ឆ្នាំចាស់កន្លងផុតហើយ ឆ្នាំថ្មីបានមកដល់ ។ ដូច្នេះសូមអោយរឿងអតីតកាល វាបាត់អស់ជាមួយពេលវេលា ។ ប៉ុន្តែផ្ទុយមកវិញយើងត្រូវតែធ្វើអោយឆ្នាំថ្មីរបស់យើងពោរពេញដោយក្តីសង្ឃឹម និងជោគជ័យ ។ សកម្មភាពខាងក្រោមនេះជាអ្វីដែលយើងអាចធ្វើបានដើម្បីភាពជោគជ័យពេញមួយឆ្នាំថ្មីនេះ…
ឆ្នាំចាស់កន្លងផុតហើយ ឆ្នាំថ្មីបានមកដល់ ។ ដូច្នេះសូមអោយរឿងអតីតកាល វាបាត់អស់ជាមួយពេលវេលា ។ ប៉ុន្តែផ្ទុយមកវិញយើងត្រូវតែធ្វើអោយឆ្នាំថ្មីរបស់យើងពោរពេញដោយក្តីសង្ឃឹម និងជោគជ័យ ។
សកម្មភាពខាងក្រោមនេះជាអ្វីដែលយើងអាចធ្វើបានដើម្បីភាពជោគជ័យពេញមួយឆ្នាំថ្មីនេះ ។
១ ឈប់អោយអតីតកាលធ្វើបាប
យើងទាំងអស់គ្នា ត្រូវតែក្លាហានជំនះរាល់បញ្ហាក្នុងឆ្នាំចាស់ ។ រឿងអាក្រក់ទាំងអស់អោយវាបាត់អស់ តាមពេលវេលានៃឆ្នាំចាស់ ហើយមិនត្រូវអោយវាបន្តលងយើងទៀតទេ ។
ពេលខ្លះ សំណាងអាក្រក់អាចជាឱកាសសម្រាប់ការលូតលាស់ និងការរៀនសូត្រ ។ ព្យាយាមកំណត់ ស្ថានភាពរបស់អ្នកឡើងវិញ ហើយរកមើលលទ្ធផលវិជ្ជមានដែលអាចកើតមាន ។
២ ជម្រុះចោលភាពខ្ជិលច្រអូសបណ្តុះចរិតឧស្សាហ៍ព្យាយាម
ជីវិតយើងបរាជ័យ មួយផ្នែកដោយសារតែយើងខ្ជិល ។ មួយទៀតដោយសារតែសំណាងអាក្រក់របស់យើង ។ ជំនួសឱ្យការរស់នៅលើសំណាងអាក្រក់របស់អ្នក ចូរចាត់វិធានការសកម្ម ដើម្បីកែលម្អស្ថានភាពរបស់អ្នក ។ នេះអាចរួមបញ្ចូលការស្វែងរកជំនួយពីអ្នកដទៃ បង្កើតផែនការ ឬបោះជំហានតូចៗឆ្ពោះទៅរកដំណោះស្រាយ ។ អ្នកត្រូវតែធ្វើអ្វីដែលថ្មី និងមានប្រយោជន៍សម្រាប់ជីវិត ។ អ្នកត្រូវតែតាំងចិត្តធ្វើការងារមិនដកដៃ ។ ពេលនោះភាពជោគជ័យនឹងរត់មករកអ្នក ។
៣ បើកបេះដូងរៀនសូត្រ និងទទួលចំណេះថ្មី
បើអ្នកចង់អោយខ្លួនរុងរឿង អ្នកមិនអាចកាត់ផ្តាច់ខ្លួនពីការរៀនសូត្រទេ ។ ចំណេះជាទ្រព្យ ។ រៀនកាន់តែច្រើន ចេះកាន់តែច្រើន។ ចេះកាន់តែច្រើន អ្នកកាន់តែរកលុយបាន ។
អ្នកត្រូវតែធ្វើអោយខួរក្បាលរបស់អ្នកក្លាយជាម៉ាស៊ីនផលិតលុយសម្រាប់អ្នក។
៤ បណ្តុះទឹកចិត្តល្អ និងសប្បុរស
អំពើល្អ គឺជាដែកឆក់ផលល្អសម្រាប់អ្នក ។ អ្នកធ្វើល្អដាក់មនុស្សកាន់តែច្រើន អ្នកនឹងកាន់តែ ទទួលផលល្អច្រើនក្នុងជីវិត ។ នេះជាច្បាប់នៃការស្រូបទាញ។
មនុស្សចិត្តទូលាយបង្កើតមិនច្រើនជាងសត្រូវ ហើយបណ្តាញរបស់ពួកគេនឹងរីកធំ ។ ពេលណាមួយបណ្តាញនោះនឹងផ្តល់ផលជាលុយកាក់មិនខាន ។
៥ មានគំនិតថ្មី បង្កើតគម្រោងថ្មី ហើយធ្វើសកម្មភាពដែលនាំលុយចូល
គំនិតនឹងនៅតែអត់បានការ បើសិនជាវាមិនចេញជាគម្រោង និងសកម្មភាពជាក់ស្តែង ។ ដូច្នេះ សូមសរសេរគំនិតថ្មីរបស់អ្នកដែលអ្នកគិតថា នឹងនាំលុយចូលមិនថា តិច ឬច្រើនទេ ។ បន្ទាប់ពីមានផែនការច្បាស់លាស់ហើយ អ្នកត្រូវតែធ្វើសកម្មភាព ដើម្បីសម្រេចគម្រោងនោះ ដោយប្រឹងអោយអស់កម្លាំងកាយ និងចិត្ត ។ ទេវតាមិនធ្វើបាបមនុស្សល្អ និងប្រឹងធ្វើការទេ ។ ទេវតានឹងនាំលាភដល់ មនុស្សណាដែលចេះប្រឹងប្រែង ហើយមានទស្សន:ខ្លួនទីពឹងខ្លួន ។ សូមអោយឆ្នាំថ្មីក្លាយជាឆ្នាំជោគជ័យថ្មី និងពោរពេញដោយលាភសំណាងសម្រាប់ពលរដ្ឋកម្ពុជាគ្រប់រូប ៕
ចែករំលែកព័តមាននេះ