ខេត្តស្វាយរៀង ៖ ស្ត្រីម្នាក់សន្លប់ស្តូកស្តឹងបណ្តាលមកពីគ្រោះថ្នាក់ចរាចរណ៍ដ៏អាក្រក់មួយកាលពីថ្ងៃទី១០ ខែធ្នូ ឆ្នាំ២០១៧ វេលាម៉ោង៥និង១០នាទីល្ងាចនៅលើកំណាត់ផ្លូវលេខ៣១៥ ភូមិចេក សង្កាត់ចេក ក្រុងស្វាយរៀង ។…
ខេត្តស្វាយរៀង ៖ ស្ត្រីម្នាក់សន្លប់ស្តូកស្តឹងបណ្តាលមកពីគ្រោះថ្នាក់ចរាចរណ៍ដ៏អាក្រក់មួយកាលពីថ្ងៃទី១០ ខែធ្នូ ឆ្នាំ២០១៧ វេលាម៉ោង៥និង១០នាទីល្ងាចនៅលើកំណាត់ផ្លូវលេខ៣១៥ ភូមិចេក សង្កាត់ចេក ក្រុងស្វាយរៀង ។
រថយន្តបង្កពណ៌ស ផ្លាកលេខ ភ្នំពេញ២AG- ០២៥៤ បើកឈ្មោះប៉ែន ដា ភេទប្រុស អាយុ២៦ឆ្នាំ មុខរបរលក់ទឹកសុទ្ធ រស់នៅភូមិប្រាសាទ ឃុំពោធិរាជ ស្រុកស្វាយជ្រំ បើកបរយ៉ាងលឿនក៏ជ្រុលទៅបុកជាមួយម៉ូតូជនរងគ្រោះពីក្រោយពេញទំហឹងបណ្តាលឲ្យម៉ូតូដួលបោកទៅលើថ្នល់ខ្ទាតស្ត្រីរងគ្រោះបោកក្បាលទៅលើថ្នល់របួសធ្ងន់ធ្ងរសន្លប់ នៅនឹងកន្លែងតែម្តង ។ ប្រភព បន្តទៀតថា ជនរងគ្រោះឈ្មោះឃុត សារុន ភេទស្រី អាយុ៣០ឆ្នាំ មុខរបរកសិករ រស់នៅភូមិ ឃ្លាំង សង្កាត់ចេក ក្រុងស្វាយរៀង រងរបួសធ្ងន់ធ្ងរសន្លប់ ។
អ្នកឃើញផ្ទាល់ភ្នែកបានឲ្យដឹងថា មុនពេលកើតហេតុគេឃើញស្ត្រីរងគ្រោះជិះម៉ូតូពណ៌ ក្រហម គ្មានស្លាកលេខ បើកបរពីជើងទៅត្បូង លុះមកដល់ចំណុចកើតហេតុខាងលើ ស្រាប់តែមានរថយន្តមួយគ្រឿង ចំណុះ១តោនកន្លះ បើកបរយ៉ាងលឿនស្របទិសគ្នា ពីជើងទៅត្បូងដែរ ស្រាប់តែបុកម៉ូតូស្ត្រីរងគ្រោះពីក្រោយពេញទំហឹងបណ្តាលឲ្យម៉ូតូស្ត្រីរងគ្រោះដួលខ្ទាតចេញចម្ងាយប្រមាណ៥ម៉ែត្រ ។ រីឯស្ត្រីរងគ្រោះខ្ទាតចេញពីម៉ូតូដួលបោកក្បាលទៅលើថ្នល់កៅស៊ូ បែកក្បាលធ្ងន់ធ្ងរសន្លប់នៅនឹងកន្លែង រីឯអ្នកបើកបររថយន្តបង្កបានចាប់ហ្វ្រាំងរួចបើកទ្វារថយន្តចុះរត់គេចខ្លួនបាត់ស្រមោល បន្សល់ទុករថយន្តនៅ នឹងកន្លែងកើតហេតុ ។
សមត្ថកិច្ថបានហៅរថយន្តសាមុយដឹកបញ្ជូនជនរងគ្រោះទៅមន្ទីរពេទ្យខេត្តដើម្បីសង្គ្រោះ ។ ក្រោយពីសមត្ថកិច្ចធ្វើការវាស់វែងរួចក៏បញ្ជូនរថយន្ត និងម៉ូតូទៅរក្សាទុកនៅអធិការដ្ឋាននគបាលក្រុងស្វាយរៀង ដើម្បីដោះស្រាយតាមនីតិវិធីច្បាប់ ៕
ចែករំលែកព័តមាននេះ