ចុះបង្ក្រាប១ករណី ឃាត់ខ្លួន៤នាក់នៅចំណុចបន្ទប់ជួល
- ព្រះសីហនុ
ខេត្តព្រះសីហនុ ៖ លោកឧត្តមសេនីយ៍ ទោ ជួន ណារិន្ទ ស្នងការនគរបាលខេត្តព្រះសីហនុ បានឲ្យដឹងថា កាលពីវេលាម៉ោង៣និង៣០នាទីរសៀល ថ្ងៃទី៨…
ខេត្តព្រះសីហនុ ៖ លោកឧត្តមសេនីយ៍ ទោ ជួន ណារិន្ទ ស្នងការនគរបាលខេត្តព្រះសីហនុ បានឲ្យដឹងថា កាលពីវេលាម៉ោង៣និង៣០នាទីរសៀល ថ្ងៃទី៨…
ខេត្តព្រះសីហនុ ៖ លោកឧត្តមសេនីយ៍ ទោ ជួន ណារិន្ទ ស្នងការនគរបាលខេត្តព្រះសីហនុ បានឲ្យដឹងថា កាលពីវេលាម៉ោង៣និង៣០នាទីរសៀល ថ្ងៃទី៨ ខែមករា ឆ្នាំ២០២០ កម្លាំងជំនាញនៃអធិការដ្ឋាននគរបាលស្រុកព្រៃនប់បានបង្ក្រាបបទល្មើសគ្រឿងញៀនមួយករណី ព្រមទាំងឃាត់ខ្លួនជនសង្ស័យចំនួន៤នាក់ នៅចំណុចបន្ទប់ផ្ទះជួលមួយកន្លែង ស្ថិតក្នុងភូមិស្មាច់ដែង ឃុំរាម ស្រុកព្រៃនប់។
ជនសង្ស័យទាំង៤នាក់ខាងលើរួមមាន ១-ឈ្មោះហន ហឿន ភេទប្រុស អាយុ៣១ឆ្នាំ មុខរបរកសិករ មានទីលំនៅភូមិត្រពាំងសេះ ឃុំល្អាង ស្រុកដងទង់ ខេត្តកំពត ២-ឈ្មោះមុំ កក្កដា ភេទប្រុស អាយុ៣៧ឆ្នាំ មុខរបរបើកបរ មានទីលំនៅភូមិត្រពាំងសេះ ឃុំល្អាង ស្រុកដងទង់ ខេត្តកំពត ៣-ឈ្មោះ ដោម ឆាង ភេទប្រុស អាយុ១៩ឆ្នាំ មុខរបរកម្មកររោងចក្រ មានទីលំនៅភូមិត្រពាំងសេះ ឃុំល្អាង ស្រុកដងទង់ ខេត្តកំពត និង៤-ឈ្មោះសៅ សុខគា ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅភូមិដូនឪ ឃុំជុំគីរី ស្រុកជុំគីរី ខេត្តកំពត ។
រីឯវត្ថុតាងដែលសមត្ថកិច្ចដកហូតបានរួមមាន ម្សៅក្រាមសថ្លាសង្ស័យជាសារធាតុញៀន ចំនួន៨កញ្ចប់ (ធំ២កញ្ចប់ និងតូច៦កញ្ចប់), ប្រភេទថ្នាំគ្រាប់ពណ៌ក្រហមសង្ស័យជាសារធាតុញៀន១កញ្ចប់មានចំនួន៣គ្រាប់, ជញ្ជីងថ្លឹងថ្នាំញៀន១គ្រឿង និងទូរស័ព្ទដៃចំនួន៤គ្រឿង ។
បច្ចុប្បន្ន ជនសង្ស័យទាំង៤នាក់ខាងលើរួមជាមួយវត្ថុតាងត្រូវបានសមត្ថកិច្ចកំពុងកសាងសំណុំរឿងដើម្បីបញ្ជូនទៅសាលាដំបូងចាត់ការតាមច្បាប់ ៕ (កែសម្រួលដោយ ៖ ធីតា)
ចែករំលែកព័តមាននេះ