កូនខ្មែរដំបូងគេដែលចាប់អាជីព «សិល្បៈគំនូរលើរថយន្ត» ខណៈអាជីពមួយនេះ កំពុងតែមានទីផ្សារជាបណ្តើរៗនៅកម្ពុជា ក្រោយមានការគាំទ្រ ងាកមកតុបតែងឡានដែលជាក្តីស្រមៃរបស់មនុស្សសម័យថ្មី ពោរពេញដោយប្រណីតភាពស៊ីវិល័យ ។ ជាការពិត សិល្បៈគំនូរលើរថយន្តជាសិល្បៈរបស់បរទេសដែលមានលំហូរចូលកម្ពុជាមានវត្តមានយុវជនជាច្រើន…
កូនខ្មែរដំបូងគេដែលចាប់អាជីព «សិល្បៈគំនូរលើរថយន្ត» ខណៈអាជីពមួយនេះ កំពុងតែមានទីផ្សារជាបណ្តើរៗនៅកម្ពុជា ក្រោយមានការគាំទ្រ ងាកមកតុបតែងឡានដែលជាក្តីស្រមៃរបស់មនុស្សសម័យថ្មី ពោរពេញដោយប្រណីតភាពស៊ីវិល័យ ។
ជាការពិត សិល្បៈគំនូរលើរថយន្តជាសិល្បៈរបស់បរទេសដែលមានលំហូរចូលកម្ពុជាមានវត្តមានយុវជនជាច្រើន កំពុងមានការចាប់អារម្មណ៍ ក្រោយវិចិត្រមួយរូបដែលធ្លាប់តែគូរគំនូរលើជញ្ជាំង ក្រដាស ងាកមកបន្ថែមការងារគូសវាសនៅរថយន្តជារសជាតិថ្មី ក្នុងយុគសម័យឌីថល ។
តើលោកអ្នកដឹងទេ ថាសិល្បៈមួយនេះកំពុងតែពេញនិយមនៅកម្ពុជា? តាមរយៈបទសម្ភាសន៍ជាមួយសារព័ត៌មានកោះសន្តិភាព លោក សំអុល អូដេស ដែលជាវិចិត្រករគំនូរ លោកថា ទើបតែចាប់ផ្តើមអាជីពមួយនេះប៉ុណ្ណោះព្រោះ«សិល្បៈគំនូរលើរថយន្ត» នេះមានទីផ្សារមិនទាន់ទូលំទូលាយនោះឡើយ តែក៏មានអ្នកគំនូរច្រើនគួរសម បានចាប់យកអាជីពមួយនេះ ។
លោក សំអុល អូដេស ដែលជាជនខ្មែរមានទីកន្លែង នៅរាជធានីភ្នំពេញ បន្តទៀតថា មូលហេតុដែលលោកចាប់អាជីព«សិល្បៈគំនូរលើរថយន្ត» នេះដោយសារសម្លឹងឃើញពីទីផ្សារការងារមិនទាន់មានកូនចាប់យកការងារនេះបានច្រើននោះឡើយ ដោយសារគំនូរលើកជញ្ជាំង ឬក្រដាសអាចលុបបាន តែគំនូរលើឡានត្រូវការផ្ចិតផ្សង់មិនអាចលុបបាន ហើយនៅត្រូវការពេលវេលាស្រមើល៎ស្រមៃខ្ពស់ ដើម្បីបានចេញពីរូបភាពមួយកាន់តែប្រណិតទៅលើរថយន្ត ដូចដែលលោកបានធ្វើកាលពីកន្លងទៅ ។
លោក សំអុល អូដេស ថា អាជីពមួយនេះលោកទើបតែធ្វើតែប៉ុណ្ណោះ កាលពីអំឡុងខែ កុម្ភៈ ឆ្នាំ២០២៤ ដោយកាលពីកន្លងទៅ លោកជា វិចិត្រករ ដែលជាជាងគូរគំនូរតាមជញ្ជាំង និងក្រដាស ។
លោកថា សិល្បៈគំនូរលោកចូលចិត្តខ្លាំងតាំងពីកុមារដោយលោកបានរៀននៅអង្គការរ៉ៃយរយៈពេល៤ឆ្នាំ ពាក់ព័ន្ធនឹងសិល្បៈគំនូរ និងរៀនជំនាញស្ថាបតយ្យកម្មដែលលោកបានសិក្សា ។ លោក សំអុល អូដេស បន្តទៀតថា សម្រាប់ទីផ្សារនៃការងារមួយនេះ គឺមិនសូវទូលំទូលាយនៅឡើយទេ ដូចជា ចំពោះស្នាដៃរបស់លោកគឺធ្វើបានឡានពីរ និងម៉ូតូជាច្រើនគ្រឿង ដែលបងប្អូនបានអោយលោកធ្វើក្នុងនោះដែរ លោកបញ្ជាក់ថា សម្រាប់រថដែលលោកគូសវាសនោះ គឺចំណាយពេល៩ទៅ១០ម៉ោងទើបហើយ ។
គួរបញ្ជាក់ដែរថា « សិល្បៈគំនូរលើរថយន្ត» ជាសិល្បៈដែលពេញនិយមសម្រាប់បរទេស ក្នុងការកែខៃរថយន្តដែលជាក្តីស្រមៃរបស់លោកអ្នកអោយកាន់តែលេចធ្លោ និងភាពទាក់ទាញក្នុងសម័យទំនើប ៕ ដោយ៖លីហួ គីមឆាយ
ចែករំលែកព័តមាននេះ