ទីក្រុងបាងកក ៖ យោងតាមក្រសួងទេសចរណ៍ថៃបានឲ្យដឹងថា ភ្ញៀវទេសចរជនជាតិចិនប្រមាណ៩,៥លាននាក់បានធ្វើដំណើរមកកាន់ប្រទេសថៃក្នុងឆ្នាំ២០១៧ ច្រើនជាងប្រមាណ៥ឆ្នាំមុន ដែលស្មើតែ៣លាននាក់ប៉ុណ្ណោះ ។ លោក Cobby Leathers…
ទីក្រុងបាងកក ៖ យោងតាមក្រសួងទេសចរណ៍ថៃបានឲ្យដឹងថា ភ្ញៀវទេសចរជនជាតិចិនប្រមាណ៩,៥លាននាក់បានធ្វើដំណើរមកកាន់ប្រទេសថៃក្នុងឆ្នាំ២០១៧ ច្រើនជាងប្រមាណ៥ឆ្នាំមុន ដែលស្មើតែ៣លាននាក់ប៉ុណ្ណោះ ។
លោក Cobby Leathers ប្រធានផ្នែកអាជីវកម្មអន្តរជាតិក្នុង Samsiri និយាយថា ៖«ការលក់អចលនទ្រព្យភាគច្រើនក្នុងប្រទេសថៃ គឺជំរុញដោយវិស័យទេសចរណ៍ ។ ពួកយើងមើលឃើញអតិថិជនចិនទិញអចលនទ្រព្យក្នុងទីផ្សារសំខាន់ៗជាច្រើន ជាពិសេស នៅឈៀងម៉ៃ, បាងកក, ហួហុីន, ប៉ាតាយ៉ា និងភូកេត » ។
បើទោះជាគេហទំព័រ Juwai.com ប្រាប់ថា ការសាកសួររបស់អតិថិជនចិនបានធ្លាក់ចុះក្នុងឆ្នាំនេះ ព្រោះតែវិធានការទប់ស្កាត់របស់រដ្ឋាភិបាលចិនក្តី ប៉ុន្តែនៅអាស៊ីអាគ្នេយ៍ ជាពិសេស ប្រទេសថៃ និងវៀតណាម នៅតែទទួលបានចំណាប់អារម្មណ៍ជាច្រើនពីចិន ។
នៅឆមាសទី២ឆ្នាំមុន ប្រទេសថៃបានជាប់ចំណាត់ថ្នាក់លេខ៣ ក្នុងចំណោមទីតាំងវិនិយោគធំៗសម្រាប់អតិថិជនចិន ខណៈប្រទេសវៀតណាមមើលឃើញប្រជាប្រិយភាពរបស់ខ្លួនកើនឡើងយ៉ាងខ្លាំងផងដែរ ។
តាមទិន្នន័យពី Juwai.com បង្ហាញថា ការសាកសួរពីអចលនទ្រព្យក្នុងប្រទេសវៀតណាមបានកើនឡើងដល់ទៅ៤៤២%ក្នុងរវាងពីខែមករា ដល់ខែឧសភា ឆ្នាំមុន ។
ម៉ាឡេស៊ីជាប់ចំណាត់ថ្នាក់លើប្រទេសវៀតណាមទៅទៀត ប៉ុន្តែការលក់អចលនទ្រព្យក្នុងប្រទេសនេះមានភាពរដាក់រដុប ។ ទោះជាអ្នកវិភាគរាយការណ៍ថា មានតម្រូវការពីជនជាតិចិនយ៉ាងរឹងមាំក្តី ជាពិសេស ក្នុងក្រុងគូឡាឡាំពួ ប៉ុន្តែគម្រោងអភិវឌ្ឍន៍របស់ចិននៅ Johor បានជួបប្រទះនឹងតម្រូវការអន់ថយយ៉ាងខ្លាំង ព្រោះអតិថិជនពិបាកវិនិយោគទៅបរទេស ។
ប្រទេសសិង្ហបុរីជាប់ចំណាត់ថ្នាក់លេខ៤ ក្នុងចំណោមទីតាំងដែលមានប្រជាប្រិយភាពជាងគេនៅអាស៊ីអាគេ្នយ៍ ក្នុងចំណោមអតិថិជនចិន។ បន្ទាប់ពីនោះ គឺប្រទេសឥណ្ឌូណេស៊ី ហ្វ៊ីលីពីន កម្ពុជា និងឡាវផងដែរ ៕
ចែករំលែកព័តមាននេះ