ស្ត្រីម្នាក់ត្រូវរន្ទះបា.ញ់ស្លា.ប់ ខណៈនិយាយទូរស័ព្ទពេលកំពុងភ្លៀង
ខេត្តបាត់ដំបង ៖ នៅវេលាម៉ោង៣និង៣០នាទី ថ្ងៃទី០១ ខែមិថុនា ឆ្នាំ២០១៦នេះ ស្ថិតក្នុងភូមិភូមិគីឡូ៣៨ ឃុំត្រែង ស្រុករតនៈមណ្ឌល សមត្ថកិច្ចបានរាយការណ៍ថា
ខេត្តបាត់ដំបង ៖ នៅវេលាម៉ោង៣និង៣០នាទី ថ្ងៃទី០១ ខែមិថុនា ឆ្នាំ២០១៦នេះ ស្ថិតក្នុងភូមិភូមិគីឡូ៣៨ ឃុំត្រែង ស្រុករតនៈមណ្ឌល សមត្ថកិច្ចបានរាយការណ៍ថា រន្ទះបានបាញ់ស្ត្រីម្នាក់បណ្ដាលឲ្យស្លាប់ភ្លាមៗ ខណៈនៅតាមបណ្ដាស្រុកមួយចំនួននៅខេត្តបាត់ដំបងមានភ្លៀងធ្លាក់ លាយឡំនឹងខ្យល់កន្ត្រាក់ និងផ្គររន្ទះកើតយ៉ាងខ្លាំង។ សមត្ថកិច្ចបានឲ្យដឹងទៀតថា ស្ត្រីរងគ្រោះឈ្មោះ សោម សឿន អាយុ៥៧ឆ្នាំ រស់នៅភូមិក្រពើខាងត្បូង ឃុំភ្នំសំពៅ ស្រុកបាណន់ ប៉ុន្តែបានទៅស្នាក់នៅបណ្ដោះអាសន្នធ្វើចំការនៅតំបន់ភ្នំដូនមាឃ ក្នុងស្រុករតនៈមណ្ឌល។ បើតាមសេចក្ដីរាយការណ៍បានបញ្ជាក់ថា ជនរងគ្រោះត្រូវរន្ទះបាញ់ស្លាប់ ពេលគាត់កំពុងជ្រកភ្លៀងនៅក្រោមដើមឈើ ហើយកំពុងនិយាយទូរស័ព្ទផង។ ក្រោយពេលកើតហេតុក្រុមគ្រួសារបានដឹកសាកសពស្ត្រីរងគ្រោះយកទៅធ្វើបុណ្យតាមប្រពៃណីហើយ ៕
ចែករំលែកព័តមាននេះ