ចែកពូជបន្លែដល់ប្រជាពលរដ្ឋក្នុងមូលដ្ឋានឃុំសាមគ្គី ស្រុកព្រៃនប់
ខេត្តព្រះសីហនុ ៖ នៅស្រុកព្រៃនប់ នាព្រឹកថ្ងៃទី២៥ ខែវិច្ឆិកា ឆ្នាំ២០២៤ ក្រុមការងាររាជរដ្ឋាភិបាល និងក្រុមការងារគណបក្សចុះមូលដ្ឋានឃុំសាមគ្គី ដឹកនាំដោយលោក នេន…
ខេត្តព្រះសីហនុ ៖ នៅស្រុកព្រៃនប់ នាព្រឹកថ្ងៃទី២៥ ខែវិច្ឆិកា ឆ្នាំ២០២៤ ក្រុមការងាររាជរដ្ឋាភិបាល និងក្រុមការងារគណបក្សចុះមូលដ្ឋានឃុំសាមគ្គី ដឹកនាំដោយលោក នេន ចំរើន បានដឹកនាំក្រុមការងារ ចុះចែកពូជដំណាំបន្លែកសិកម្មដល់បងប្អូនប្រជាពលរដ្ឋក្នុងមូលដ្ឋានឃុំ បន្ទាប់ពីបានប្រជុំពិភាក្សា លើផែនការចែកពូជ កាលពីពេលកន្លងទៅ ។
លោក នេន ចំរើន បានថ្លែងថា បន្ទាប់ពីចែកពូជរួច និងដាំបាន រយៈពេលពី៧ ទៅ១០ថ្ងៃ ក្រុមការងារជំនាញ នឹងចុះពិនិត្យ ផ្តល់បច្ចេកទេស វិធីថែទាំបន្លែអោយបានលូតលាស់ល្អ ដោយប្រើជីធម្មជាតិ មិនប្រើជីគីមី ហើយចំពោះផលដំណាំបន្លែ ដែលទទួលបានពីការដាំនេះ ក្រុមការងារនឹងទទួលទិញចាប់ពីកន្លះគីឡូ ឡើងទៅ ចាប់ពីថ្ងៃ៧ ខែមករា ឆ្នាំ២០២៥ រហូតតទៅ នៅស្នាក់ការឃុំសាមគ្គី ។
លោក នេន ចំរើន បានបន្តថា ចំពោះតំលៃទិញលើសតំលៃដើម ឲ្យមានផលចំណេញ ហើយមួយទៀត បើសិនមានតំលៃទីផ្សារទិញលើសថ្លៃជាង ចំណេញច្រើនជាង អាចលក់ទៅបានតាមចិត្ត យ៉ាងណាឲ្យតែបងប្អូន លោកយាយលោកតា ចំណេញច្រើន។ នេះចាប់យកពេលវេលាមួយ សម្រាប់ពលរដ្ឋគាត់ទំនេរ នៅផ្ទះមើលចៅ ឫទំនេរពីការងារ ធ្វើការដាំបន្លែនៅផ្ទះ ឫដីខ្លួនឯង ដែលទំនេរចោល បានផលហូបខ្លួនឯងផង និងលក់បានលុយទៀត ។
ជាមួយគ្នានេះ ពលរដ្ឋបានថ្លែងអំណរគុណ ដល់ក្រុមការងារ ដែលបានចែកពូជបន្លែនេះដល់ពួកគាត់ ដោយមិនចំណាយលុយទៅទិញពូជពីផ្សារមក ។ នេះគឺជាសកម្មភាពការងារមួយ ដើម្បីលើកកម្ពស់ជីវភាពរបស់ប្រជាពលរដ្ឋ នៅក្នុងមូលដ្ឋាន រួមចំណែកលុបបំបាត់ភាពក្រីក្រផងដែរ ៕
ចែករំលែកព័តមាននេះ