ADផ្ទាំងផ្សព្វផ្សាយពាណិជ្ជកម្ម

ក្នុងរដូវភ្លៀងខាងមុខ! កំណាត់ផ្លូវល្បឿនលឿននឹងប្រឈមបា.ក់.ស្រុ.ត.ដី.និងថ្មភ្នំទ្រង់ទ្រាយធំ

1 ថ្ងៃ មុន

ភ្នំពេញ
១០ ខែ កុម្ភៈ ឆ្នាំ ២០២៥ ម៉ោង ១០:៥៤

ខេត្តកំពង់ស្ពឺ ៖ មន្ត្រីជំនាញស្នើឱ្យក្រុមហ៊ុនផ្លូវល្បឿនលឿនចាត់វិធានការណ៍រៀបចំប្រព័ន្ធលំហូរនិងចរន្តទឹកនៅចំណុចគីឡូម៉ែត្រលេខ៩៨ ដែលមានស្នាមប្រេះដីតាមចំរាក់ចង្កេះភ្នំឱ្យបានរួចរាល់មុនរដូវវស្សា ។ កំណាត់ផ្លូវល្បឿនលឿនភ្នំពេញ-ក្រុងព្រះសីហនុ ត្រង់ចំណុចគីឡូម៉ែត្រលេខ៩៨ ត្រូវបានមន្ត្រីនៃស្ថាប័នជំនាញព្រមានថា ដោយសារតែតំបន់ភ្នំជុំវិញទីតាំងនេះមានចំណោតទឹកហូរខ្លាំងនោះ នៅរដូវភ្លៀងខាងមុខអាចនឹងបន្តបាក់ស្រុត…

កំណាត់ផ្លូវល្បឿនលឿនភ្នំពេញ-ក្រុងព្រះសីហនុ ត្រង់ចំណុចគីឡូម៉ែត្រលេខ៩៨ ត្រូវបានមន្ត្រីនៃស្ថាប័នជំនាញព្រមានថា ដោយសារតែតំបន់ភ្នំជុំវិញទីតាំងនេះមានចំណោតទឹកហូរខ្លាំងនោះ នៅរដូវភ្លៀងខាងមុខអាចនឹងបន្តបាក់ស្រុត ដោយសារការរអិលបាក់ដី និងថ្មភ្នំទ្រង់ទ្រាយធំប្រសិនបើមិនមានវិធានការណ៍ទប់ស្កាត់ ។

ការអះអាងរបស់មន្ត្រីជំនាញបែបនេះធ្វើឡើងបន្ទាប់ពីប្រតិភូជាន់ខ្ពស់ក្រសួងសាធារណៈការ និងដឹកជញ្ជូន ដឹកនាំមន្ត្រីបច្ចេកទេសមកពីស្ថាប័នពាក់ព័ន្ធ ចុះទៅពិនិត្យស្ថានភាពទីតាំងនោះដោយផ្ទាល់ កាលពីថ្ងៃសុក្រទី៧ ខែកុម្ភៈ ឆ្នាំ២០២៥ កន្លងទៅ ក្រោយពីទទួលបានសេចក្តី រាយការណ៍ថា ទីតាំងខាងលើមានស្នាមប្រេះដីតាមចំរាក់ចង្កេះភ្នំ ដែលវាអាចផលប៉ះពាល់ដល់ផ្លូវល្បឿនលឿន ពិសេសនៅរដូវភ្លៀងខាងមុខ។

ក្នុងដំណើចុះពិនិត្យពីស្ថានភាពទីតាំងគីឡូម៉ែត្រលេខ៩៨ នៃផ្លូវល្បឿនលឿនភ្នំពេញ-ក្រុងព្រះសីហនុ គេឃើញមានវត្តមានលោកសួង ហេង រដ្ឋលេខាធិការក្រសួងសាធារណៈការ និងដឹកជញ្ជូន និងជានាយកគ្រប់គ្រងគម្រោង បានដឹកនាំក្រុមការងារបច្ចេកទេស ដែលរួមដំណើរដោយអគ្គនាយកបច្ចេកទេស អគ្គនាយករង ប្រធាននាយកដ្ឋានផ្លូវល្បឿនលឿន និងស្ពានធំៗ និងក្រុមវិស្វករក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ។

តាមរយៈការពិនិត្យស្ថានភាពជាក់ស្តែង តំបន់ជុំវិញនៃចំណុចគីឡូម៉ែត្រលេខ៩៨ ដែលស្ថិតនៅចំសួនឧទ្យានជាតិបូកគោ (ខាងឆ្វេងដៃ ទិសដៅភ្នំពេញ-ក្រុងព្រះសីហនុ ជាពិសេសនៅតាមចំរាក់ចង្កេះភ្នំស្នាមប្រេះដី និងទឹកហូរច្រោះជាច្រើនកន្លែង ទើបនាពេលកន្លងទៅ គ្រាដែលភ្លៀងធ្លាក់ខ្លាំងម្តងៗ ចំណុចនេះតែងតែមានដីភ្នំ និងថ្មភ្នំ បានបាក់គ្របជិតលើប្រឡាយអមផ្លូវ។

មន្ត្រីជំនាញបន្តថា ដោយសារតែទីតាំងតំបន់នេះមានចំណោតទឹកហូរខ្លាំង ដែលអាចនឹងបន្តបាក់ស្រុតដោយសារការរអិលបាក់ដី និងថ្មភ្នំ ទ្រង់ទ្រាយធំនៅរដូវភ្លៀងខាងមុខ ប្រសិនបើមិនមានវិធានការណ៍ទប់ស្កាត់។ ដូចនេះក្រុមការងារបច្ចេកទេស បានស្នើឱ្យក្រុមហ៊ុនផ្លូវល្បឿនលឿនត្រូវសិក្សាលម្អិតបន្ថែមទៀតផ្នែកវិស្វកម្មគំនូសប្លង់បច្ចេកទេសប្រព័ន្ធលំហូរ ដើម្បីពង្វាងចរន្តទឹក និងរៀបចំឯកសារស្នើសុំក្រសួង ស្ថាប័នពាក់ព័ន្ធពិនិត្យសម្រេច ជាពិសេសក្រសួងបរិស្ថាន។

យ៉ាងណាក៏ដោយកំឡុងពេលដែលក្រុមហ៊ុនផ្លូវល្បឿនលឿនកំពុងសិក្សារៀបចំប្រព័ន្ធលំហូរនិងពង្វាងចរន្តទឹកនោះ មន្ត្រីប្រចាំការនៅទីតាំងខាងលើ ត្រូវបានផ្តាំផ្ញើរឱ្យតាមដានជាប់ជាប្រចាំ ជៀសវាងប៉ះពាល់ដល់ការធ្វើចរាចរណ៍ និងដើម្បីចុះដោះស្រាយបានទាល់ពេលវេលា។

គួររំលឹកថា ក្រៅពីទឹកភ្លៀងហូរច្រោះនៅចំនុចគីឡូម៉ែត្រលេខ ៩៣នោះ នារដូវវស្សាកន្លងទៅបណ្តោយផ្លូវល្បឿនលឿននេះ ត្រូវបានជន់លិចដោយជំនន់ភ្លៀងចន្លោះគីឡូម៉ែត្រ168 -169 ស្ថិតក្នុងភូមិសាស្ត្រស្រុកស្ទឹងហាវ ខេត្តព្រះសីហនុ។

ករណីជំនន់ទឹកភ្លៀងហូរកាត់ផ្លូវល្បឿនលឿនភ្នំពេញ-ព្រះសីហនុនេះកើតឡើង កាលពីព្រឹកព្រលឹមថ្ងៃទី១៨ ខែកញ្ញា ឆ្នាំ២០២៤ បន្ទាប់ពីភ្លៀងបន្តធ្លាក់ជោគជាំអស់ជាច្រើនថ្ងៃ តែចរាចរណ៍មិនត្រូវបានកាត់ផ្តាច់ឡើយ ដោយអ្នកបើកបរអាចធ្វើដំណើរបានលើគន្លងវ៉ាជែង ៕