រាជធានីភ្នំពេញ ៖ យុវជន២នាក់បងប្អូនជិះម៉ូតូត្រូវបានក្មេងទំនើងមួយក្រុមដេញវាយធ្វើអោយភ័យជិះគេចជ្រុលទៅបុកខឿនចិញ្ចើមផ្លូវ បណ្តាលឲ្យដួលបាក់ជើងម្នាក់ និងម្នាក់ទៀតសន្លប់ស្ដូកស្ដឹងរងរបួសយ៉ាងធ្ងន់ធ្ងរ បង្កឲ្យមានការភ្ញាក់ផ្អើល កាលពីវេលាម៉ោង៩និង២០នាទីយប់ថ្ងៃទី២៥ ខែកុម្ភៈ ឆ្នាំ២០១៩ នៅតាមបណ្ដោយផ្លូវសហព័ន្ធរុស្ស៊ីទល់មុខប្រលានយន្តហោះអន្តរជាតិភ្នំពេញនឹងហាងលក់…
រាជធានីភ្នំពេញ ៖ យុវជន២នាក់បងប្អូនជិះម៉ូតូត្រូវបានក្មេងទំនើងមួយក្រុមដេញវាយធ្វើអោយភ័យជិះគេចជ្រុលទៅបុកខឿនចិញ្ចើមផ្លូវ បណ្តាលឲ្យដួលបាក់ជើងម្នាក់ និងម្នាក់ទៀតសន្លប់ស្ដូកស្ដឹងរងរបួសយ៉ាងធ្ងន់ធ្ងរ បង្កឲ្យមានការភ្ញាក់ផ្អើល កាលពីវេលាម៉ោង៩និង២០នាទីយប់ថ្ងៃទី២៥ ខែកុម្ភៈ ឆ្នាំ២០១៩ នៅតាមបណ្ដោយផ្លូវសហព័ន្ធរុស្ស៊ីទល់មុខប្រលានយន្តហោះអន្តរជាតិភ្នំពេញនឹងហាងលក់ Pizza ដែលស្ថិតនៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះទី១ ឈ្មោះ មាស វិភត់ អាយុ២៧ឆ្នាំ មុខរបរកម្មកររថភ្លើង មានទីលំនៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ និងម្នាក់ទៀតត្រូវជាប្អូនបង្កើតឈ្មោះ មាស
រ័ត្ន ភេទប្រុស អាយុ ២៣ឆ្នាំ មុខរបរជួយលក់អីវ៉ាន់ បងរស់នៅជាមួយគ្នា ។ ជនរងគ្រោះទាំង២នាក់ ជិះម៉ូតូម៉ាក zoomer x ពណ៌ត្រួយចេក ពាក់ស្លាកលេខភ្នំពេញ 1DP-0535 ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញជនរងគ្រោះជិះម៉ូតូម៉ាក ZOOMEX ជិះគ្នា២នាក់ ក្នុងទិសដៅពីត្បូងទៅជើង លុះបើកមកដល់ចំណុចកើតហេតុ ស្រាប់តែមានជនបង្កមានគ្នា៥នាក់ជិះម៉ូតូ២គ្រឿង ដោយមិនបានចាំម៉ាកក្នុងទិសដៅស្របគ្នា បន្ទាប់មកដោយឃើញជនបង្កខាងលើបានដកខ្សែក្រវាត់បានដេញវាយជនរងគ្រោះធ្វើឲ្យជនរងគ្រោះភ័យបានជិះគេច ហើយជ្រុលទៅបុកខឿនចិញ្ចើមផ្លូវជាប់របងប្រលានយន្តហោះចំជើងផ្នែកខាងស្តាំ បណ្តាលអោយបាក់ជើងម្ខាង និងម្នាក់ទៀតរងរបួសសន្លប់ស្តូកស្តឹងនៅកន្លែងកើតហេតុ ចំណែកឯជនបង្កដែលធ្វើសកម្មភាពដេញវាយបានបើកគេចខ្លួនបាត់ស្រមោល ។
បន្ទាប់មកជនរងគ្រោះខាងលើត្រូវបានរថយន្តសង្គ្រោះឯកជនបានដឹកជនរងគ្រោះយកទៅសង្គ្រោះភ្លាមៗផងដែរ ហើយដោយជនរងគ្រោះបាក់ជើងម្ខាងខាងលើត្រូវបានរថយន្តសង្គ្រោះ ឯកជនដឹកយកទៅព្យាបាលនៅមន្ទីរពេទ្យព្រះកុសុមៈ ដើម្បីព្យាបាលបន្ត ។ ក្រោយពេលកើតហេតុបន្ទាប់ពីជនរងគ្រោះទៅសម្រាកព្យាបាលនៅមន្ទីរពេទ្យ ហើយម៉ូតូជនរងគ្រោះត្រូវបានសមត្ថកិច្ចនគរបាលប៉ុស្តិ៍ចោមចៅទី៣ យកទៅរក្សាទុករង់ចាំម្ចាស់នឹងប្រគល់អោយវិញ ៕
ចែករំលែកព័តមាននេះ