រាជធានីភ្នំពេញ ៖ យុវជនម្នាក់មានមុខរបរដឹកឥវ៉ាន់តាមអនឡាញ ខណៈពេលស្ងាត់ ឆ្លៀតឱកាសឆ.ក់ទូរស័ព្ទដៃពីអ្នកដំណើរចំនួន២ករណី កាលពីថ្ងៃទី៣ ខែកុម្ភៈ ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ចាប់បញ្ជូនទៅតុលាការ ។…
រាជធានីភ្នំពេញ ៖ យុវជនម្នាក់មានមុខរបរដឹកឥវ៉ាន់តាមអនឡាញ ខណៈពេលស្ងាត់ ឆ្លៀតឱកាសឆ.ក់ទូរស័ព្ទដៃពីអ្នកដំណើរចំនួន២ករណី កាលពីថ្ងៃទី៣ ខែកុម្ភៈ ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ចាប់បញ្ជូនទៅតុលាការ ។
យុវជនខាងលើនេះមានឈ្មោះ យូ ថៃតុង អាយុ២៩ឆ្នាំ ស្នាក់នៅផ្ទះលេខ៣៤៣ ផ្លុវលំ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។
យោងតាមរបាយការណ៍របស់សមត្ថកិច្ចបានឲ្យដឹងថា កាលពីថ្ងៃទី១ ខែកុម្ភៈ ឆ្នាំ២០២៥ វេលាម៉ោង២០និង៣០នាទីយប់ កម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានសហការជាមួយនគរបាលខណ្ឌ៧ មករា ធ្វើការស្រាវជ្រាវ និងឃាត់ខ្លួនជនសង្ស័យម្នាក់ នៅចំណុចក្រោយសណ្ឋាគារសុខាផ្លូវមាត់ទន្លេ ស្ថិត ក្នុងសង្កាត់ជ្រោយចង្វារ ខណ្ឌជ្រោយចង្វារ និងបានចាប់យកវត្ថុតាងទូរសព្ទ័ដៃចំនួន២គ្រឿងដែលរូបគេធ្វើសកម្មភាព២ករណីកន្លងមក ជាក់ស្តែង ៖
ករណីទី១.ឆក់ទូរស័ព្ទដៃម៉ាកអាយហ្វូន១៤ ប្រូម៉េក ពណ៌ស្វាយ ប្រព្រឹត្តនៅចំណុចមុខផ្ទះលេខ៨២អឺ០ ផ្លូវលេខ១៦១ ក្រុម២៣ ភូមិ៤ សង្កាត់អូរឬស្សី២ ខណ្ឌ៧មករា រាជធានីភ្នំពេញ កាលពីថ្ងៃទី០២ ខែមករា ឆ្នាំ២០២៥ វេលាម៉ោង១៦ និង១៥នាទីល្ងាច ។ ដែលជនរងគ្រោះឈ្មោះ ហ៊ឹម គឹមយ៉ប់ ភេទស្រី អាយុ៤៤ ឆ្នាំ មានទីលំនៅផ្ទះលេខ២៧៧បេអឺ៣ ផ្លូវលេខ១៦១ ភូមិ១ សង្កាត់អូរឬស្សី២ ខណ្ឌ៧មករា រាជធានីភ្នំពេញ មុខរបរ លក់ដូរ ។
ករណីទី២.ឆក់យកទូរសព្ទ័ដៃម៉ាកអាយហ្វូន១៤ ប្រូម៉េក ពណ៌ ខ្មៅ ប្រព្រឹត្តនៅចំណុចមុខផ្ទះលេខ៣ ផ្លូវលេខ៤០០ ភូមិ៩ សង្កាត់បឹងកេងកង១ ខណ្ឌបឹង កេងកង រាជធានីភ្នំពេញ កាលពីថ្ងៃទី០៦ ខែឧសភា ឆ្នាំ២០២៣ វេលាម៉ោង១៧និង២៥នាទីល្ងាច ។
ជនរគ្រោះឈ្មោះ BISHAN KUMAR GAUTAM ភេទប្រុស អាយុ៤៣ឆ្នាំ ជាជនជាតិ ឥណ្ឌា ស្នាក់នៅអាផាតមិនមីលៀននឹម ផ្លូវលេខ៥៧ ភូមិ៩ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ មុខរបរ នាយកក្រុមហ៊ុន ។
ពេលចាប់ខ្លួនជនសង្ស័យ សមត្ថកិច្ចបានធ្វើការដកហូតម៉ូតូម៉ាកហុងដាស្កូបពីក្លឹប១២ ពណ៌ស សេរីឆ្នាំ២០២៤ មួយគ្រឿងដែលមានពាក់ស្លាកលេខភ្នំពេញ១LA-៤៣២៣ ។ ដោយយោងទៅលើពាក្យបណ្តឹងរបស់ជនរងគ្រោះជាបទល្មើសជាក់ស្តែង សមត្ថកិច្ចបានកសាងសំណុំរឿងពីបទ.លួចមានស្ថានទម្ងន់ទោសដោយប្រព្រឹត្តអំពើហិ.ង្សា ជនសង្ស័យ និងវត្ថុតាងត្រូវបញ្ជូនទៅតុលាការ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ