ខេត្តស្ទឹងត្រែង៖ ជម្លោះបែកផ្សែងមួយរវាងប្រជាពលរដ្ឋខ្មែរ និងវៀតណាមបណ្តាលឱ្យផ្អើលអាជ្ញាធរក្រុងទាំងព្រឹកដោយសារតែការ វាស់ដីធ្វើផ្លូវសម្រួលដល់ការធ្វើចរាចរណ៍ និងការពារគ្រោះអគ្គិភ័យកើតឡើង ខណៈភាគីមួយវាស់ទៅប៉ះដើមស្វាយបន្តិចចង់កា.ប់ចេញ ហើយត្រូវបានភាគីមួយទៀតរារាំងមិនឱ្យគេកា.ប់ចេញ
ខេត្តស្ទឹងត្រែង៖ ជម្លោះបែកផ្សែងមួយរវាងប្រជាពលរដ្ឋខ្មែរ និងវៀតណាមបណ្តាលឱ្យផ្អើលអាជ្ញាធរក្រុងទាំងព្រឹកដោយសារតែការវាស់ដីធ្វើផ្លូវសម្រួលដល់ការធ្វើចរាចរណ៍ និងការពារគ្រោះអគ្គិភ័យកើតឡើង ខណៈភាគីមួយវាស់ទៅប៉ះដើមស្វាយបន្តិចចង់កាប់ចេញ ហើយត្រូវបានភាគីមួយទៀតរារាំងមិនឱ្យគេកាប់ចេញ ក៏កើតការប្រកែកគ្នាឡើងតឹងសរសៃ.ករៀងខ្លួនទើបអាជ្ញាធរក្រុងហៅភាគីទាំងសងខាងផ្លូវទៅសាលាក្រុងទាំងព្រឹកដើម្បីដោះស្រាយ ។ ហេតុការណ៍នេះបានកើតឡើងកាលពីព្រឹកថ្ងៃទី៨ កក្កដា ឆ្នាំ២០១១ នៅខាងត្បូងស្ពានដំណាក់ សង្កាត់ស្ទឹងត្រែង ក្រុងស្ទឹងត្រែង ។
តាមព័ត៌មានបានឱ្យដឹងថា មុនពេលកើតមានទំនាស់គ្នានេះគឺមានប្រជាពលរដ្ឋនៅក្នុងមូលដ្ឋាននោះ បានស្នើសុំឱ្យអាជ្ញាធរដែនដីរៀបចំផ្លូវមួយដែលអាចឱ្យរថយន្តពន្លត់អគ្គិភ័យចេញចូលបានស្រួលសម្រាប់ជួយអន្តរាគមន៍ឱ្យបានទាន់ពេលវេលា។ ការស្នើសុំនេះមានប្រជាពលរដ្ឋនៅផ្លូវម្ខាងជំរុញឱ្យខិតចូលដីប្រជាពលរដ្ឋផ្លូវម្ខាងទៀតដែលជាជនជាតិវៀតណាមឱ្យច្រើនជាងខាងខ្លួនរហូតមានទំនាស់មួយប្រាវកើតឡើងយា៉ងតឹងសរសៃ.កដាក់គ្នា ដោយសារតែដើមស្វាយមួយដើមនៅខាងដីគ្រួសារវៀតណាមប៉ះចិញ្ចើមផ្លូវទើបសុំឱ្យកាប់ចេញ តែគ្រួសារវៀតណាមនោះមិនព្រមក៏បង្កជាជម្លោះកើតឡើងធ្វើឱ្យអាជ្ញាធរឈឺក្បាលទាំងព្រឹកក៏ហៅទៅសាលាក្រុងដើម្បីដោះស្រាយ ។
លោកកែវ ជឿម អភិបាលរងក្រុងបានឱ្យដឹងថា ចំពោះការចុះរៀបចំផ្លូវតូចឱ្យធំទូលាយនេះគឺចង់បញ្ចៀសរាល់បញ្ហាផ្សេងៗដែលអាចកើតឡើង ជាពិសេសគ្រោះអគ្គិភ័យ។ មុននឹងចុះអនុវត្តការងារនេះ ខាងអាជ្ញាធរយើងមានភូមិបាលក្រុង សង្កាត់បានអញ្ជើញប្រជាពលរដ្ឋដែលរស់នៅសងខាងផ្លូវ និងមានទំនាស់គ្នានោះមកដោះស្រាយហើយក៏បានឯកភាពគ្នាយល់ព្រមឱ្យមានការធ្វើផ្លូវនោះ ។ រីឯដើមស្វាយមួយដើមដែលភាគីគ្រួសារជាជនជាតិវៀតណាមអះអាងថា ជាដើមស្វាយរបស់ខ្លួន និងរារាំងមិនឱ្យកាប់នោះក៏ត្រូវកាប់ផ្តួលចេញដើម្បីឱ្យផ្លូវមានភាពទូលាយហើយដែរ ។
លោកជា វណ្ណ ចៅសង្កាត់ស្ទឹងត្រែង បានបញ្ជាក់ថា ការដែលអាជ្ញាធរសម្រេចថា ត្រូវតែអនុវត្តនោះ ព្រោះយើងបានអញ្ជើញពួកគាត់មកពិភាក្សាជាច្រើនដងមកហើយ ហើយអ្វីដែលជាបញ្ហានោះ គឺប្រជាជនវៀតណាមពីរបីគ្រួសារប៉ុណ្ណោះដែលរារាំងមិនឱ្យកាប់ដើមស្វាយដែលប៉ះពេលអូសខ្សែតម្រង់ផ្លូវ តែការពិតដើមស្វាយមួយដើមនេះស្ថិតក្នុងចំណីផ្លូវសោះ ។ ទោះបីជាយ៉ាងណាបន្ទាប់ពីយើងអញ្ជើញប្រធានសមាគមវៀតណាម ព្រមទាំងភូមិបាលក្រុង អាជ្ញាក្រុង និងតំណាងតុលាការចុះមកមើលដោយផ្ទាល់ និងមានការសម្របសម្រួលគ្នា ទើបគ្រួសារវៀតណាមទាំងនោះយល់ព្រមឱ្យកាប់ដើមស្វាយនោះចេញ៕
ចែករំលែកព័តមាននេះ