ខេត្តកំពង់ចាម ៖ រថយន្តរបស់ក្រុមតន្ត្រីមួយនៅត្រើយខាងកើតទន្លេមេគង្គបានបើកចុះពីលើទួលក្រឡាប់ បណ្តាលឱ្យក្រុមតន្ត្រីប្រុស-ស្រី១៥នាក់បានរងរបួសធ្ងន់ស្រាលផងដែរ។ ហេតុការណ៍នេះបានកើតឡើងកាលពីវេលាម៉ោង១១ថ្ងៃត្រង់ថ្ងៃទី១៦ ឧសភា ២០១៨ នៅចំណុចមុខហង្ស ស្ថិតក្នុងភូមិអណ្តូងច្រុះ ឃុំអំពិល…
ខេត្តកំពង់ចាម ៖ រថយន្តរបស់ក្រុមតន្ត្រីមួយនៅត្រើយខាងកើតទន្លេមេគង្គបានបើកចុះពីលើទួលក្រឡាប់ បណ្តាលឱ្យក្រុមតន្ត្រីប្រុស-ស្រី១៥នាក់បានរងរបួសធ្ងន់ស្រាលផងដែរ។ ហេតុការណ៍នេះបានកើតឡើងកាលពីវេលាម៉ោង១១ថ្ងៃត្រង់ថ្ងៃទី១៦ ឧសភា ២០១៨ នៅចំណុចមុខហង្ស ស្ថិតក្នុងភូមិអណ្តូងច្រុះ ឃុំអំពិល ស្រុកកំពង់សៀម ។
លោកវរសេនីយ៏ឯក ប៉ាន់ ដន អធិការនគរបាលស្រុកកំពង់សៀមបានឱ្យដឹងថា រថយន្តដែលក្រឡាប់ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣C-១១៨៩ បើកបរដោយឈ្មោះ ប៊ុត រុន ភេទប្រុស អាយុ ៣៥ឆ្នាំ មានទីលំនៅភូមិថ្មសំលៀង ឃុំមៀន ស្រុកអូរាំងឪ ខេត្តត្បូងឃ្មុំ ។ លោកអធិការនគរបាលស្រុកកំពង់សៀមបានបន្តថា មូលហេតុដែលរថយន្តនេះក្រឡាប់គឺមកពីរថយន្តបើកចុះពីលើទួលវត្តភ្នំប្រុស ហើយជាន់ហ្វ្រាំមិនស៊ី ចំណែកល្បឿនចេះតែលឿន ស្របពេលមកដល់ថ្នល់ជាតិលេខ៧ បានក្រឡាប់ ចាក់ទាំងមនុស្សនិងសំភារៈពេញផ្លូវ បណ្តាលឱ្យមនុស្សដែលជិះលើរថយន្តនោះរងរបួសធ្ងន់ស្រាលចំនួន១៥នាក់ រីឯរថយន្តរងការខូចខាតបន្តិចបន្តួច ។
បច្ចុប្បន្ន រថយន្តត្រូវបានមន្ត្រីជំនាញយកមករក្សាទុកនៅអធិការដ្ឋាននគរបាលស្រុកកំពង់សៀម ដើម្បីដោះស្រាយតាមច្បាប់៕
ចែករំលែកព័តមាននេះ