រាជធានីភ្នំពេញ ៖ កញ្ញាអានីតា ទើបតែក្លាយជាថៅកែក្លឹបកម្សាន្តថ្មីមួយ ហើយគេសង្ស័យគូស្នេហ៍របស់នាងជាជនជាតិតៃវ៉ាន់នាងផ្តល់ឱ្យ ។ តើវាពិតបែបនោះទេ ? កាលពីយប់ថ្ងៃទី៨ ខែមិថុនា…
រាជធានីភ្នំពេញ ៖ កញ្ញាអានីតា ទើបតែក្លាយជាថៅកែក្លឹបកម្សាន្តថ្មីមួយ ហើយគេសង្ស័យគូស្នេហ៍របស់នាងជាជនជាតិតៃវ៉ាន់នាងផ្តល់ឱ្យ ។ តើវាពិតបែបនោះទេ ?
កាលពីយប់ថ្ងៃទី៨ ខែមិថុនា ២០១៧ តារាភាពយន្តកញ្ញាអានីតា បានបើកសម្ពោធក្លឹបកម្សាន្តមួយនៅម្ដុំសាលាចតុម្មុខឈ្មោះ «GT CLUB» ។ តួអង្គសំខាន់ក្នុងរឿង «ណារ៉ូនិងសូម៉ាលី» របស់ទូរទស្សន៍CTN កញ្ញាអានីតាតាំងចិត្តថា បានឱកាសគ្រប់គ្រងក្លឹបកម្សាន្តនេះនាងនឹងប្រឹងប្រែងតស៊ូដោយផ្អែកលើបទពិសោធន៍កន្លងមក ហើយរំពឹងថានឹងដំណើរការដោយជោគជ័យ ។ ក្លឹបកម្សាន្ត« GT CLUB» នេះគឺអានីតាមានតួនាទីជាអ្នកគ្រប់គ្រងធំមួយឬអាចនិយាយបានថាជាថៅកែស្រី ។ ចំពោះថៅកែធំ គឺជាបុរសជាជនជាតិតៃវ៉ាន់ ដែលមករកស៊ីនៅស្រុកខ្មែរ ។
ការប្រគល់ក្លឹបឲ្យអានីតាគ្រប់គ្រងដោយសារតែបុរសតៃវ៉ាន់នោះស្រឡាញ់រាប់អាន និងទុកចិត្ត គួបផ្សំនឹងភាពស្មោះត្រង់របស់នាង ។ អានីតាបញ្ជាក់បែបនេះ ប៉ុន្តែមានការសង្ស័យថា មកពីថៅកែតៃវ៉ាន់នោះជាសង្សាររបស់នាង ។
កញ្ញាអានីតា និយាយថា «ការទាក់ទងរវាងនាងខ្ញុំជាមួយបុរសតៃវ៉ាន់ដែលជាថៅកែក្លឹបពុំមានអ្វីពិសេសលើសពីធម្មតានោះទេ ។ ខ្ញុំទើបតែស្គាល់គាត់ក្នុងរយៈពេលខ្លី តែដោយសារខ្ញុំមានបទពិសោធន៍ ធ្លាប់ទទួលបានជោគជ័យលើមុខជំនួញកន្លងមក គួបផ្សំនឹងភាពស្មោះត្រង់របស់ខ្ញុំផង គាត់ក៏បានទុកចិត្តខ្ញុំនិងបានប្រគល់តំណែងធំឲ្យខ្ញុំគ្រប់គ្រង។
ពោលគឺពុំមានការទាក់ទងស្នេហាអ្វីនោះទេ ។ នាងខ្ញុំនឹងប្រឹងប្រែងតស៊ូ ដោយផ្អែកលើបទពិសោធន៍កន្លងមក ហើយក៏រំពឹងថានឹងទទួលបានជោគជ័យផងដែរ» ៕
ចែករំលែកព័តមាននេះ