អាសូរណាស់ ! ចុះទៅជួយក្មួយៗលង់ទឹក បែរជាលង់ស្លា.ប់ខ្លួនឯង
ខេត្តបន្ទាយមានជ័យ ៖ បុរសម្នាក់និងអ្នកលេងទឹកជាច្រើនបាននាំគ្នាស្ទុះទៅជួយក្មេងៗ៣នាក់ដែលបានលង់ទឹក ក្រោយពេលជួយសង្គ្រោះក្មេងៗបានហើយក៏នាំគ្នាឡើងមក …
ខេត្តបន្ទាយមានជ័យ ៖ បុរសម្នាក់និងអ្នកលេងទឹកជាច្រើនបាននាំគ្នាស្ទុះទៅជួយក្មេងៗ៣នាក់ដែលបានលង់ទឹក ក្រោយពេលជួយសង្គ្រោះក្មេងៗបានហើយក៏នាំគ្នាឡើងមកលើគោកវិញ តែមិនឃើញបុរសម្នាក់នោះសោះក៏នាំគ្នារកម្តងទៀតស្រាប់តែប្រទះឃើញលង់ទឹកស្លាប់ទៅហើយ ។ ហេតុការណ៍នេះបង្កឲ្យមានការភ្ញាក់ផ្អើលវេលាម៉ោង៣ និង៣០នាទីរសៀល ថ្ងៃទី២ ខែតុលា ឆ្នាំ២០១៦ នៅចំណុចស្ពានកោះរលុះ ចម្ងាយ៣គីឡូម៉ែត្រខាងលិចភូមិរោគ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ ។
លោកវរសេនីយ៍ត្រី យ៉ត សុផល អធិការនគរបាលស្រុកភ្នំស្រុក បានឲ្យដឹងថា ជនរងគ្រោះឈ្មោះ សរ សី ភេទប្រុសអាយុ២៧ឆ្នាំ នៅភូមិស្វាយ ឃុំសសរស្តម្ភ ស្រុកពួក ខេត្តសៀមរាប ។ មុនពេលកើតហេតុក្មួយរបស់ជនរងគ្រោះ៣នាក់អាយុប្រមាណជា៧-៨ឆ្នាំបានលង់ទឹក ពេលនោះជនរងគ្រោះក៏ដូចជាអ្នកទៅលេងទឹកជាច្រើននាក់បានស្ទុះទៅជួយក្មេងៗទាំង៣នាក់នោះ ពេលជួយក្មេងរួច អ្នកផ្សេងៗគេឡើងលើគោកអស់ ចំណែកជនរងគ្រោះបែរជាលង់ទឹកខ្លួនឯងស្លាប់ ។
លោកអធិការបានបញ្ជាក់ថា ក្រោយពេលកើតហេតុសពជនរងគ្រោះត្រូវបានក្រុមគ្រួសារដឹកយកទៅចាត់ធ្វើបុណ្យនៅឯគេហដ្ឋានភូមិស្វាយ ឃុំសសរស្តម្ភ ស្រុកពួក ខេត្តសៀមរាប ៕
ចែករំលែកព័តមាននេះ