នាំគ្នាគាស់រថយន្តអស់ជាងមួយម៉ោងទំរាំយកសពគាត់ចេញមកបាន
- ភ្នំពេញ
រាជធានីភ្នំពេញ ៖ បុរសម្នាក់បើកបររថយន្តមួយគ្រឿងបោះពួយយ៉ាងលឿនស្រាប់តែរថយន្តបែកកង់ខាងក្រោយបណ្តាលឲ្យរេចង្កូតឡើងទៅលើខឿនសួនច្បារពុះចែកទ្រូងផ្លូវទៅបុកផ្ទប់នឹងបង្គោលភ្លើងបំភ្លឺផ្លូវបណ្តាលឲ្យកៀបអ្នកបើកបររថយន្តជាប់ក្នុងរថយន្តស្លាប់ភ្លាមៗនៅនឹងកន្លែងកើតហេតុយ៉ាងអាណោចអាធ័ម ។ ហេតុការណដ៏គួរឲ្យរន្ធត់នេះបង្កឲ្យមានការណ៍ភ្ញាក់ផ្អើលឡើងកាលពីវេលាម៉ោង១និង៣០នាទីរំលងអាធ្រាត្រឈានចូលថ្ងៃទី៤ ខែកក្កដា ឆ្នាំ២០១៨ ត្រង់ចំណុចខាងជើងវត្តឃ្មួញប្រមាណ៥០០ម៉ែត្រ តាមបណ្តោយផ្លូវហាណូយ ស្ថិតក្នុងសង្កាត់ឃ្មួញ…
ជនរងគ្រោះដែលស្លាប់ឈ្មោះព្រុំ សារុន ភេទប្រុស អាយុ៥២ឆ្នាំ ជាអ្នកគួកជេរដី ស្នាក់នៅផ្ទះ០៣ ផ្លូវ២០ ភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ មានស្រុកកំណើរនៅឃុំមេបុណ្យ ក្រុងព្រៃវែង ខេត្តព្រៃវែង។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេឃើញបុរសរងគ្រោះខាងលើបើកបររថយន្តមួយគ្រឿងម៉ាក RAV4 ពណ៌ទឹកប្រាក់ ពាក់ស្លាកលេខ ភ្នំពេញ ២AC-៥៧៩១ ធ្វើដំណើរតាមបណ្តោយផ្លូវហាណូយ ក្នុងទិសដៅពីជើងទៅត្បូង ក្នុងល្បឿនយ៉ាងលឿន លុះមកដល់ចំណុចកើតហេតុដែលជាចំណុចផ្លូវកោងស្រាប់តែរថយន្តខាងលើបានបែកកង់ខាងក្រោយចំហៀងខាងឆ្វេង ហើយរថយន្តរេចង្កូតឡើងលើខឿនសួនច្បារពុះចែកទ្រូងផ្លូវ រួចក៏ជ្រុលទៅបុកផ្ទប់នឹងបង្គោលភ្លើងបំភ្លឺផ្លូវមួយដើមបាក់ទ្រេតដល់ដី ចំណែកឯរថយន្តបានក្រឡាប់ផ្ងាជើងក្រពឹតជាប់នឹងបង្គោលភ្លើងបំភ្លឺផ្លូវរងការខូចខាតស្ទើរទាំងស្រុង បណ្តាលឱ្យបុរសរងគ្រោះដែលជាអ្នកបើកបររថយន្តត្រូវបានកៀបជាប់ក្នុងរថយន្តស្លាប់ភ្លាមៗនៅនឹងកន្លែងកើតហេតុគួរឲ្យអាណោចអាធ័ម។ 
ភ្លាមៗនោះប្រជាពលរដ្ឋបានរាយការណ៍ទៅសមត្ថកិច្ចមូលដ្ឋានអោយចុះមកជួយអន្តរាគមន៍ ហើយបាននាំគ្នាធ្វើការគាស់រថយន្តដើម្បីយកអ្នកបើកបររថយន្តចេញពីក្នុងរថយន្តអស់រយៈពេលប្រមាណជាងមួយម៉ោងទើបអាចយកសពបុរសរងគ្រោះចេញពីក្នុងរថយន្តមកខាងក្រៅបាន។
ក្រោយពេលកើតហេតុរថយន្តខាងលើត្រូវបានសមត្ថកិច្ចជំនាញធ្វើការស្ទូចយកទៅរក្សាទុកនៅការិយា
ចែករំលែកព័តមាននេះ