពួក​គាត់ មិន​ចង់​ឃើញ​ប្រទេស​ជាតិ​មាន​សង្គ្រាម​ដែល​នាំ​ឲ្យ​ខ្មែរ​បែកបាក់​គ្នា និង​រត់​មក​រស់នៅ​ប្រទេស គេ​ទៀត​នោះ​ទេ​។

ក្នុង​ជំនួប​នោះ​ដែរ​សម្តេច​ប្រធានរដ្ឋសភា បាន​ថ្លែងអំណរគុណ​ដល់ ពលរដ្ឋ​ខ្មែរ​រស់ នៅ​ក្នុង​ប្រទេស​អូស្ត្រា​លី ដែល​បាន​ទទួល​ស្វាគមន៍​សម្តេច តាំងពី​ពេល​មក​ដល់ ព្រ​លាន​យន្ត ហោះ​មក​ម្លះ​។ ជាមួយ​គ្នា​នេះ សម្តេច​បាន​អរគុណ​ប្រជាពលរដ្ឋ​ខ្មែរ​ទាំងអស់ ដែល​រស់​ក្រៅប្រទេស ជា​ពិសេស បងប្អូន​ប្រជាពលរដ្ឋ​ខ្មែរ​រស់នៅ​អូស្ត្រាលី​នេះ ដែល​ជា​និច្ចកាល​តែង​គាំទ្រ ទាំង​ផ្នែក ស្មារតី និង​សម្ភារៈ​ដល់​ប្រជាជន​នៅ​ក្នុង​ប្រទេស ក្នុង​ការ​រួមចំណែក កសាង និង​អភិវឌ្ឍ​ប្រ ទេស តាំងពី​ដើម​រៀង​មក​។ សម្តេច​បាន​ផ្តាំផ្ញើ​ដល់​លោក​ឯកអគ្គរាជ​ទូត​កម្ពុជា នៅ​ប្រទេស​អូស្ត្រាលី ប្រជាពលរដ្ឋ ទាំងអស់ ចេះ​ជួយ​យកអាសា​គ្នា​គ្រប់ពេលវេលា មាន​អធ្យា​ស្រ័យ​គ្នា និង​ថែរក្សា​ឲ្យ​បាន​ភាព ថ្លៃថ្នូរ​ជា​ពលរដ្ឋ​ខ្មែរ​។

ជាមួយ​គ្នា​នេះ សម្តេច​បាន​ជម្រាប​ពលរដ្ឋ​ខ្មែរ នៅ​នាយ​សមុទ្រ​ពី​សភាព​ការ ណ៍​ជាក់ស្តែង​នៅ​ក្នុង​ប្រទេស ពិសេស​ការ​អភិវឌ្ឍ​របស់​ប្រទេស​ជាតិ នា​ពេល​បច្ចុប្បន្ន​នេះ ។ នៅ​ក្នុង​ឱកាស​នោះ សម្តេច​បាន​រំលឹក​ពី​ប្រវត្តិ​សង្គ្រាម​នៅ​កម្ពុជា និង​ចលនា​តស៊ូ​របស់ ឥស្ស រ​ជន​ស្នេហា​ជាតិ ដែល​រំដោះប្រទេស​ជាតិ ចេញពី​របប​ខ្មែរក្រហម និង​ការ​តស៊ូ​កសាង​ជាតិ ក្រោយ​ថ្ងៃ​៧ មក​រា ឆ្នាំ​១៩៧៩​។

សម្តេច​បាន​បញ្ជាក់​ថា​៖« កម្ពុជា​បាន​ហែរ​ឆ្លង​ការ​លំបាក​ជាង​៤០​ឆ្នាំ​មកនេះ កម្ពុជា បាន​ប្រែក្លាយ​ពី​វាល​ពិឃាត​នៃ​របប​ប្រល័យពូជសាសន៍ ពី​សមរភូមិ​សង្គ្រាមស៊ីវិល​ដ៏​រ៉ាំ​រៃ បង្ហូរឈាម ពី​ការ​បែកបាក់​ជាតិ និង​បែកបាក់​ទឹកដី មក​ជា​ប្រជាជាតិ​មួយ ដែល​មាន​សន្តិភាព ឯកភាព ស្ថិរភាព និង​ការ​អភិវឌ្ឍ​លើ​គ្រប់​វិស័យ ជា​ពិសេស​ហេដ្ឋារចនាសម្ព័ន្ធ​រូប​វន្ត ដូច​ជា ផ្លូវថ្នល់ បណ្តាញ​អគ្គិសនី រហូត​ដល់​ជនបទ​ដាច់​ស្រ​យ៉ា​ល​គ្រប់​ច្រកល្ហក ប្រព័ន្ធ ធា​រា​សា ស្ត្រ​ខ្វាត់ខ្វែង នៅ​គ្រប់​តំបន់ ជនបទ សាលារៀន មន្ទីរពេទ្យវត្ត​អារាម ត្រូវ​បាន​កសាង និង​កែ​លំអ នៅ​គ្រប់​ភូមិឃុំ និគមជនបទ និង ហេ​ដ្ឋ​រចនាសម្ព័ន្ធ​រូប​វន្ត​ដទៃ​ទៀត រាប់​មិន​អស់ ដែល​ក្នុង​នោះ តំបន់​ភាគច្រើន​មិន​ធ្លាប់​មានការ​អភិវឌ្ឍ​ទាល់តែ​សោះ នៅ​ក្នុង​របបន​យោបាយ​មុន​ៗ» ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ