រាជធានីភ្នំពេញ ៖ កាលពីថ្ងៃទី២៨ មេសា ២០១១ រដ្ឋសភានៃព្រះរាជាណាចក្រកម្ពុជាបានចេញសេចក្តីថ្លែងការណ៍របស់ខ្លួនធ្វើការថ្កោលទោសជាឧក្រិដ្ឋកម្មសង្គ្រាមរបស់សៀមដឹកនាំដោយរដ្ឋាភិបាលអាប់ភីស៊ីត នាយករដ្ឋមន្ត្រី ។ ពួកគេបានបើកការវាយប្រហារ បណ្តាលឱ្យកងទ័ព និងជនស៊ីវិលកម្ពុជាស្លា.ប់ និងរបួសមួយចំនួន
រាជធានីភ្នំពេញ ៖ កាលពីថ្ងៃទី២៨ មេសា ២០១១ រដ្ឋសភានៃព្រះរាជាណាចក្រកម្ពុជាបានចេញសេចក្តីថ្លែងការណ៍របស់ខ្លួនធ្វើការថ្កោលទោសជាឧក្រិដ្ឋកម្មសង្គ្រាមរបស់សៀមដឹកនាំដោយរដ្ឋាភិបាលអាប់ភីស៊ីត នាយករដ្ឋមន្ត្រី ។ ពួកគេបានបើកការវាយប្រហារ បណ្តាលឱ្យកងទ័ព និងជនស៊ីវិលកម្ពុជាស្លាប់ និងរបួសមួយចំនួន និងបានបង្កើនឱ្យមានជនភៀសសឹកជាង៣ម៉ឺននាក់កំពុងជម្លៀសចេញពីផ្ទះសម្បែង ដែលត្រូវបានបាញ់ឆេះខ្ទេចខ្ទីដោយកាំភ្លើងយន្តរបស់ថៃ ។
រដ្ឋសភាបន្តថា បន្ទាប់ពីបើកការវាយលុកឈ្លានពានយ៉ាងឃោរឃៅព្រៃផ្សៃជាបន្តបន្ទាប់ជាអាទិ៍នៅខែកក្កដា និងតុលា ២០០៨ និងខែមេសា ២០០៩ និងខែកុម្ភៈ ២០១១ មកលើកម្ពុជាក្នុងបំណងចូលកាន់កាប់ទឹកដីនៅក្បែរតំបន់ប្រាសាទព្រះវិហារ និងតំបន់ព្រំដែនដទៃទៀត ប៉ុន្តែទទួលបរាជ័យរួចមក ម៉ាស៊ីនផលិតសង្គ្រាមដ៏ឧក្រិដ្ឋរបស់ពួកវាតទីនិយមសៀមបានបើកសមរភូមិថ្មីមួយទៀត នៅតំបន់ប្រាសាទតាក្របី និងប្រាសាទតាមាន់ ដោយបាញ់ផ្លោងគ្រាប់កាំភ្លើងធំចូលចម្ងាយប្រមាណ៣០គីឡូម៉ែត្រក្នុងទឹកដីកម្ពុជាតាំងពីថ្ងៃទី២២ មកដល់ថ្ងៃទី២៨ មេសា ២០១១ ក្នុងគោលបំណងប្លន់យកតំបន់ទាំងនេះមកកាន់កាប់ ។
សេចក្តីថ្លែងការណ៍របស់រដ្ឋសភាបន្តថា ដើម្បីគាំទ្រសង្គ្រាមឈ្លានពានដ៏ឧក្រិដ្ឋនេះពួកវាតទីនិយមសៀមបានប្រើឧបាយកលដ៏ខ្មៅកខ្វក់ ធ្វើការឃោសនាភូតភរសាធារណជាតិ និងអន្តរជាតិ ក្នុងការបិទបាំងឧក្រិដ្ឋកម្មឈ្លានពានរបស់ខ្លួន ជាពិសេសដោយលើកឡើងនូវរបស់ដែលហៅថា កិច្ចចរចាទ្វេភាគីស្អីគេនោះដែលធាតុពិតជាក់ស្តែងវាជាឧបាយកល «បិទទ្វារវាយកម្ពុជារាំងខ្ទប់មិនឱ្យអន្តរជាតិមើលឃើញនូវអំពើឈ្លានពានរបស់ខ្លួនតែប៉ុណ្ណោះ» ៕
ចែករំលែកព័តមាននេះ