ចិន ៖ តាមប្រភពព័ត៌មាន CNN បានឱ្យដឹងថា មន្ត្រីវេជ្ជសាស្ត្រកំពូលរបស់ប្រទេសចិនបានលើកឡើងថា មិនមែនគ្រប់គ្នានៅក្នុងប្រទេសចិននឹងត្រូវចាក់វ៉ាក់សាំងការពារជំងឺកូវីដ១៩នោះទេ ហើយគេគួរតែឱ្យអាទិភាពលើបុគ្គលិកពេទ្យជួរមុខ និង ប្រជាជនដែលមានហានិភ័យខ្ពស់។…
ចិន ៖ តាមប្រភពព័ត៌មាន CNN បានឱ្យដឹងថា មន្ត្រីវេជ្ជសាស្ត្រកំពូលរបស់ប្រទេសចិនបានលើកឡើងថា មិនមែនគ្រប់គ្នានៅក្នុងប្រទេសចិននឹងត្រូវចាក់វ៉ាក់សាំងការពារជំងឺកូវីដ១៩នោះទេ ហើយគេគួរតែឱ្យអាទិភាពលើបុគ្គលិកពេទ្យជួរមុខ និង ប្រជាជនដែលមានហានិភ័យខ្ពស់។
លោក Gao Fu ប្រធានមជ្ឈមណ្ឌលការពារ និងបង្ការជំងឺរបស់ប្រទេសចិន (CDC) បាននិយាយនៅក្នុងពិធីប្រជុំស្តីពីវ៉ាក់សាំងនៅក្នុងទីក្រុង Shenzhen ថា៖ «ចាប់តាំងពីរលកទី១ នៃជំងឺកូវីដ១៩ បានលេចចេញនៅទីក្រុង Wuhan ប្រទេសចិនបានរួចផុតពីផលប៉ះពាល់នៃកូវីដ ជាច្រើនដងរួចមកហើយ»។
លោក Gao បានបន្ថែមថា សំណួរដែលគេសួរថា តើវ៉ាក់សាំងគួរតែប្រើប្រាស់លើមនុស្សទូទៅដែរឬអត់? គឺពាក់ព័ន្ធជាមួយនឹងការលៃលកឱ្យស្មើគ្នារវាងផលចំណេញ និងបញ្ហាផ្សេងៗ ដោយចង្អុលបង្ហាញពីកត្តាដូចជា ថ្លៃដើម និងផលប៉ះពាល់ដែលអាចកើតមាន។ លោកថា បច្ចុប្បន្នមិនចាំបាច់ចាក់ឱ្យមនុស្សគ្រប់គ្នាទេ តែវាអាចនឹងផ្លាស់ប្តូរប្រសិនបើមានការប្រើប្រួលនៃស្ថានភាព។
លោកបានបន្ថែមថា វ៉ាក់សាំងដែលមានសក្តានុពលណាមួយនឹងត្រូវបានផ្តល់អាទិភាពសម្រាប់អ្នកដែលនៅជួរមុខរួមមានបុគ្គលិកពេទ្យជនជាតិចិន ដែលធ្វើការនៅឯក្រៅប្រទេស ក្នុងកន្លែងផ្ទុកវីរុស និងមនុស្សដែលធ្វើការនៅក្នុងបរិស្ថានដែលមានហានិភ័យខ្ពស់ដូចជាភោជនីយដ្ឋាន សាលារៀន ឬសេវាសំអាត។
គោលនយោបាយនេះ បានធ្វើឱ្យយើងឃើញមានភាពផ្ទុយគ្នារវាងប្រទេសចិន និងប្រទេសលោកខាងលិចជាច្រើន ជាពិសេសគឺប្រទេសអូស្ត្រាលី ដែលបានប្រកាសផែនការចាក់វ៉ាក់សាំងឱ្យប្រជាជនទាំងអស់។
ចំនួនវីរុសដែលត្រូវបានគេរាយការណ៍នៅប្រទេសចិនមានកម្រិតទាបចាប់តាំងពីនិទាឃរដូវ។ មានការផ្ទុះឡើងខ្លះៗនៅខេត្តជីលីននៅខែឧសភា ដែលមានការផ្ទុះឡើងនៅទីក្រុងប៉េកាំងនៅខែមិថុនា និងមួយទៀតនៅរដ្ឋធានីស៊ីនជាំង នៅខែកក្កដា ប៉ុន្តែទាំងនេះត្រូវបានឆ្លើយតបជាមួយនឹងវិធានការណ៍នៃការចាក់សោរជាបន្ទាន់ និងការធ្វើតេស្តទ្រង់ទ្រាយធំ៕
ចែករំលែកព័តមាននេះ