ខេត្តមណ្ឌលគិរី ៖ យ៉ាងហោចណាស់ មនុស្ស៨នាក់ត្រូវបានបញ្ជូនទៅសាលាដំបូងខេត្ត ក្នុងករណីបង្ក្រាបល្បែងស៊ីសងដោយខុសច្បាប់(បៀរ) នៅចំណុចចម្ការកៅស៊ូ ឈ្មោះ កង វណ្ណា ហៅយាយម្លូរ…
ខេត្តមណ្ឌលគិរី ៖ យ៉ាងហោចណាស់ មនុស្ស៨នាក់ត្រូវបានបញ្ជូនទៅសាលាដំបូងខេត្ត ក្នុងករណីបង្ក្រាបល្បែងស៊ីសងដោយខុសច្បាប់(បៀរ) នៅចំណុចចម្ការកៅស៊ូ ឈ្មោះ កង វណ្ណា ហៅយាយម្លូរ ស្ថិតនៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
លោកវរសេនីយ៍ឯក ចំរើន ភីរុណ ស្នងការរងនគរបាលខេត្តមណ្ឌលគិរី នាថ្ងៃទី១២ ខែធ្នូ បានឲ្យដឹងថា នៅថ្ងៃទី៥ ខែធ្នូ ឆ្នាំ២០២៤ វេលាម៉ោង១៤ និង៣០នាទីកន្លងទៅ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអន្ដរាគមន៍ និងកម្លាំងអធិការដ្ឋាននគរបាលស្រុកកែវសីមា ដោយបានបញ្ជាផ្ទាល់ពីលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងបានដឹកនាំដោយលោកស្រីវរសេនីយ៍ទោ ព្យុះ ចិន្ដា នាយរងការិ យាល័យនគរបាលព្រហ្មទណ្ឌកម្រិតស្រាល បានបង្ក្រាបទីតាំងលេងល្បែងស៊ីសងដោយខុស ច្បាប់ (បៀរ) មួយទីតាំងដែលនៅចំណុចចម្ការកៅស៊ូរបស់ឈ្មោះកង វណ្ណា ហៅយាយម្លូ ស្ថិតនៅភូមិអូរអាមឃាត់ខ្លួនមនុស្សសរុបចំនួន១១នាក់ ស្រី០៩នាក់ និងដកហូតវត្ថុតាងដែលមានរៀបរាប់ខាងលើ ។
លោកវរសេនីយ៍ស្នងការរងបានបន្តថា ក្នុងប្រតិបត្តិការខាងលើ សមត្ថកិច្ចចាប់ខ្លួនមនុស្សសរុបរួមមាន១១នាក់/ស្រី០៩នាក់ ក្នុងនោះ រួមមាន ស្ត្រីអ្នកយកតុងចំនួន០២នាក់ អ្នកលេងបៀរចំនួន០៥នាក់/ស្រី០៣នាក់ អ្នកឈរមើលគេលេងចំនួន០១នាក់ អ្នកលក់មានចំនួន០៣នាក់ ។ ចំណែកវត្ថុតាងរួមមាន ១.សង់ឌ្រីមពណ៌ខ្មៅពាក់ស្លាកលេខ ភ្នំពេញ ១AO-៣៩៧៨។២.សង់ឌ្រីមពណ៌ខ្មៅពាក់ស្លាកលេខ ភ្នំពេញ ១BQ-១៣៦៣។ ៣.សង់ឌ្រីមពណ៌ខ្មៅពាក់ស្លាកលេខ ព្រៃវេង ១E-០៧ ៨៧។ ៤.សង់ឌ្រីមពណ៌ខ្មៅពាក់ស្លាកលេខ កណ្ដាល ១V-៣៦៤៥។
៥.សង់ឌ្រីមពណ៌ខ្មៅពាក់ស្លាកលេខ សៀមរាប ១AP-៣១៧៤។ ៦.សង់ឌ្រីមពណ៌ខ្មៅពាក់ស្លាកលេខ ត្បូងឃ្មុំ ១K-៥១៨៥។ ៧.សង់ឌ្រីមពណ៌ខ្មៅ គ្មានស្លាកលេខ។ ៨.សង់ឌ្រីមពណ៌ខ្មៅពាក់ស្លាកលេខ ភ្នំពេញ ១JE-៦៧៥១។ ៩.វេវពណ៌ទឹកសមុទ្រ គ្មានស្លាកលេខ គ្មានខោអាវ។ ១០.វីសិន ពណ៌ស អត់ស្លាកលេខ។ ១១.វេវពណ៌ខ្មៅគ្មានស្លាកលេខ។ ១២.វេវពណ៌ទឹកប៊ិច គ្មានស្លាកលេខ។ ១៣.វេវពណ៌ទឹកសមុទ្រគ្មានស្លាកលេខ។ ១៤.កន្ទេលចំនួន០៤។ ១៥.ភួយចំនួន០៥។ ១៦.បៀរចំនួន១១ហ៊ូ។ ១៧.កាដុងសម្រាប់ដកតុងបៀរចំនួន០៤។ ១៨.លុយតុងបៀរចំនួន១១,០០០៛។
បច្ចុប្បន្ន ស្ត្រីចំនួន០៣នាក់និងវត្ថុតាង(ម៉ូតូ)ចំនួន០៣គ្រឿងសមត្ថកិច្ចធ្វើការអប់រំឲ្យត្រឡប់ទៅលំនៅដ្ឋានវិញ។ចំណែកជនសង្ស័យចំនួន០៨នាក់ ប្រុសពីរនាក់ និងស្រីប្រាំមួយនាក់ រួមទាំងវត្ថុតាងសេសសល់ទាំងអស់ត្រូវបានកម្លាំងជំនាញកសាងសំណុំរឿងបញ្ជូនទៅតុលាការកាលពីថ្ងៃទី៦ ខែធ្នូ ឆ្នាំ២០២៤រួចរាល់៕
ចែករំលែកព័តមាននេះ