ខេត្តព្រះសីហនុ ៖ មុខសញ្ញាលក់ចែកចាយថ្នាំញៀនម្នាក់ត្រូវនគរបាលចាប់ខ្លួន ជាមួយនឹងថ្នាំញៀនចំនួន៤៤កញ្ចប់កាលពីវេលាម៉ោង១១និង១០នាទី ថ្ងៃទី០១ ខែមិថុនា ឆ្នាំ២០១៧នៅចំនុច ក្រុម៧ ភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ ។
ខេត្តព្រះសីហនុ ៖ មុខសញ្ញាលក់ចែកចាយថ្នាំញៀនម្នាក់ត្រូវនគរបាលចាប់ខ្លួន ជាមួយនឹងថ្នាំញៀនចំនួន៤៤កញ្ចប់កាលពីវេលាម៉ោង១១និង១០នាទី ថ្ងៃទី០១ ខែមិថុនា ឆ្នាំ២០១៧នៅចំនុច ក្រុម៧ ភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ ។
លោកវរសេនីយ៍ឯក ស៊ុន សុផាត ស្នងការរងទទួលផែនប្រឆាំងបទល្មើសបានឲ្យដឹងថា ៖ កាលពីវេលាម៉ោង១១និង១០នាទី ថ្ងៃទី០១ ខែមិថុនា ឆ្នាំ២០១៧ នេះ សមត្ថកិច្ចនគរបាលប្រឆាំងគ្រឿងញៀនខេត្ត សហការជាមួយនគរបាលប៉ុស្តិ៍រដ្ឋបាលសង្កាត់លេខ១ ក្រុងព្រះសីហនុ បានឆ្មក់ចូលចាប់ឆែកឆេរនៅបន្ទប់ជួលមួយកន្លែង ស្ថិតនៅក្រុមទី៧ ភូមិ១ សង្កាត់លេខ១ក្រុងព្រះសីហនុ ដោយចាប់យកបានថ្នាំញៀនមេតហ្វេតាមីន ចំនួន៤៤កញ្ចប់ ក្នុងនោះមានកញ្ចប់តូចចំនួន៤០ និងកញ្ចប់ធំ៤ ទម្ងន់សរុប១៤.៧ក្រាម ព្រមទាំងឃាត់ខ្លួនមុខសញ្ញាម្នាក់ ឈ្មោះ នៅ ប្រុស ហៅ លី អាយុ២៥ឆ្នាំ ស្នាក់នៅផ្ទះកើតហេតុខាងលើ ។
លោកវរសេនីយ៍ឯក ស៊ុន សុផាត ស្នងការរងបានបញ្ជាក់ថា ៖ ដោយទទួលបានបទបញ្ជា និងការណែនាំផ្ទាល់ពី ឯកឧត្តមឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ លោកបានដាក់បញ្ជាឲ្យកម្លាំងជំនាញគ្រប់មុខព្រួញ ត្រូវបង្កើនការប្រុងប្រយ័ត្ន ជាប់ជានិច្ច ពីព្រោះថា ការបោះឆ្នោតកាន់តែខិតជិតចូលមកដល់ មុខសញ្ញាល្មើស អាចនឹងឆ្លៀតឱកាសចេញធ្វើសកម្មភាព ។
ចែករំលែកព័តមាននេះ