ម៉ូតូពីរគ្រឿងពន្លះគ្នាពេញទំហឹងរងរបួសធ្ងន់ស្រាល៥នាក់
ខេត្តស្វាយរៀង ៖ យ៉ាងហោចណាស់មានមនុស្សប្រុស៣នាក់ ស្រី២នាក់ រងរបួសធ្ងន់ស្រាល ក្នុងហេតុការគ្រោះថ្នាក់ចរាចរ កាលពីវេលាម៉ោង០៦និង៤០នាទីយប់ ថ្ងៃទី០៨ ខែធ្នូ ឆ្នាំ២០១៧…
ខេត្តស្វាយរៀង ៖ យ៉ាងហោចណាស់មានមនុស្សប្រុស៣នាក់ ស្រី២នាក់ រងរបួសធ្ងន់ស្រាល ក្នុងហេតុការគ្រោះថ្នាក់ចរាចរ កាលពីវេលាម៉ោង០៦និង៤០នាទីយប់ ថ្ងៃទី០៨ ខែធ្នូ ឆ្នាំ២០១៧ នៅលើកំណាត់ផ្លូវជាតិលេខ១ ស្ថិតក្នុងភូមិចំបក់ សង្កាត់ចេក ក្រុងស្វាយរៀង រវាងម៉ូតូនិងម៉ូតូ បណ្ដាលឲ្យរងរបួសទាំងសងខាង ។
បើតាមមន្ត្រីនគរបាលក្រុងស្វាយរៀងបានឲ្យដឹងថា មុនពេលកើតហេតុ គេឃើញបុរសម្នាក់ជិះម៉ូតូម៉ាកហុងដាសេ១១០ ពណ៌ក្រហម គ្មានស្លាកលេខ បើកបរដោយឈ្មោះ ម៉ិញ សាបាន ភេទប្រុស អាយុ៣៥ឆ្នាំ មុខរបរកសិករ រស់នៅភូមិ ចំបក់កោង ឃុំតាសួស ស្រុកស្វាយជ្រំ បើកម៉ូតូពីទិសខាងកើតទៅលិច (មិនពាក់មួកសុវត្ថិភាព) ឌុបអ្នករួមដំណើរ៣នាក់លុះមកដល់ចំណុចកើតហេតុខាងលើ ស្រាប់តែមានម៉ូតូមួយគ្រឿងទៀតម៉ាកហុងដាសេ១២៥ ពណ៌ខ្មៅ ពាក់ស្លាកលេខ ស្វាយរៀង ១I-៨៩៧០ បើកបរដោយឈ្មោះ ម៉ាន់ ចន្ថា ភេទប្រុស អាយុ២០ឆ្នាំ មុខរបរជាងសំណង់ រស់នៅភូមិត្បែង ឃុំពោធិ៍រាជ្យ ស្រុកស្វាយជ្រំ បើកបរស្របទិសគ្នាពីកើតទៅលិច បានបុកម៉ូតូជនរងគ្រោះពីក្រោយពេញទំហឹង ដួលបោកទៅលើថ្នល់ បណ្តាលឲ្យរងរបួសធ្ងន់ស្រាលតែម្តង ។ ឬឯជនបង្ករបួសធ្ងន់ ដោយមិនពាក់មួកសុវត្ថិភាព។
ប្រភពដ៏ដែលបន្តទៀតថា អ្នករួមដំណើរជាមួយម៉ូតូសេ១១០មានគ្នា៣នាក់ ៖ ១ឈ្មោះ តន់ សុម៉ាលី ភេទស្រី អាយុ៣០ឆ្នាំ មុខរបរគ្រូពេទ្យ រស់នៅភូមិចំបក់កោង ឃុំតាសួស ស្រុកស្វាយជ្រំ រងរបួសស្រាល ។ ២ឈ្មោះ ហឿន វឌ្ឃនៈឧត្ដម ភេទប្រុស អាយុ៦ឆ្នាំ មុខរបរសិស្ស រស់នៅភូមិឃុំជាមួយគ្នា (មិនពាក់មួកសុវត្ថិភាព) រងរបួសស្រាល ។ ៣ឈ្មោះ សាន សម្ភស្សនីតា ភេទស្រី អាយុ២ឆ្នាំ ជាកូន ( រងរបួសធ្ងន់បែកក្បាល) ។
ក្រោយមកសមត្ថកិច្ចបានហៅរថយន្តសាមុយដឹកជនរងគ្រោះទៅមន្ទីរពេទ្យខេត្ត ដើម្បីសង្គ្រោះ ។ សមត្ថកិច្ចបានធ្វើការវាស់វែងរួចក៏បញ្ជូនម៉ូតូទាំង២គ្រឿងយកទៅរក្សាទុកនៅអធិការដ្នាននគបាលក្រុងស្វាយរៀង ដើម្បីដោះស្រាយជាក្រោយ ៕
ចែករំលែកព័តមាននេះ