ខេត្តមណ្ឌលគិរី ៖ ព្រឹត្តិការណ៍ជាប្រវត្តិសាស្ត្រសម្រាប់ខេត្តមណ្ឌលគិរី គឺការប្រណាំងទូកងខ្នាតតូចកណ្តាលក្រុងសែនមនោរម្យ បានទាក់ទាញភ្ញៀវទេសចររហូតជាងមួយម៉ឺននាក់ គិតត្រឹមថ្ងៃទី១ នៃពិធីបុណ្យអុំទូក ដែលធ្វើឲ្យផ្ទះសំណាក់ សណ្ឋាគារ និងរីស៊តក្នុងខេត្តមិនអាចផ្គត់ផ្គង់គ្រប់តម្រូវ…
ខេត្តមណ្ឌលគិរី ៖ ព្រឹត្តិការណ៍ជាប្រវត្តិសាស្ត្រសម្រាប់ខេត្តមណ្ឌលគិរី គឺការប្រណាំងទូកងខ្នាតតូចកណ្តាលក្រុងសែនមនោរម្យ បានទាក់ទាញភ្ញៀវទេសចររហូតជាងមួយម៉ឺននាក់ គិតត្រឹមថ្ងៃទី១ នៃពិធីបុណ្យអុំទូក ដែលធ្វើឲ្យផ្ទះសំណាក់ សណ្ឋាគារ និងរីស៊តក្នុងខេត្តមិនអាចផ្គត់ផ្គង់គ្រប់តម្រូវ ការ។
ឯកឧត្តម ថង សាវុន អភិបាលខេត្តមណ្ឌលគិរីមានប្រសាសន៏ថា នេះអាចចាត់ទុកថា ជាប្រវត្តិ សាស្ត្រហើយដែលខេត្តមណ្ឌលគិរីបានរៀបចំព្រឹត្តិការណ៍ប្រណាំងទូក ដ្បិតទីរួមខេត្តមួយនេះមានតែភ្នំ និងអូរតូចៗគ្មានប្រភពទឹកធំសម្រាប់ប្រារព្ឋពិធីអុំទូកដូចបណ្តាលខេត្តនានាឡើយ។
ឯកឧត្តមអភិបាលខេត្តបន្តថា ក្រោយរដ្ឋបាលខេត្តរៀបចំ និងកសាងទំនប់ទឹកសែនសុខដុមបានល្អស្អាត អាជ្ញាធរអាចមានលទ្ឋភាពរៀបចំពិធីប្រណាំងទូកខ្នាតតូច ដើម្បីទាក់ទាញភ្ញៀវទេចរណ៏ ជាពិសេសគឺអាចឲ្យប្រជាពលរដ្ឋលំហែកម្សាន្តយ៉ាងសប្បាយរីករាយ។មិនត្រឹមមានពិធីបុណ្យអុំទូកទេ អាជ្ញាធរបានរៀបចំ ប្រទីបបណ្តែតលម្អលើផ្ទៃទឹកដ៏ស្រស់ស្អាត និងមានការតាំងពិព័រណ៍ ការប្រគុំតន្ត្រីនៅសួនច្បារដំរីដែក និងបាញ់កាំជ្រួចផងដែរ។
យោងតាមប្រភពក្រៅផ្លូវការដែលម្ចាស់ផ្ទះសំណាក់បានប្រាប់កោះសន្តិភាពថា ភ្ញៀវបានកក់បន្ទប់ស្នាក់នៅពេញគ្មានសល់ ហើយភ្ញៀវខ្លះបានស្នើរសុំបោះតង់ក្នុងបរិវេណរីស៊តមួយចំនួនដើម្បីមានកន្លែងស្នាក់នៅប៉ុណ្ណោះអាសន្ន ហើយភ្ញៀវខ្លះទៀតបានស្នាក់នៅផ្ទះអ្នកភូមិ ឬផ្ទះសាច់ញាតិ ដ្បិតគ្រប់សេវាកម្មស្នាក់នៅបានពេញណែន។
ចំណែកលោក ស៊ាង សឿន ប្រធានមន្ទីរទេសចរណ៍ខេត្តមណ្ឌលគិរី បានឲ្យដឹងថា គិតត្រឹមថ្ងៃទីមួយនៃពិធីបុណ្យអុំទូកខេត្តមណ្ឌលគិរី ស្រូបបានភ្ញៀវទេសចរណ៍ចំនួន១៤ ២០១នាក់ ដែលបានជម្រុញចលនាសេដ្ឋកិច្ចក្នុងមូលដ្ឋានបានមួយកម្រិត ។ លោកប្រធានមន្ទីរបន្តថា សម្រាប់ការស្នាក់អាស្រ័យបានគ្រប់គ្រាន់ គ្រប់បន្ទប់ ទាំងសណ្ឋាគារ រីស៊ត ម៉ូតែល និងផ្ទះសំណាក់ ពេញទាំងអស់ ។
សម្រាប់ខេត្តមណ្ឌលគិរីខេត្តមណ្ឌលគិរី មានតំបន់ទេសចរណ៍សរុបចំនួន ១០៦កន្លែង ក្នុងនោះតំបន់ទេសចរណ៍ វប្បធម៌-ប្រវត្តិសាស្ត្រចំនួន០៥ កន្លែង ភ្នំដោះក្រមុំ ភ្នំក្រោល ភ្នំលុប្រាណ ភ្នំណាមលៀរ និងព្រះរាជដំណាក់ ។ តំបន់រមណីយដ្ឋានធម្មជាតិ-អេកូទេសចរណ៍ចំនួន៩៨កន្លែង និងរមណីយកែច្នៃចំនួន០៣កន្លែង។
លោក ស៊ាង សឿន បន្តថា ក្រៅពីនេះខេត្តមណ្ឌលគិរីក៏នៅមានតំបន់ដែនជម្រកសត្វព្រៃមានចំនួន០៥កន្លែង ដែលតំបន់ទាំងនេះមានវត្តមានប្រភេទសត្វធំៗសម្រាប់ទស្សនា ព្រៃស្រោង បឹង និងទឹកជ្រោះជាច្រើនភាពសម្បូរបែបនៃវប្បធម៌ ប្រភេទសត្វកម្រដែលជាសក្តានុពលអភិវឌ្ឍអេកូទេស ចរណ៍។ លោកប្រធានមន្ទីរទេសចរណ៏បានបញ្ជាក់ថា សេវាកម្មទេសចរណ៍ខេត្តមណ្ឌលគិរីមាន២២០កន្លែង ស្មើនិង ២ ១៤២បន្ទប់ សម្រាប់ទទួលស្វាគមន៏ភ្ញៀវទេសចរណ៍៕
ចែករំលែកព័តមាននេះ