ខេត្តតាកែវ ៖ ហេតុការណ៍ដ៏គួរឱ្យនឹកស្មានមិនដល់មួយបានកើតឡើងនៅស្រុកបាទី ខេត្តតាកែវ កាលពីព្រឹកថ្ងៃទី១៩ ខែវិច្ឆិកា ឆ្នាំ២០២៤ ក្រោយមានបងប្អូនប្រជាពលរដ្ឋប្រទះឃើញក្មេងស្រី អាយុ៣ឆ្នាំ យំឱបសា.កស.ពស្ត្រីម្នាក់…
ខេត្តតាកែវ ៖ ហេតុការណ៍ដ៏គួរឱ្យនឹកស្មានមិនដល់មួយបានកើតឡើងនៅស្រុកបាទី ខេត្តតាកែវ កាលពីព្រឹកថ្ងៃទី១៩ ខែវិច្ឆិកា ឆ្នាំ២០២៤ ក្រោយមានបងប្អូនប្រជាពលរដ្ឋប្រទះឃើញក្មេងស្រី អាយុ៣ឆ្នាំ យំឱបសា.កស.ពស្ត្រីម្នាក់ នៅកំប៉ូតព្រៃ ដោយសារតែគ្រូពេទ្យចិត្តអប្រិយ ដែលជាម្ចាស់គ្លីនិកឯកជនយីហោសុងហាក់ ម៉ារីណា ។
ចំពោះប្រព្រឹត្តិអំពើផ្ទុយពីវិជ្ជាជីវៈមានចេតនាចង់បិទបាំង នៅការព្យាបាលរបស់ខ្លួនដែលធ្វើអោយអ្នកជំងឺបានស្លា.ប់ រួចយកជនរងគ្រោះនឹងក្មួយស្រីដឹកតាមរថយន្តមកផ្លុងចោល នៅកំប៉ូតព្រៃស្ងាត់មួយកន្លែងទាំងយប់ ស្ថិតនៅភូមិម្រះព្រៅ ឃុំចំបក់ ស្រុកបាទី ដែលអំពើនេះជាសកម្មភាពដ៏សាហា.វ និងឃោឃៅបំផុត ដែលមហាជនមិនអាចលើកលែងបាន នឹងស្អប់ខ្ពើមជាទីបំផុត ។ នេះបើតាមផេកស្នងការដ្ឋាននគរបាលខេត្តតាកែវបានបង្ហោះមុននេះ ។
សូមបញ្ជាក់ផងដែរថា ក្រោយទទួលបានសេចក្តីរាយការណ៍ពីបងប្អូនប្រជាពលរដ្ឋ បានប្រទះឃើញសាកស.ពស្ត្រីម្នាក់ រួមជាមួយក្មេងស្រីអាយុ៣ឆ្នាំ នៅអង្គុយយំឱបស.ពនៅក្នុងកំប៉ូតព្រៃ នាវេលាម៉ោង០៦ និង៣០នាទី ថ្ងៃទី១៩ ខែវិច្ឆិកា ឆ្នាំ២០២៤ លោកឧត្ដមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលនីតិវិធីដោយឯកឧត្តមព្រះរាជអាជ្ញាអមអាយ្យការសាលាដំបូងខេត្ដ បានបញ្ជាអោយកងកម្លាំងនគរបាលជំនាញសហការណ៍ជាមួយកម្លាំងនគរបាលស្រុកបាទី ចុះទៅដល់កន្លែងកើតហេតុ ធ្វើការសាកសួរពិនិត្យវិភាគ និងប្រមូលវត្ថុតាងនៅជុំវិញកន្លែងកើតហេតុ ។
ក្រោយការពិនិត្យសមត្ថកិច្ចបានធ្វើការកំណត់មុខសញ្ញាបានរហូតឈានដល់ការឃាត់ខ្លួនគ្រូពេទ្យពីរនាក់ប្ដីប្រពន្ធ រួមមានឈ្មោះ ហៀង សុងហាក់ ភេទប្រុស អាយុ៣៧ឆ្នាំ និងឈ្មោះ ស៊ុន ម៉ារីណា ភេទស្រី អាយុ៣៩ឆ្នាំ ជាម្ចាស់គ្លីនិកឯកជន យីហោ សុងហាក់ ម៉ារីណា ។
តាមចម្លើយសារភាពរបស់ជនសង្ស័យថា ខ្លួនពិតជាបានធ្វើសកម្មភាពនេះពិតប្រាកដមែន ។ ហើយនៅព្រឹកថ្ងៃទី២០ ខែវិច្ឆិកា ឆ្នាំ២០២៤នេះ សមត្ថកិច្ចបានក៏សាងសំណុំរឿង និងនាំខ្លួនគ្រូពេទ្យទាំងពីរនាក់ប្ដីប្រពន្ធនេះទៅសាលាដំបូងខេត្ដហើយ ដើម្បីធ្វើការកាត់ទោសទៅតាមផ្លូវច្បាប់ ៕
ចែករំលែកព័តមាននេះ