ខេត្តត្បូងឃ្មុំ ៖ អំពើឃោរឃៅដ៏ព្រៃ.ផ្សៃមួយខណៈស្ត្រីជាជីដូនត្រូវវាយរហូតដល់ស្លា.ប់ រួចអូសសពយកមកចង.ក រួចទម្លាក់ចូលក្នុងរណ្តៅក្រោយផ្ទះ ដើម្បីបំភាន់ភ្នែកថា ជាករណីធ្វើអត្តឃា.ត ចំណែកឯចៅប្រុសតូចអាយុ២ឆ្នាំម្នាក់ទៀត ត្រូវវាយរហូតសន្លប់ ។
ខេត្តត្បូងឃ្មុំ ៖ អំពើឃោរឃៅដ៏ព្រៃផ្សៃមួយខណៈស្ត្រីជាជីដូនត្រូវវាយរហូតដល់ស្លាប់ រួចអូសសពយកមកចង.ក រួចទម្លាក់ចូលក្នុងរណ្តៅក្រោយផ្ទះ ដើម្បីបំភាន់ភ្នែកថា ជាករណីធ្វើអត្តឃាត ចំណែកឯចៅប្រុសតូចអាយុ២ឆ្នាំម្នាក់ទៀត ត្រូវវាយរហូតសន្លប់ ។
ហេតុការណ៍នេះកើតឡើងនៅចន្លោះពីម៉ោង០៩ ទៅ១០ព្រឹកថ្ងៃទី០៨ មីនា ២០១៥ ស្ថិតនៅភូមិគគីរ ឃុំកក់ ស្រុកពញាក្រែក រហូតមកដល់រសៀលថ្ងៃទី៩ មីនា នេះ នៅមិនទាន់មានសេចក្តីរាយការណ៍ពីជនសង្ស័យត្រូវបានចាប់ខ្លួនឡើយ ជាមួយនោះជំនាញសមត្ថកិច្ចកំពុងតែចុះស្រាវជ្រាវយ៉ាងក្តៅគគុក ។
លោកវរសេនីយ៍ត្រីអាំ សុផល អធិការរងនគរបាលស្រុកពញាក្រែកឱ្យដឹងថា ជីដូនដែលត្រូវក្រុមឃាតករវាយសម្លាប់នោះឈ្មោះវិត វ៉ាន់ អាយុ៤០ឆ្នាំ ជាស្ត្រីមេម៉ាយមានកូន២នាក់ ចំណែកចៅប្រុសតូចនោះ ត្រូវបានគេនាំទៅសង្គ្រោះនៅមន្ទីរពេទ្យបង្អែកស្រុកពញាក្រែក ហើយបានរួចផុតសេចក្តីស្លាប់ហើយ ។
លោកបន្តថា កូនៗរបស់ស្ត្រីរងគ្រោះបានទៅធ្វើការនៅរាជធានីភ្នំពេញ ដើម្បីយកប្រាក់មកផ្តត់ផ្គង់ជីវភាពគ្រួសារ លុះនៅចន្លោះម៉ោង៩ ទៅ១០ព្រឹកថ្ងៃទី៨ មីនា ចំបុណ្យសិទ្ធិនារីនោះ ស្របពេលដែលស្ត្រីរងគ្រោះកំពុងតែនៅផ្ទះជាមួយចៅប្រុសអាយុ២ឆ្នាំ ។ បែរជាមានក្រុមឃាតករដែលមានគ្នាយ៉ាងតិចក៏២នាក់ បានចូលមកចាប់វាយដំរហូតដល់ស្លាប់ក្នុងថ្លុកឈាម សូម្បីតែចៅប្រុសតូចមិនដឹងអីសោះ ក៏ត្រូវវាយសន្លប់ដែរ ។ ដោយនឹកស្មានតែស្លាប់ ក៏បានអូសជីដូនទៅក្រោយផ្ទះ មានចម្ងាយជាង៥០ម៉ែត្រ ទន្លាក់ចូលទៅក្នុងទឹកទុកចោលមានជម្រៅ១,៤០ម៉ែត្រ និងយកខ្សែមកចង.ក ដើម្បីបន្លំជារបៀបធ្វើអត្តឃាត ។
ប្រភពបន្តទៀតថា នៅពេលដែលចៅប្រុសតូចនោះងើបពីសន្លប់វិញ បានស្រែកទ្រហ៊ោយំ ក៏ឮដល់ផ្ទះអ្នកភូមិមកមើល ទើបបង្កការភ្ញាក់ផ្អើល ហើយលោកមេភូមិគគីរក៏បានរាយការណ៍ទៅលោកនាយប៉ុស្តិ៍រដ្ឋបាលឃុំកក់ជាបន្ទាន់ ហើយត្រូវកម្លាំងសមត្ថកិច្ចជាច្រើននាក់ចុះទៅដល់ផ្ទះកើតហេតុដែរ ។
ទោះជាយ៉ាងណាក្តី ខាងកម្លាំងសមត្ថកិច្ចនឹងខិតខំប្រឹងប្រែងឱ្យអស់ពីលទ្ធភាព ដើម្បីរកយុត្តិធម៌ជូនគ្រួសាររងគ្រោះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ