ខេត្តព្រះសីហនុ ៖ សត្វខ្ទីងដែលតែងតែចុះពីភ្នំកំចាយ មកចូលភូមិប្រជាពលរដ្ឋនៅក្នុងឃុំទឹកថ្លា ស្រុកព្រៃនប់ ខេត្តព្រះសីហនុ នោះបានងាប់ហើយ បន្ទាប់ពីសត្វខ្ទីងនេះ ត្រូវបានក្រុមអភិរក្សភ្នំតាម៉ៅ បានបាញ់ថ្នាំសន្លប់ ដើម្បីយកទៅអភិករ្សតែជាអកុសល បន្ទាប់ពីត្រូវថ្នាំសន្លប់សត្វកម្រនោះបោលចូលព្រៃយ៉ាងលឿន រហូតចំងាយដីប្រហែល១គីឡូម៉ែត្រ ទើបដួលសន្លប់ ហើយក៏បានឈ្លក់ទឹកងាប់បន្ទាប់ពីក្រុមជំនាញបានចង់ដើម្បីស្ទូចដាក់ឡាន ហើយត្រូវបានសត្វនោះរើបម្រះនៅលើទីតាំងដែលមានទឹក (ព្រៃជាំទឹក) ក៏បណ្តាលឲ្យឈ្លក់ទឹកងាប់តែម្តង ទោះបីជាមានការជួយអន្តរាគមន៍ទាំងយប់ពីសំណាក់ក្រុមអភិរក្សយ៉ាងណាក៏មិនអាចជួយបាន ព្រោះសត្វខ្ទីងនោះធំ ស្នែងវែង ក្នុងពេលរើបម្រះ មិនងាយនឹងទៅជិតបានឡើយ ។ សកម្មភាពបាញ់ថ្នាំសន្លប់ចាប់ពីម៉ោងជាង១១យប់រហូតដល់ម៉ោងជិត៣រំលងអធ្រាត្រ ឈានចូលថ្ងៃទី០៩ ខែធ្នូ ឆ្នាំ២០១៧ នេះ ទើបក្រុមកាងារបានស្ទូចខ្មោចសត្វខ្ទីងនោះ ដាក់លើរថយន្តដែលត្រៀមបម្រុងយកទៅភ្នំតាម៉ៅ ដើម្បីកប់ ៕
ចែករំលែកព័តមាននេះ