ទំហំពាណិជ្ជកម្មទ្វេភាគីរបស់កម្ពុជាជាមួយនឹងប្រទេសមហាយក្សមួយនេះនៅក្នុងឆ្នាំ២០២៤ មានតម្លៃសរុបដល់ទៅ១៣,៧៦ ពាន់លានដុល្លារដោយនៅក្នុងនោះការនាំចូលមានតម្លៃសរុបប្រមាណជា១២,១៥ ពាន់លានដុល្លារ ហើយកម្ពុជានាំចេញបានប្រមាណតែជាង១,៦០ពាន់លានដុល្លារ ។ នេះបើតាមរបាយការណ៍សន្និបាតបូកសរុបការងារពាណិជ្ជកម្ម ឆ្នាំ២០២៤ និងទិសដៅពាណិជ្ជកម្មឆ្នាំ២០២៥ របស់ក្រសួងពាណិជ្ជកម្ម…
ទំហំពាណិជ្ជកម្មទ្វេភាគីរបស់កម្ពុជាជាមួយនឹងប្រទេសមហាយក្សមួយនេះនៅក្នុងឆ្នាំ២០២៤ មានតម្លៃសរុបដល់ទៅ១៣,៧៦ ពាន់លានដុល្លារដោយនៅក្នុងនោះការនាំចូលមានតម្លៃសរុបប្រមាណជា១២,១៥ ពាន់លានដុល្លារ ហើយកម្ពុជានាំចេញបានប្រមាណតែជាង១,៦០ពាន់លានដុល្លារ ។
នេះបើតាមរបាយការណ៍សន្និបាតបូកសរុបការងារពាណិជ្ជកម្ម ឆ្នាំ២០២៤ និងទិសដៅពាណិជ្ជកម្មឆ្នាំ២០២៥ របស់ក្រសួងពាណិជ្ជកម្ម ។
ផ្អែកតាមស្ថិតិនេះបានឲ្យដឹងថា នៅក្នុងឆ្នាំ២០២៤នេះឱនភាពពាណិជ្ជកម្មកម្ពុជាជាមួយនឹងចិន គឺមានតម្លៃដល់ទៅជាង១០ពាន់លានដុល្លារ ។
ដោយឡែក កាលពីឆ្នាំ២០២៣ តម្លៃពាណិជ្ជកម្មទ្វេភាគរបស់ប្រទេសទាំងពីរមានតម្លៃសរុប១៣,៤២ពាន់លានដុល្លារដោយកម្ពុជានាំចូលពីចិនមកមានតម្លៃ១១,៥៧ពាន់លានដុល្លារ ហើយ នាំចេញទៅវិញមានតម្លៃប្រមាណជា ១,៨៥ពាន់លានដុល្លារ ។
ផ្អែកតាមតួរលេខនេះ នៅក្នុងក្របខណ្ឌទំនាក់ទំនងពាណិជ្ជកម្មទ្វេភាគី គឺចិន គឺជាដៃគូពាណិជ្ជកម្មធំបំផុតរបស់កម្ពុជា ប៉ុន្តែទោះបីជាយ៉ាងណាក៏ដោយឱនភាពពាណិជ្ជកម្មរបស់កម្ពុជាជាមួយនឹងប្រទេសនេះក៏មានទំហំធំ ៕
ចែករំលែកព័តមាននេះ