រាជធានីភ្នំពេញ ៖ វីតាល់ ទឹកពិសាគុណភាពខ្ពស់ ដែលទទួលបានប្រជាប្រិយភាព ក្នុងការប្រើប្រាស់ពីសំណាក់អតិថិជននៅកម្ពុជា បានប្រកាសជាដៃគូទឹកពិសាផ្លូវការតែមួយគត់ ក្នុងកម្មវិធីប្រកួតបវរកញ្ញាភពផែនដីអន្តរជាតិ ២០២៤ ឬ…
រាជធានីភ្នំពេញ ៖ វីតាល់ ទឹកពិសាគុណភាពខ្ពស់ ដែលទទួលបានប្រជាប្រិយភាព ក្នុងការប្រើប្រាស់ពីសំណាក់អតិថិជននៅកម្ពុជា បានប្រកាសជាដៃគូទឹកពិសាផ្លូវការតែមួយគត់ ក្នុងកម្មវិធីប្រកួតបវរកញ្ញាភពផែនដីអន្តរជាតិ ២០២៤ ឬ Miss Planet International 2024 ដែលកម្ពុជាកំពុងធ្វើជាម្ចាស់ផ្ទះ ចាប់ពីថ្ងៃទី ១៩ ដល់ថ្ងៃទី ២៧ ខែវិច្ឆិកា ឆ្នាំ ២០២៤ នេះ ។ នេះជាមោទនភាពថ្មីរបស់ វីតាល់ ដែលបានចូលរួមសហការ ជាមួយកម្មវិធីបវរកញ្ញាកម្រិតអន្តរជាតិ ដែលបេក្ខភាពបវរកញ្ញាជាង ៧៦ប្រទេសមកពីជុំវិញពិភពលោក អញ្ជើញមកកាន់ព្រះរាជាណាចក្រកម្ពុជា ដើម្បីចូលរួមប្រកួតប្រជែងយកជ័យលាភី ជាម្ចាស់ម្កុដ បវរកញ្ញាភពផែនដីអន្តរជាតិ ២០២៤ ។
គួរជម្រាបផងដែរថា កម្មវិធីប្រកួតបវរកញ្ញាផែនដីបង្កើតឡើងក្នុងគោលបំណង ដើម្បីលើកកម្ពស់ការអភិរក្សភពផែនដី និងជីវិតមនុស្សប្រកបដោយចីរភាព ស្របតាមគោលការណ៍របស់អង្គការសហប្រជាជាតិ ។ ទន្ទឹមនឹងនេះដែរ បេសកកម្មរបស់កម្មវិធី គឺលើកកម្ពស់ស្ត្រី ឱ្យក្លាយជាគំរូល្អនៅក្នុងសហគមន៍ និងជុំវិញពិភពលោក ថែមទាំងជម្រុញឱ្យមានការផ្លាស់ប្តូរជាវិជ្ជមានក្នុងសង្គមតាមរយៈសកម្មភាពនានារួមមានសកម្មភាពមនុស្សធម៌ ចំណេះដឹងពីបរិស្ថាន និងការថែរក្សាផែនដី ។
បន្ថែមពីនេះកម្មវិធីបានចូលរួមផ្សព្វផ្សាយពីវិសាលភាពទេសចរណ៍កម្ពុជាទៅកាន់ពិភពលោកបានថែមមួយកម្រិតទៀត ដោយផ្សាភ្ជាប់សកម្មភាពទៅនឹងទីតាំងវប្បធម៌ រួមមានអច្ឆរិយអង្គរខេត្តសៀមរាបជាដើម ។
លោក ជុនហៀង ថាវសិទ្ធិ អនុប្រធានធុរកិច្ច នៃក្រុមហ៊ុន វ័ន ហ្វ្រេតធើនីធី (វីតាល់) បានមានប្រសាសន៍ថា ៖ “នេះជាមោទកភាពថ្មីដែលវីតាល់ទទួលបានក្នុងនាមជាដៃគូការសហការផ្គត់ផ្គង់ ទឹកពិសារ គុណភាពខ្ពស់ និងប្រកបដោយឧត្តមភាព សម្រាប់កម្មវិធីប្រកួតបវរកញ្ញាភពផែនដីអន្តរជាតិ ២០២៤ នៅទឹកដីព្រះរាជាណាចក្រកម្ពុជា ព្រះរាជាណាចក្រអច្ឆរិយ” ។
ក្នុងនាមជាក្រុមហ៊ុនទឹកពិសាគុណភាពខ្ពស់ឈានមុខក្នុងស្រុក វីតាល់ ជានិច្ចកាលតែងតែបន្តផ្សាភ្ជាប់ទំនាក់ទំនងយ៉ាងសកម្ម ក្នុងសកម្មភាពសប្បុរសធម៌ សង្គម និងកម្មវិធីព្រឹត្តិការណ៍ជាតិ អន្តរជាតិជាច្រើន ដែលធ្វើឡើងក្នុងគោលបំណងផ្តល់ជាឧត្តមប្រយោជន៍ដល់សង្គម និងជនរួមជាតិខ្មែរ ។ វីតាល់ មានក្ដីសោមន្សរីករាយក្នុងការស្វាគមន៍បេក្ខភាពបវរកញ្ញាជាង ៧៦ប្រទេសមកកាន់ប្រទេសកម្ពុជា និងសូមជូនពរឱ្យការស្នាក់នៅកម្ពុជាប្រកបដោយសុវត្ថិភាព និងពោរពេញដោយភាពសប្បាយរីករាយ ។ សូមតាមដានលើទំព័រ ហ្វេសប៊ុក របស់វីតាល់ សម្រាប់ព័ត៌មានថ្មីៗពីកិច្ចសហប្រតិបត្តិការនេះ ។
វីតាល់ មោទនភាពផលិតផលជាតិ ! ៕ អត្ថបទសហការ
ចែករំលែកព័តមាននេះ