ខេត្តកំពត ៖ តាមសេចក្តីរាយការណ៍របស់អាជ្ញាធរសង្កាត់ត្រើយកោះ កាលពីថ្ងៃទី២០ វិច្ឆិកា ឆ្នាំ២០២៤ ឱ្យដឹងថា ចាប់ពីថ្ងៃទី១៨ ដល់ថ្ងៃទី១៩ ខែវិច្ឆិកា…
ខេត្តកំពត ៖ តាមសេចក្តីរាយការណ៍របស់អាជ្ញាធរសង្កាត់ត្រើយកោះ កាលពីថ្ងៃទី២០ វិច្ឆិកា ឆ្នាំ២០២៤ ឱ្យដឹងថា ចាប់ពីថ្ងៃទី១៨ ដល់ថ្ងៃទី១៩ ខែវិច្ឆិកា ឆ្នាំ២០២៤ កន្លងមកនេះ ស្ថានភាពទឹក
សមុទ្រជោរធំហក់ឡើងខុសពីធម្មតា បណ្ដាលឱ្យមានការលិចលង់ស្រែអំបិលនៅតំបន់ជាប់ឆ្នេរព្រែក ប្រមាណជា30% លើបរិមាណផ្ទៃដីផលិតអំបិល៨៥៨ហិកតា(១០០%) ។
ប៉ុន្តែគ្រោះធម្មជាតិខាងលើ មិនបង្កឲ្យមានការខូចខាតអំបិលនោះឡើយដោយហេតុថា អ្នកផលិតអំបិលមិនទាន់ចាប់ផ្ដើមផលិតអំបិលនៅឡើយ ។ រីឯឃ្លាំងស្តុបអំបិលសរុបចំនួន១៦៤ឃ្លាំង ក៏មិនបង្កឲ្យមានផលប៉ះពាល់ផងដែរ ។ ដោយឡែក នៅថ្ងៃទី២០ វិច្ឆិកា ឆ្នាំ២០២៤ ស្ថានភាពទឹកសមុទ្របានស្រក់ចុះវិញមកនៅកម្រិតធម្មតា ។
សូមបញ្ជាក់ថា គ្រោះធម្មជាតិដែលទឹកសមុទ្រជោរជន់ធំឡើងលិចស្រែអំបិលនោះ ពិតជាលិចស្រែអំបិលពិតប្រាកដមែន ប៉ុន្តែឃ្លាំងស្តុបអំបិល មិនបានខូចខាតអំបិលដែលស្តុបនៅក្នុងឃ្លាំងនោះទេ ។ រីឯប្រភពមួយចំនួនដែលរាយការណ៍ថា កន្លែងដែលទឹកលិចជាកន្លែងផលិតអំបិលថ្មី គឺពុំពិតនោះទេ គឺស្រែអំបិលនេះជាស្រែអំបិលដែលប្រជាកសិករអ្នកផលិតអំបិលជាយូរយាមកហើយ(តកូនតចៅ)រហូតមកដល់បច្ចុប្បន្ន ។
ប៉ុន្តែដោយស្ថានភាពទឹកសមុទ្រមានការប្រែប្រួលខុសធម្មតា រយៈពេល២ថ្ងៃ គឺថ្ងៃទី១៨-១៩ ឆ្នាំ២០២៤នេះ ឡើងជោរខុសពីធម្មតាទើបបណ្តាលឲ្យលិចស្រែអំបិល ប៉ុន្តែមិនបណ្តាលឲ្យមានការខូចខាតអំបិលនោះទេ នេះបើតាមអាជ្ញាធរសង្កាត់ត្រើយកោះនិងអ្នកផលិតអំបិលបានឲ្យដឹង ៕
ចែករំលែកព័តមាននេះ