ប្រទេសរុស្ស៊ី ៖ ប្រជាជនច្រើននាក់បានថតរូបភាពព្រិលពណ៌ខ្មៅនៅតំបន់ស៊ីបេរី ដែលតែងក្រាលដោយព្រិលពណ៌សក្បុះ ផ្សាយតាមបណ្ដាញសង្គម នាំឲ្យមានការចាប់អារម្មណ៍ខ្លាំងលើពិភពលោក។
កាសែតSIBERIAN TIMES រាយការណ៍នាថ្ងៃទី១៥កុម្ភៈថា ព្រិលមានពណ៌សគ្រប់ទីកន្លែងលើពិភពលោក លើកលែងតែនៅស៊ីបេរី។ ប្រជាជនច្រើននាក់នៃតំបន់នោះរបស់រុស្ស៊ី មានការភ្ញាក់ផ្អើលយ៉ាងខ្លាំងដោយឃើញវិថីទាំងឡាយគ្របដណ្ដប់ដោយព្រិលពណ៌ខ្មៅពេលភ្ញាក់ពីដេក។ តាមTWITTER អ្នកលេងអីីុនធើរណេតម្នាក់សរសេរថា តើនោះជាព្រិលនៃឋាននរកហើយឬ?
ព្រិលពណ៌ខ្មៅត្រូវបានគេកត់សម្គាល់ឃើញធ្លាក់ ក្នុងទីក្រុងយ៉ាងតិច៣ គឹទីក្រុងPROKOPYEVSK ក្រុង KISELYOVSK និងក្រុងLENINSK-KUZNETSKY។ យោងតាមបណ្ដាសារព័ត៌មានក្នុងស្រុកថា បាតុភូតនោះអាចទាក់ទិននឹងការបំពុលបរិយាកាស។ នាយករោងចក្រធ្យូងថ្មមួយគូសបញ្ជាក់ថា តម្រងនានានៃរោងចក្រពុំដំណើរការ ដែលនាំឲ្យមានការជះធូលីធ្យូងទៅក្នុងបរិយាកាស។
តាមបណ្ដាញសង្គមប្រជាជន បានចោទលើរោងចក្រឯទៀតៗនិងអាជ្ញាធរ និងថារដ្ឋាភិបាលហាមឃាត់មិនឲ្យជក់បារី នៅតាមទីសាធារណៈប៉ុន្តែយើងគ្រប់គ្នាបែរជាដកដង្ហើមជាមួយធូលីធ្យូង៕
ចែករំលែកព័តមាននេះ