ទាំងនេះ​ជាស​ម្តី​មាស​របស់ Bill Gates ដែល​ជួយ​ផ្តល់​ជំនឿ​ចិត្ត​ឲ្យ​អ្នក


ក្នុង​នាម​ជា​អាជីវករ​មួយ​រូប អ្នក​មិន​អាច​ខ្វះ​ជំនឿ​ចិត្ត​លើ​ខ្លួនឯង​បាន​ទេ ព្រោះ​វា​ធ្វើ​ឲ្យ​មនុស្ស​ភាគច្រើន​ភ័យ​ខ្លាច​ការ​បរាជ័យ​ដែល​ធ្វើ​ឲ្យ​ពួក​គេ​ខ្វះ​សកម្មភាព​ដែល​ចាំបាច់​សម្រាប់​ចាប់ផ្តើម​ឬ​ពង្រីក​អាជីវកម្ម​របស់​ខ្លួន ។ បញ្ហា​នេះ​មិន​ត្រឹមតែ​ប៉ះពាល់​ដល់​អាជីវករ​ផ្ទាល់​ទេ តែ​ក៏​អាច​បង្ក​ជា​បញ្ហា​ដល់​ឱកាស​ក្នុង​ការ​ជោគជ័យ​របស់​អ្នក​ដែរ ។

ដោយហេតុ​ដូចនេះ វា​ពិតជា​ចាំបាច់​សម្រាប់​អាជីវករ​ក្នុង​ការ​រៀន​ជឿជាក់​លើ​ខ្លួនឯង ដើម្បី​បង្កើត​ភាព​ជោគជ័យ​សម្រាប់​ថ្ងៃ​មុខ ។ ខាងក្រោម​នេះ គឺជា​ប្រសាសន៍​មួយ​ចំនួន​របស់​លោក​មហាសេដ្ឋី ប៊ី​ល ហ្គេ​ត​ស៍ (Bill Gates) ដែល​អាច​ជួយ​ឲ្យ​អ្នក​សម្រេច​គោលដៅ​នេះ​បាន​៖

១. កុំ​ប្រៀបធៀប​ខ្លួនឯង​ជាមួយ​នរណា​ម្នាក់​លើ​លោក​នេះ​៖
ការ​ប្រៀបធៀប​ខ្លួន​ជាមួយ​មនុស្ស​ដទៃ​ជា​ប្រចាំ​ជា​មុខសញ្ញា​បង្ហាញ​ថា​អ្នក​មិន​មាន​ជំនឿ​ចិត្ត​លើ​ខ្លួនឯង​ទេ ។ អ្នក​ត្រូវ​ដឹង​ថា​មនុស្ស​ម្នាក់​ៗ​មានគំនិត ទេព​កោសល្យ និង​សមត្ថភាព​ពិសេស​ៗ​ខុស​ៗ​គ្នា ។ ប្រសិនបើ​គ្រប់​អាជីវករ​មាន​បុគ្គលិកលក្ខណៈ និង​ការ​គិត​ដូច​គ្នា​ទាំង​អស់នោះ អ្នក​ប្រហែលជា​មិន​ឮ​រឿង​ជោគជ័យ​ច្រើន​ទេ ។

២. ជីវិត​មិន​យុត្តិធម៌​ទេ ដូច្នេះ​អ្នក​គួរតែ​ទម្លាប់ខ្លួន​នឹង​វា​ទៅ​៖
ជីវិត​មិន​តែងតែ​យុត្តិធម៌ ហើយ​អ្វី​ដែល​កើត​មាន​ឡើង​មិន​តែងតែ​ស្រប​ទៅ​នឹង​អ្វី​ដែល​អ្នក​រំពឹង​ទុក​ទេ សូ​ម្បី​តែ​ករណី​លោក​ហ្គេ​ត​សន៍​ក៏​ដោយ ។ បន្ទាប់​ពី​លោក​បាន​ចាក​ចេញពី​សាកលវិទ្យាល័យ Havard ហើយ លោក​បាន​បរាជ័យ​ក្នុង​អាជីវកម្ម Traf-O-Data ផង​ដែរ​មុន​នឹង​ជោគជ័យ​នៅ Microsoft ។ សូ​ម្បី​តែ​ពេល​លោក​បាន​ចាប់ផ្តើម​នៅ Microsoft ហើយ លោក​ក៏​ជួប​បញ្ហា​ក្នុង​ការ​សម្រប​ខ្លួន​ទៅ​នឹង​បច្ចេកវិទ្យា​ផ្សេង​ៗ​ដូច​ជា Internet of Things ដែរ ។

៣. ប្រសិនបើ​អ្នក​មិន​ធ្វើ​ឲ្យ​ក្តី​សុបិន​អ្នក​ក្លាយជា​ការ​ពិត​ទេ មនុស្ស​ដទៃ​នឹង​ជួល​អ្នក​ឲ្យ​ធ្វើ​ឲ្យ​ក្តី​សុបិន​ពួក​គេ​ក្លាយជា​ការ​ពិត​៖ សហគ្រិន​មិនមែន​ជា​បុគ្គលិក​ល្អ​ទេ ហើយ​ក្នុង​នាម​ជា​សហគ្រិន អ្នក​គួរតែ​អនុញ្ញាត​ឲ្យ​ក្តី​សុបិន​អ្នក​ក្លាយជា​កត្តា​ជំរុញ​ទឹកចិត្ត​របស់​អ្នក មិនមែន​ជា​កត្តា​ដែល​ធ្វើ​ឲ្យ​អ្នកខ្លាច​និង​បាក់ទឹកចិត្ត​ទេ ។ អ្វី​ដែល​អ្នក​គួរ​ចង​ចាំ គឺ​ទស្សនៈវិស័យ​របស់​អ្នក​នឹង​ល្អ​ប្រសើរ​ឡើង​រៀង​រាល់ពេល​ដែល​អ្នក​បាន​បរាជ័យ ៕ កែសម្រួល​ដោយ ៖ សុ​ឃា​ក់

កិច្ចការជំនួញ

Sponsored News

១១:១១ | ក្នុងស្រុក

លក់ដាច់ខ្លាំងសាហាវអតិថិជនពេញៗហាង ព្រោះតម្លៃផ្អើលទីផ្សារ 279$ តែសមត្ថភាពលំដាប់ A អេមមួយកំប្លេ ថតស្អាតបែប AI បួនគ្រាប់ទំហំ 48MP RAM ក៏ធំ 8GB ROM ក៏ធំ 128GB ថ្មក៏ខ្លាំង 5000mAh (មានវីដេអូ)

ការស្ទង់មតិគេហទំព័រថ្មី




សូម​អរគុណ