ស្នេហ៍ត្រីកោណធ្លាប់ដេកគ្រែមួយ៣នាក់ នាងចុងខឹងចាក់នាងដើមដេរ២៩ថ្នេរ
ខេត្តបន្ទាយមានជ័យ ៖ ករណីមនុស្សឃាតដោយចេតនាមួយកើតឡើងដោយសារតែរឿងស្នេហាត្រីកោណ ខណៈស្ត្រីជាប្រពន្ធចុងយកកាំបិតសម្រាប់ចិតបន្លែចុងស្រួច
ខេត្តបន្ទាយមានជ័យ ៖ ករណីមនុស្សឃាតដោយចេតនាមួយកើតឡើងដោយសារតែរឿងស្នេហាត្រីកោណ ខណៈស្ត្រីជាប្រពន្ធចុងយកកាំបិតសម្រាប់ចិតបន្លែចុងស្រួច ធ្វើសកម្មភាពចាក់ពោះស្ត្រីជាប្រពន្ធដើមចំនួន២កាំបិត បណ្តាលឱ្យរងបួសធ្ងន់ ហើយត្រូវគេដឹកបញ្ជូនទៅសង្គ្រោះនៅមណ្ឌលសុខភាពពន្លៃ ដោយដេរចំនួន១៧ថ្នេរ និងបាតដៃទាំងសងខាងចំនួន១២ថ្នេរ រួចត្រូវបន្តដឹកយកមកសង្គ្រោះជាបន្ទាន់នៅគ្លីនិកមួយក្នុងក្រុងសិរីសោភ័ណវិញ ។
ហេតុការណ៍នេះកើតឡើងកាលពីវេលាម៉ោង០២ និង៣០នាទីរសៀលថ្ងៃទី០៨ ធ្នូ ២០១៤ ស្ថិតនៅភូមិពន្លៃ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។
ប្រភពបានឱ្យដឹងថា ស្ត្រីរងគ្រោះជាប្រពន្ធដើមឈ្មោះតាន ហ៊ាង អាយុ៤៦ឆ្នាំ រស់នៅភូមិពន្លៃ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។ ចំណែកស្ត្រីជាប្រពន្ធចុងដៃដល់ឈ្មោះយ៉ាន ស្រីនិត អាយុ២៨ឆ្នាំ មានទីលំនៅក្នុងភូមិកំពង់ក្រសាំង ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ។ រីឯបុរសជាប្តីឈ្មោះសំ ឈុំ អាយុ៤៧ឆ្នាំ រស់នៅភូមិពន្លៃ ឃុំពន្លៃ ។
តាមការសាកសួរស្ត្រីដៃដល់បានឱ្យដឹងថា ខ្លួនមកជួបប្តីនេះ គឺគោលបំណងសុំផ្តាច់និស្ស័យស្នេហ៍ តែត្រូវស្ត្រីជាប្រពន្ធនិយាយថា ប្តីមិននៅផ្ទះយូរហើយ បើមិននៅរូបគេសុំដេកនៅចាំផ្ទះហ្នឹង តែស្ត្រីជាប្រពន្ធដើមមិនឱ្យដេក ទើបឈានដល់មានជម្លោះពាក្សសម្តីគ្នារហូតកើតមានជាអំពើហិង្សាតែម្តង ហើយរយៈកន្លងមក រូបគេជាប្រពន្ធចុង ក៏ធ្លាប់ដេកនៅផ្ទះជាមួយប្រពន្ធនេះ និងប្តីលើគ្រែមួយ៣នាក់នោះដែរ ម្យ៉ាងឈ្មោះតាន់ ហ៊ាង ជាប្រពន្ធក៏បានព្រមព្រៀងយកប្តីមួយ២នាក់ដែរ ។
ក្រោយមករូបគេ បានទៅស្រុកតេទូរស័ព្ទមកប្តីមិនដែលលើក ក៏មកជួបផ្ទាល់និយាយគ្នាឱ្យដាច់ស្រេចឱ្យឈប់ទាក់ទងគ្នា តែប្រពន្ធដើមមិនឱ្យជួប ទើបមានទំនាស់តែម្តង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ