រាជធានីភ្នំពេញ៖ តាមសេចក្តីរាយការណ៍បានឱ្យដឹងថា ខណៈនេះផ្លូវមួយចំនួនក្នុងរាជធានីភ្នំពេញនៅតែជនលិចនៅឡើយ បន្ទាប់ពីភ្លៀងមួយមេធំកាលពីល្ងាចមិញធ្វើឱ្យរាជធានីភ្នំពេញពោរពេញដោយទឹកលិច
រាជធានីភ្នំពេញ៖ តាមសេចក្តីរាយការណ៍បានឱ្យដឹងថា ខណៈនេះផ្លូវមួយចំនួនក្នុងរាជធានីភ្នំពេញនៅតែជន់លិចនៅឡើយ បន្ទាប់ពីភ្លៀងមួយមេធំកាលពីល្ងាចមិញធ្វើឱ្យរាជធានីភ្នំពេញពោរពេញដោយទឹកលិចផ្លូវ និងលំនៅឋាន និងធ្វើឱ្យកកស្ទះចរាចរណ៍តាមផ្លូវមួយចំនួន មិនតែប៉ុណ្ណោះបានធ្វើឱ្យរថយន្ត និងម៉ូតូជាច្រើនគ្រឿងរលត់ម៉ាស៊ីនផងដែរ។
សេចក្តីរាយការណ៍បានឱ្យដឹងទៀតថា ព្រឹកថ្ងៃទី២ សីហា នេះ គេសង្កេតឃើញតំបន់មួយចំនួននៅលិចទឹកនៅឡើយ ដូចជាម្តុំរោងចក្រLA ភូមិស្លែងរលើង មុខសាលាណតប្រ៊ីត ផ្លូវ៥២៨ អតីតស៊ីម៉ាក់ និងកន្លែងពន្ធដាខណ្ឌទួលគោក រួមទាំងភូមិគ្រឹះមួយចំនួនទៀត ដែលកន្លែងខ្លះនៅលិចត្រឹមជង្គង់ និងកន្លែងខ្លះលើជង្គង់នៅឡើយ ទន្ទឹមនោះគេឃើញស្លាកលេខរថយន្តជ្រុះអណ្តែតតាមទឹកលិច តែគេមិនដឹងថា ជារថយន្តម៉ាកអ្វីទេ គ្រាន់តែដឹងថា មានលេខភ្នំពេញ២AA៦០៧១ អណ្តែតនៅម្តុំផ្លូវ៥២៨ អតីតស៊ីម៉ាក់ ហើយត្រូវបានគេរើសទុកក្រែងមានម្ចាស់មករក។
គួរបញ្ជាក់ផងដែរថា ព្រឹកនេះនៅតាមកន្លែងជួសជុលរថយន្ត និងម៉ូតូគេសង្កេតឃើញមានប្រជាពលរដ្ឋប្រជ្រៀតគ្នាយករថយន្ត និងម៉ូតូទៅប្តូរប្រេងម៉ាស៊ីន ឬជួសជុល បន្ទាប់ពីជិះកាត់ភ្លៀងលិចកាលពីល្ងាចមិញ៕
ចែករំលែកព័តមាននេះ