ឃាត់ខ្លួនបុរសចំណាស់ម្នាក់ រំលោ.ភក្មេងស្រីអាយុ១៤ឆ្នាំរហូតមានផ្ទៃពោះ៤ខែ
ខេត្តកំពត ៖ បុរសម្នាក់ឈ្មោះមុំ ឡោះ អាយុ៥០ឆ្នាំ នៅភូមិព្រៃឃ្លៃ ឃុំស្រែចែង ស្រុកជុំគិរី ត្រូវបាននគរបាលឃាត់ខ្លួន កាលពីរសៀលថ្ងៃទី១២ មីនា ២០១៥
ខេត្តកំពត ៖ បុរសម្នាក់ឈ្មោះមុំ ឡោះ អាយុ៥០ឆ្នាំ នៅភូមិព្រៃឃ្លៃ ឃុំស្រែចែង ស្រុកជុំគិរី ត្រូវបាននគរបាលឃាត់ខ្លួន កាលពីរសៀលថ្ងៃទី១២ មីនា ២០១៥ ។ ខណៈបុរសជាជនសង្ស័យបានវិលត្រឡប់ពីជាយដែនកម្ពុជា ថៃ ចូលស្រុកកំណើតវិញ ការឃាត់ខ្លួននេះធ្វើឡើងក្រោយពីមានបណ្តឹងរបស់ក្មេងស្រីរងគ្រោះអាយុ១៤ឆ្នាំ ថាបានចាប់នាងរំលោភកាលពីចុងឆ្នាំ២០១៤ ។ ព្រោះជនរងគ្រោះនៅភូមិជាមួយជនសង្ស័យដែរ ហើយបានទៅស៊ីឈ្នូលដាំដំឡូងនៅឯជាយដែនខ្មែរ ថៃ ជាមួយគ្នា ។
លោកគិត ដារ៉ា អធិការនគរបាលស្រុកជុំគិរីបានប្រាប់អោយដឹងថា ជនរងគ្រោះនៅជាអនីតិជននៅឡើង ពេលនោះក្មេងស្រីរងគ្រោះបានទៅធ្វើការដាំដំឡូងជាមួយបងប្អូននៅព្រំដែន ហើយបុរសជាជនសង្ស័យខាងលើក៏បានទៅជាមួយគ្នាដែរ ប៉ុន្តែនៅចុងឆ្នាំ២០១៤ បើតាមការអះអាងរបស់ជនរងគ្រោះនិយាយថា ខ្លួនមិនចាំថ្ងៃខែទេ តែដឹងថានៅចុងឆ្នាំ បុរសឈ្មោះមុំ ឡោះ បានចាប់នាងរំលោភបានសម្រេច ។ ហើយរូបនាងក៏បានវិលត្រឡប់មកផ្ទះមុន ក៏បានដាក់ពាក្យបណ្តឹងទៅអាជ្ញាធរ ពេលជនសង្ស័យត្រឡាប់មកផ្ទះតាមក្រោយ ក៏ត្រូវឃាត់ខ្លួនតែម្តងទៅ ។
ជនជាប់ចោទឈ្មោះមុំ ឡោះ បានបដិសេធថា ខ្លួនមិនបានរំលោភដូចពាក្យចោទប្រកាន់របស់ជនរងគ្រោះនោះទេ ។ តែក្មេងស្រីរងគ្រោះក៏បានអះអាងថា ពិតជាជនសង្ស័យនឹងហើយបានចាប់រំលោភនាង រហូតធ្វើអោយនាងមានផ្ទៃពោះ ជិត៥ខែហើយ ។
ទោះបីជាបែបណាជនសង្ស័យត្រូវបានប៉ូលិសស្រុកជុំគិរីបញ្ជូនមកកាន់ស្នងការខេត្ត កសាងសំណុំរឿងទៅតុលាការ ដើម្បីចាត់ការទៅតាមនិតិវិធីច្បាប់ ៕
ចែករំលែកព័តមាននេះ