«Xinhua» របស់ចិនកាលពីពេលថ្មីៗកន្លងមកផ្សាយថា គណៈកម្មាធិការអភិវឌ្ឍន៍ផ្នែកទេសចរណ៍នៅតំបន់ទីបេ ប្រកាសឲ្យដឹងថា ទីបេនឹងបន្ថយថ្លៃឈ្នួលបន្ទប់ស្នាក់នៅក្នុងសណ្ឋាគារ យានយន្ត និងប័ណ្ណចូលទស្សនាតំបន់មួយចំនួនដល់ភ្ញៀវទេសចរ នៅក្នុងរដូវរងាចាប់តាំងពីថ្ងៃទី១ វិច្ឆិកា ២០១៨តទៅ…
«Xinhua» របស់ចិនកាលពីពេលថ្មីៗកន្លងមកផ្សាយថា គណៈកម្មាធិការអភិវឌ្ឍន៍ផ្នែកទេសចរណ៍នៅតំបន់ទីបេ ប្រកាសឲ្យដឹងថា ទីបេនឹងបន្ថយថ្លៃឈ្នួលបន្ទប់ស្នាក់នៅក្នុងសណ្ឋាគារ យានយន្ត និងប័ណ្ណចូលទស្សនាតំបន់មួយចំនួនដល់ភ្ញៀវទេសចរ នៅក្នុងរដូវរងាចាប់តាំងពីថ្ងៃទី១ វិច្ឆិកា ២០១៨តទៅ ។
របាយការណ៍បញ្ជាក់ថា កាលពីមុនទីបេក៏បានដំណើរការលើកកម្ពស់នយោបាយទេស ចរណ៍ដោយឥតគិតថ្លៃនៅរដូវរងាក្នុងខែកម្ភៈ បានទទួលភ្ញៀវច្រើនជាង៧៧០.០០០នាក់ក្នុងអំឡុងពីខែមករា ដល់កុម្ភៈ ដោយកើនឡើងប្រហែល៤៥ភាគរយ បើប្រៀបធៀបនឹងអំឡុងពេលដូចគ្នាកាលពីឆ្នាំមុន ។
គណៈកម្មាធិការបានលើកឡើងថា ទីតាំងទេសចរណ៍កម្រិត «3A» ចូលទស្សនាដោយឥតគិតថ្លៃក្នុងអំឡុងពីថ្ងៃទី១ វិច្ឆិកា-១៥ មីនាខាងមុខ លើកលែងតែនៅវត្តអារាម ។ចំពោះកម្រិត «3A» របស់រដ្ឋ និង«1A» មិនមែនជារបស់រដ្ឋនឹងបញ្ចុះថ្លៃចូលទស្សនា៥០ភាគរយ ។
ក្រៅពីនេះសម្រាប់កម្រិតទេសចរណ៍ «4A» និង «5A» មានចំនួន៤០កន្លែង រួមទាំងព្រះរាជវាំង «Potala , Norbulingka» និងសារមន្ទីអាវុធយុទ្ធភណ្ឌបើកឲ្យចូលទស្សនាដោយឥតគិតថ្លៃ ៕
ចែករំលែកព័តមាននេះ