បុរសម្នាក់លោតពីលើផ្សារទំនើប ធ្លាក់ចំនារី២នាក់
ចិន ៖ តាមប្រភពព័ត៌មាន Medium បានឲ្យដឹងថា បុរសម្នាក់ដែលមិនបានស្គាល់អត្តសញ្ញាណ បានលោតសម្លាប់ខ្លួនពីលើជាន់ខ្ពស់នៅអគារផ្សារទំនើប IAPM Mall របស់ទីក្រុងសៀងហៃ។…
ចិន ៖ តាមប្រភពព័ត៌មាន Medium បានឲ្យដឹងថា បុរសម្នាក់ដែលមិនបានស្គាល់អត្តសញ្ញាណ បានលោតសម្លាប់ខ្លួនពីលើជាន់ខ្ពស់នៅអគារផ្សារទំនើប IAPM Mall របស់ទីក្រុងសៀងហៃ។ ការសម្លាប់ខ្លួននេះ មិនមែនស្លាប់តែខ្លួនឯងនោះទេ តែនេះបណ្តាលឲ្យស្ត្រីពីរនាក់ផ្សេងទៀតរងរបួសធ្ងន់។
វីដេអូដ៏គួរឲ្យរន្ធត់មួយត្រូវបានបង្ហោះចូលក្នុងប្រព័ន្ធបណ្តាញសង្គម WeChat របស់ចិន ដែលបង្ហាញពីសាកសពរបស់បុរសម្នាក់ដេកដួលនឹងការ៉ូក្នុងផ្សារទំនើបមួយ ជាមួយនឹងថ្លុកឈាមមួយថ្លុក។ នៅក្បែរនោះ គេឃើញស្ត្រីពីរនាក់ដេកក្បែរនោះកម្រើកតិចៗ។ អ្នកដើរនៅទីនោះបានយកតង់មកគ្របពីលើសាកសពរបស់បុរសដែលធ្វើការសម្លាប់ខ្លួន។
យោងតាម Eastday.com បានឲ្យដឹងច្បាស់ថា បុរសម្នាក់នោះបានស្លាប់បាត់បង់ជីវិតភ្លាម ក្រោយលោតសម្លាប់ខ្លួន ខណៈដែលស្ត្រីពីរនាក់នោះកំពុងតែរងរបួសធ្ងន់ ដោយសារតែសង្កត់ត្រូវ។
ព័ត៌មានលំអិតមិនទាន់បានដឹងនៅឡើយទេ តែមនុស្សជាច្រើនបានបញ្ចេញយោបល់នៅលើ WeChat ថា៖ «ប្រសិនបើអ្នកសម្រេចចិត្តថា សម្លាប់ខ្លួន សូមកុំនាំគេទៅជាមួយ»៕
ចែករំលែកព័តមាននេះ