ខេត្តឧត្តរមានជ័យ ៖ ជនសង្ស័យចែកចាយ និងប្រើប្រាស់គ្រឿងញៀនម្នាក់ត្រូវប៉ូលិសស្រុកអន្លង់វែងឃាត់ខ្លួនកាលពីវេលាម៉ោង៦ និង៣០នាទីព្រលប់ ថ្ងៃទី២៨ ឧសភា ២០១៥ នៅចំណុចផ្លូវចូលផ្ទះជនសង្ស័យស្ថិតក្នុងភូមិត្រពាំងតាវចាស់ ឃុំត្រពាំងតាវ ស្រុកអន្លង់វែង។
លោកវរសេនីយ៍ទោស៊ឹម ប៊ុនណាក់ អធិការស្រុកអន្លង់វែងបានឲ្យដឹងថា យោងទៅតាមបទបញ្ជាពីឧត្តមសេនីយ៍ត្រីម៉ែន លី ស្នងការដ្ឋាននគបាលខេត្តឧត្តរមានជ័យបានដាក់បទបញ្ជាយ៉ាងតឹងរ៉ឹងបំផុតនៅតាមបណ្តាក្រុងស្រុកទាំងអស់ក្នុងខេត្តត្រូវតែយកចិត្តទុកដាក់រាល់សកម្មភាពដូចជាករណីក្រុមចោប្លន់ ក្រុមចោរកម្មផ្សេងៗ ជួញដូរគ្រឿងញៀន ជួញដូរផ្លូវភេទលើនីតិជន និងល្បែងស៊ីសងគ្រប់ប្រភេទ ជាពិសេសស្ថិតនៅលើ០៩ចំណុចភូមិ-ឃុំមានសុវត្តិភាពជូនដល់ប្រជាពលរដ្ឋ និងជូនដល់សង្គមជាតិ។
លោកអធិការស្រុកបានបន្តថា មុននឹងឈានទៅដល់ធ្វើការឃាត់ខ្លួនជនសង្ស័យរូបនេះ ប៉ូលិសបានដាក់បណ្តាញធ្វើកាស៊ើបអង្កេតជាយូរមកហើយ បន្ទាប់មកនៅវេលាម៉ោង៦ និង៣០នាទីព្រលប់ ថ្ងៃទី២៨ ឧសភា២០១៥ ស្រាប់តែជនសង្ស័យបានជិះម៉ូតូC១២៥មួយគ្រឿង គោលបំណងចូលមកផ្ទះរបស់ខ្លួន ហើយបានជួបប្រទះនឹងសមត្ថកិច្ចដែលចាំនៅទីនោះ ក៏ឃាត់ខ្លួន និងឆែករកឃើញថ្នាំញៀនប្រភេទម៉ាទឹកកកចំនួន០៩កញ្ចប់ ដកហូតម៉ូតូ១គ្រឿង ទូរស័ព្ទដៃចំនួន៣គ្រឿង លុយខ្មែរចំនួន៣សែន៤ម៉ឹនរៀល៕
ចែករំលែកព័តមាននេះ