ខេត្តបន្ទាយមានជ័យ ៖ ប្រជាពលរដ្ឋជាង២០០នាក់ តំណាង៦៩០គ្រួសារ នាំគ្នាតវ៉ាសុំអោយចុះបញ្ជីដីធ្លីជូនពួកគាត់ ក្រោយអាជ្ញាធរនិងភូមិបាលផ្អាកការវាស់វែងដោយជាប់បណ្តឹងរក្សាការពារអតីតទ័ពជើងគោកការតវ៉ា ត្រូវបានធ្វើឡើងនៅថ្ងៃទី១០ ខែមករា ឆ្នាំ២០២៥ ស្ថិតនៅបរិវេណវត្តទំនប់ក…
ខេត្តបន្ទាយមានជ័យ ៖ ប្រជាពលរដ្ឋជាង២០០នាក់ តំណាង៦៩០គ្រួសារ នាំគ្នាតវ៉ាសុំអោយចុះបញ្ជីដីធ្លីជូនពួកគាត់ ក្រោយអាជ្ញាធរនិងភូមិបាលផ្អាកការវាស់វែងដោយជាប់បណ្តឹងរក្សាការពារអតីតទ័ពជើងគោកការតវ៉ា ត្រូវបានធ្វើឡើងនៅថ្ងៃទី១០ ខែមករា ឆ្នាំ២០២៥ ស្ថិតនៅបរិវេណវត្តទំនប់ក ក្នុងភូមិទំនប់ក៥ សង្កាត់ប៉ោយប៉ែត្រ ក្រុងប៉ោយប៉ែត ។
តំណាងប្រជាពលរដ្ឋបានប្រាប់ថា ប្រជាពលរដ្ឋលើគ្នាតវ៉ានៅបរិវេណវត្តទំនប់៥ជាង២០០នាក់ តំណាងអោយប្រជាពលរដ្ឋទូទាំងភូមិទំនប់ក៥ មានចំនួន៦៩០គ្រួសារ បានតវ៉ាសុំអោយអាជ្ញាធរ និងមន្ទីរពាក់ព័ន្ធជួយអន្តរាគមន៍សុំអោយចុះបញ្ជីដីធ្លី និងធ្វើការវាស់វែងក្បាលចេញជាកម្មសិទ្ធិ ក្រោយក្រុមការងារចុះបញ្ជីភូមិបាលក្រុងប៉ោយប៉ែត និងអាជ្ញាធរភូមិ-សង្កាត់ត្រូវបានផ្អាកថា ជាប់បណ្តឹងរក្សាការពារអតីតកងទ័ពជើងគោក ព្រោះដីមានលំដៅឋានប្រជាពលរដ្ឋរស់នៅយូរឆ្នាំមានដំណាំកសិផល ។
លោក ឈុន ស្រ៊ាង មេភូមិទំនប់ក៥បានប្រាប់ថា ក្រោយប្រជុំទទួលការណែនាំពីលោកចៅសង្កាត់ប៉ោយប៉ែតហើយបានហៅតំណាងប្រជាពលរដ្ឋជួបពិភាក្សា ស្នាក់ការភូមិទំនប់ក៥ ក្រោយក្រុមការងារត្រូវចុះបញ្ជីដីធ្លី និងវាស់វែងនៅថ្ងៃទី០៩ ១០ ខែមករា ឆ្នាំ២០២៥ ស្ថិតនៅភូមិទំនប់ក៥ ហើយត្រូវបានជាប់បណ្តឹងរក្សាការពារដីអតីតកងទ័ពជើងគោកចំនួន៦៣គ្រួសារ ដើម្បីជួបជុំប្រជាពលរដ្ឋពិភាក្សាផ្តិតមេដៃសុំអន្តរាគមន៍ពីថ្នាក់ដឹកនាំរកដំណោះស្រាយបញ្ចប់វិវាធដីធ្លី ហើយក្រុមការងារភូមិបាលចុះបញ្ជីដីធ្លី និងធ្វើការវាស់វែងអោយបានឆាប់ ។
លោក ភោគ លន់ ចៅសង្កាត់ប៉ោយប៉ែតបានបញ្ជាក់ថា ក្រោយក្រុមការងារចុះបញ្ជីដីធ្លីលក្ខណៈជាប្រព័ន្ធជូនប្រជាពលរដ្ឋសង្កាត់ប៉ោយប៉ែត ដែលភូមិនៅសេសសល់ ហើយមានភូមិទំនប់ក៥ ដែលត្រូវចុះបញ្ជីដីធ្លីជូនប្រជាពលរដ្ឋតែភូមិបាលក្រុងប៉ោយប៉ែត បានទទួលបណ្តឹងរក្សាការពារពីអតីតទ័ពជើងគោកចំនួន៦៣គ្រួសារ ពេលនេះអាជ្ញាធរសង្កាត់ប៉ោយប៉ែតបានរាយការណ៍ជូនរដ្ឋបាលក្រុងប៉ោយប៉ែត ដើម្បីរកដំណោះស្រាយជូនប្រជាពលរដ្ឋបញ្ចប់អោយបានឆាប់ធ្វើការវាស់វែងជូនប្រជាពលរដ្ឋរស់នៅជាក់ស្តែង។
លោក ផឿក បាន អភិបាលរងក្រុងប៉ោយប៉ែតបានបញ្ជាក់ថា ក្រោយទទួលព័ត៌មានប្រជាពលរដ្ឋជាង២០០នាក់ ធ្វើការតវ៉ានៅបរិវេណវត្តទំនប់ករ៥ ក្រោយអាជ្ញាធរភូមិក្រុមការងារចុះបញ្ជីដីធ្លីលក្ខណៈជាប្រព័ន្ធបានផ្អាកការវាស់វែង ក្រោយជាប់បណ្តឹងរក្សារបស់អតីតកងទ័ពជើងគោក ដែលត្រូវបានអង្គភាពបែងចែកជូនក្រោយជួបពិភាក្សាមន្ត្រីពាក់ព័ន្ធកាត់ដោះស្រាយបញ្ចប់ត្រូវកាត់ឆ្វៀលជាក់ស្តែងបែងចែកជូនបញ្ចប់ទំនាស់។
លោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥និងជាមេបញ្ជាការទិសទី១ បន្ទាយមានជ័យបានប្រាប់ថា បណ្តឹងរក្សាលការពាររបស់អតីតកងទ័ពជើងគោក ដែលត្រូវបានអង្គភាពបែងចែកជូនកងទ័ពជើងគោកចំនួន៦៣គ្រួសារ ភូមិសាស្ត្រក្រុងប៉ោយប៉ែត គឺមានរយៈពេលយូរមកហើយ ក្បែរព្រំដែនដែលជាប់ពាក់ព័ន្ធ ជាមួយប្រជាពលរដ្ឋគឺមិនពាក់ព័ន្ធជាមួយលោកនោះទេ ក្នុងនាមលោកជាមេបញ្ជាការទិសទីបន្ទាយមានជ័យ ជួយសម្របសម្រួលរកដំណោះស្រាយជូនប្រជាពលរដ្ឋហើយបានរាយការណ៍ជូនថ្នាក់លើ ដើម្បីដោះស្រាយបញ្ចប់វិវាទដីធ្លីក្រុមការងារធ្វើការចុះបញ្ជីដីធ្លីវាស់វែងជូនប្រជាពលរដ្ឋអោយបានឆាប់៕
ចែករំលែកព័តមាននេះ