សារព័ត៌មានបរទេសកាលពីពេល ថ្មីៗកន្លងមកផ្សាយថា សារមន្ទីរជាតិតូក្យូគឺជាស្ថាបត្យកម្មដ៏ស្រស់ស្អាតមួយរបស់ជប៉ុន ដែលមានប្រវត្តិជាយូរដល់ទៅ១២៣ឆ្នាំ និងបានចុះបញ្ជីជាបេតិកភណ្ឌវប្បធម៌ជប៉ុន ។ អគារនោះមានរូបរាងជាសា្ថបត្យកម្មអឺរ៉ុបលាយឡំនឹងវប្បធម៌របស់ជប៉ុន បានចេញមូ៉ដដោយលោកកាតាយ៉ាម៉ា ថូកូម៉ា (Katayama Tokuma) ស្ថាបនិកដែលចេញម៉ូដព្រះរាជវាំង នៅក្រុងតូក្យូ និងជាផ្នែកមួយនៃសារមន្ទីរដ៏សំខាន់របស់ជប៉ុន ។
ស្ថាបត្យកម្មដ៏ស្រស់ស្អាតនោះបានតម្រូវឲ្យភ្ញៀវទេសចរ និងគូស្នេហ៍ជាច្រើនប្រើជាទីតាំងសម្រាប់ថតរូប ប៉ុន្តែសារមន្ទីរបានបិទតាំងពីខែមិថុនា ២០១៥ ។ ជាចុងក្រោយសារមន្ទីរក៏បានឆ្លើយតបលើសំណើរបស់សណ្ឋាគារ «រីហ្គា រ៉ូយ៉ាល់ ក្យូតូ» (Rihga Royal Hotel Kyoto) ឲ្យបើកសារមន្ទីរធ្វើជាកន្លែងថតរូបកម្សាន្តក្នុងពិធីរៀបអាពាហ៍ពិពាហ៍ តែត្រូវមានលក្ខខណ្ឌសុំការអនុញ្ញាត ឬកក់ទុកជាមុនសិន ដោយចំណាយប្រហែល១លានដល់១,៣លានយ៉េន និងមួយថ្ងៃចូលបានតែមួយគូប៉ុណ្ណោះ ។
ទោះបីជាមានការចំណាយខ្ពស់ក៏ដោយ ប៉ុន្តែមានសេដ្ឋីជប៉ុនជាច្រើននាក់បានចាប់អារម្មណ៍ ព្រោះជាទីកន្លែងពិសេសនៅក្នុងប្រទេស និងផ្ដល់ឱកាសឲ្យប្រើបានរហូតដល់ខែមីនា ២០១ ៕
ចែករំលែកព័តមាននេះ